Mornga’agen e Kalngan’ nge Fal’eg Rogon

Rok President Dieter  F. Uchtdorf

Bin L’agruw e Counselor u lane Bin Somm’on e Presidency


Dieter F. Uchtdorf
Fