2010–2019
Bpin ni Rugod u lan fare Murwel
April 2018


Bpin ni Rugod u lan fare Murwel

Gubin e ppin nib rugod u lane Galasia ma thingari thamiy nib ga’fan, ma bay kanawo’en ninge pigpig, me thamiy ni bay ban’en nib fal’ ngay ni nge pi’ ko biney e murwel.

Fare duw nike thimur, fare conference ko general priesthood, Bishop Gérald Caussé e ke non ko pumo’on ko fare Galasia nibe weliy rogon e Aaronic nge Melchizedek priesthood ni yow be yan u ta’bang ni ngan mu’ nag wo’en e murwel.1 Ra mulwol nem e ba tawa’ath nib mangil ni nge ayuweg e p’in nib pagael ko fare Aaronic Priesthood ni ngar guyed e n’en ni yaed ma rin’ ni ngar muruwliyed e Gililngun Got on roy u danop. Ma pigpig rorad e be gel nag fare Galasia ni machane sabathin roraed nge thin ni dabin thilyeg u gumircha’en raed ko pagael ni fel’ yangren ni ngar guyed ni yaed baga’fan ko ra murwel ney.

Daba’ e guba adag ni nggu weliy boch e ra mulwol ni gube weliy marnga’gan urgon e bpin ni rugod ko Galasia ni gube ning e ayuw nge ni ngan mu’ nag e murwel ku Somoel nib ga’fan u lane tabinaew roraed nge lane Galasia rok.

Boed Bishop Causse, Kug paer ko branch nib achig ko fare Galasia napan ni kugub fa’l yangren era duw nem, yima fithig ni ku mu’ nag e murwel rog ko liw ni ma mu’ nag e pil’al. Boed ni, boech i gaed ko program ko fal’ yangren e ma pi’ e ayuw i yarmeg ni ngan ta’nom nag boch e gosgos nge boch ban’en nib fel’. Kug luyed e gosgos, magmaed faleg e ulung ko ko tang ni ngar pi’id ko branch, kug uned ko gubin ban’en ko branch. Ma kanoeg ngog ni gumang cha’ ninge musik ni gu tabab nag e tang ko mo’olung ko sacrament ni gubin e wik. Ban’en nib mangil banen ni ngug nang nib 16 e duw rog ni nggu sak’iy ngalang u pow’chen e gubin e girdii ko branch ni gubin e Madnom ngug tabab nag e tang. Kug thamiy rog ni bay banen ni kug nang ni gu pii’ e ayuw. Girdii’ e pagan’ ngog ni gubay u rom. Ma gu ba adag ni gube thamiy ni gub gafan. Binem e n’en ni kug thamiy nge ayuwegeg nge gel e mich rog ngak Yesus Kristus, nge ku bachane Bishop Causse, ni nge mang e yafos rog e pigpig ko fare gospel.

Ra bee’ ma thingari nang nib tu’uf e ayuw roraed. Ra bee’ ma bay ban’en nib ga’fan ni nge pii’ nge n’en nib salap riy nge boch banen rayod ni nge pii e ayuw riy ni ngan mithmith nag fare murwel nib gafan. Pagael ni fal’ yangren e bay e murwel ko Aaronic Priesthood be yog rogon fare Doctrine and covenant ni gubin ngiyal’ ni bay nib be’ech. Rayog ni dar guy e ppin rugod ko Galasia, galabthir roraed, nge pi toygang’ roraed, ko ngiyal’ nikan tawfe nag raed, bpin ni rugod e bay e m’ag nib mil fan ngoraed ni ngar “kirbaenʼmed ngakʼ e piʼin nibe kirbaenʼ; arragon, mi gimed falʼeg laniyaenʼ e piʼin nib tʼuf rokʼ ni ngan falʼeg laniyaenʼ, ma ngam pired ni gimed e pi mich rokʼ Got ni gubin e ngiyalʼ ngo fithikʼ gubin banʼen, nge gubin yang ni [yaed] bay riy, nge yaeni madaʼ ko ngiyalʼ ni kam mʼaed.”2 Bpin ni rugod e bay e kanawo’en raed ni ngar rrin’ed e pin’ney u lane ward nge branch roraed nge napan ni yad ra pigpig ko pi presidency u class, mo’olung ko fal’ yangren, nge lane boch e calling. Gubin e rugod u lane Galasia ma thingari thamiy rok nib ga’fan, nibay e kanawo’ rok ni nge pigpig, me thamiy ni bay ban’en ninge pi’ ko re murwel ney.

U lan e Handbook 2, ma kad filed ni fare murwel ko wo’ ko pi ward roaed ni ma’un “chonggin e murwel ko tamchib, ni ngan thiyeg, rogon e chonggin ni kar mowar gaed, temple nge ya’at ko murwel u tabinaew, nge fil fare gospel.”3 Biney e murwel ko fare ward e be yan ko bishop nib yulyl nibe kol fare priesthood ko ward roraed. Uran e duw nge mada ko chiney pi presidency e be fith e duwer, “Bu’uw e gin’en ni yibe weliy dabi un e pagael ni fal’ yangren nga?” Fare fulweg e bay e n’en ni ngar muruwliyed ni gubin yang.

Boed ni, fanug mada’ nag r’in e bpin nib rugod u Las vegas ni ngan pining nge pigpig ko ward u temple nge ayuw ko ya’at ko tabinaew. Makar falfalaen gaed ni ngar machib gaed min ayuweg chonggin e ward roraed ni ngar pataged pi girdi’an raed ni kar maed’. Ay kar salap gaed ko fare computer, ma kar ninged ku urgon ni ngan Gay e Tabinaew, nge kug falfalaen gaed ni gu weliyed boch fare lowan ngak boch e gidii”. Bay e mich roraed ma kar ninged ib gafan ni ngan nang fapi fithngan e girdii’ ni ke yim’ ni ngan tawfe nag raed u temple.

Fare in e pul nike thimur, ma yag ni gu sikeng nag e llowan’ ko l’agruwi bpin ni rugod ni 14 e duw rorow. Bay l’agruw e agenda copi ko mo’olung ko ward ni kug pi ku Emma nge Maggie nra bagyow ma reb. Mugog ngorow ngar bi’eggew fare agendas ngar guyew ni fan e bay banen ni yima mithmith riy ko mulo’ong ko ward nra rayog ni ngar pigpig gow riy. Emma e ke guy’ ni bay reb e tabinaew ni nge yib ko ward, me yog ni rayog ni nge pi e ayuw ngoraed ni ngan ta’ e chugum roraed nga bu’ut, me lemnag rayog ni nge mang fagar ko bitir ko ra tabinaew nem’ ma nge dag e bin be’ech e skul ngoraed. Ke guy’ ni bay e abich ko ward ni bay boch, ma ke thamiy ni bo’or kanawo’en ni rayog ni nge pigpig.

Maggie e ke guy ni bo’or e girdii ni pilal ko ward ni ba tu’f ni ngan nang salpen ara ngan ayuweg.me yog ni ba adag ni nge nang salpey me pii’ e ayuw ko pi pilal ni chonngin. Ke thamiy rayog ni ke pii’ e ayuw ke fil ko chonggin e ward urgon ni ngan ya’an ko pi social media. Dariy banen ko fare agendas ni gil bpin nib rugod ney e dabiyog dabin pi’ew e ayuw riy!

Cha’an ni ma paer ko mulo’ong ko ward, fa bay e murwel rok ko ward, muguy fare bpin ni rugod e bagafan ni ngar pi’ed e ayuw ko ward? Bay n’umngin kanawo’en rogon nge pigpig bee’ magmaed be lemnag e pi pil’al ko fare ward ni ngar ninged e n’en nib t’uf. Ni boed e Aaronic priesthood ni ma pining maed ngug murwel gaed ko chitamangmaed nge boch e pumo’on ko fare Melchizedek priesthood, bpin nib rugod e kan pining read ni ngar pigpig gaed ma yaed machib ko n’en nib t’uf ko chonggin e ward ko chitinnginraed ara boch e bpin nib mangil. Rayog roraed, ba adag, ni ngar rin’ned ni gubin ni yaed me yan nga galasia ko Madnom!

siasing/Llecheklel
Young woman ni yibe ayuw ko feek chugum
siasing/Llecheklel
Bpin ni Rugod nibe pigpig
siasing/Llecheklel
Bpin ni Rugod nibe pi’ e ayuw ko computer
siasing/Llecheklel
Bpin ni Rugod ni yibe farwol
siasing/Llecheklel
Bpin ni Rugod nibe powi’iy nag e musik
siasing/Llecheklel
Bpin ni Rugod nibe sensey
siasing/Llecheklel
Bpin ni Rugod ni yibe chuw ko vest yibe ayuw
siasing/Llecheklel
Bpin ni Rugod ni yad be non ko gidii’ u galasia

Fa’an e gadaed ra lemnag e pi murwel ni bin bu’uw e pi bpin nib rugod rodaed e rayog rok boch ngaram, ngad fathith ngodaed ni mang e pi wok rayog ni ngad pi’id ngoraed e chiney ni nge ayuweg raed ni ngar falaged rogon read ni ngar manged e ta’machib, fil e gospel, toy’gang ko fapi Galasia auxilliary, murwel ko temple, fagirngiy, chitinngiy, ta ayuw, kanawo’en, nge tafagar. Rayog ni ngar tabab gaed ko pi murwel nem’. Fal’ yangren e yaed ma fith ni ngan ayuw ngan fil e lesson ko madnom u class roraed. Kanawo’ e bay e chiney ni fan ko rugod ni ngar rrin’ed e murwel nike mu’ e pi tapigpig ko gam’ing fa gidii’ napan ni kar uned ko temple ni yad e ulung nib bitir roraed ni ngar rrin’ed e pi gam’ing ko yam’. Pi bitir nib bpin e kan pining raed ni ngar uned ko mo’olung ko Fal’eg bay rogoy ko Temple nge Priesthood, ra ayuweg raed ni ngar ninged fan ni yaed bagafan ni nge man’og e murwel ko priesthood. Yaed ra fil ni pumo’on bpin, falyangren nge bitir nge urgin gidii’en e tawa’ath ko priesthood e rayog ni ngar murweliyed nge man’og e murwel rok Somoel.

Bishop, gamaed manang nib gel e murwel rom, n’en nib gafan rom e ngam n’un ko ulung ko Aaronic Priesthood, Handbook 2 ni “fare bishop nge ta’ayuw e yaed ma pi e toygang’ ko priesthood ngak fare ulung ko Bpin nib Rugod. Yaed ma yaliyed e pi bpin nib rugod min gel nagraed, ni ngar muwel gaed nib chugur ko galabthir nge toygang ko bpin nib rugod ko biney e ayuw.” Ni kan nog, “fare bishop nge ta’ayuw rok e yaed ma un ko bpin nib fal’ yangren ko mo’olung, pigpig, nge gosgos.”4 Gamaed ba falfalen’ ko pi bishop nima sag’al nge guy e pi clas ko Bpin ni Rugod ni yibe pi’ kanawo’ ngak e bpin ni rugod ni ngar cheg gaed ko fare murwel. Kamagar gaed nib yibe tu’ufeg e bpin ni rugod ni yibe ayuweg e gidi’ u lane ward ko tin nib tu’uf roraed! Pi kanawo’ ney ni ngan pigpig ko kanawo’ nib mangil nibe fal’eg wa’athan rad ko bin ni kemus ni yibe gosgos.

Gur, e pi bpin nib rugod ko Galasia, yangrem ko ra duw ney e bay yo’or pa nga pulwom nge magawon. Kug ninged ni bo’or i gamead e bay e magawon rok, m’ar, nge magaer nib gel, nge sana lem nin gel. Lemnag boch e gidii’, mag dagey magawon ro, e dabi m’uf e magawon rom, machane pigpig e ra yag ni nge buchuw nag e n’en ni gabe magawon riy, Rib kanawaen ni ngam thamiy nib gel e ngam dag, ngongol nge pigpig romaed ngak boch e girdii’, ni bay e n’en ni kad rinned nib mangil.5 Gube yog ngomed ni ngam tini’ pa’ med nga lang ma gimed murwel ko pi pa’ay nir ni ngan murwel napan ni gara guy e pi’in nib tu’uf ayuw rok u churem. Fa’an ni gamed ra yulyul ko pi murwel romed ni ngam micheged nge magmed un ko fare gal’ilngun Got, tawa’ath e bay yib nga lan e yafos rom bay mu thamiy e falfalaen’ ni dabi mus ko pi gachalpen.

Pi walageg, bpin ni rugod rodaed e ri yad ba cheag nag. Bay e tin ni yad ba cheag riy, ba gel e tafney roraed nge gelngin raed, ma ri yad ba sug ko tu’ufeg. Yaed ba adag ni ngar pigpig gaed. Ba tu’uf ni ngar nanged ni yaed ba tu’uf u lane fare murwel ko thap. Boed e pumo’on ni fal’ yangren ni yaed ma fal’eg rograed u lan fare Aaronic Priesthood ni fan ko pigpig nib mangil napan yad be cheag nag ngar thap gaed nga lane Melchizedek Priesthood, ma pi bpin ni rugod e yaed be fal’eg rograed ni ngar manged e ppin nib falel’ u fithik e ppin u dakean e fayleng—fare Relief Society. Ta’abang, pi ppin nge pagael ney ni pidorang nge fal’ ya’an ney, ni yib gel, ma yaed ba yul’yul’, e yibe fal’eg rogoy ni ngan mabgol, ngan famchew ni ra yag e tabinaew ngoraed nib yul’yul’ u lan gil’ilungun Got ko celestial.

Gube micheg ni fare murwel ko Chitamangdaed nib machalbog e nge pi’ ngodad e yafos ni manemus nge yafos nib machalbog ko pifaak.6 Bpin rugod ni pifak daed e bay e murwel nib gafan ni nge rin ni nge ayuweg ni ngan mu’ nag fare murwel nib mangil. U dakean fithngan Yesus Kristus, amen.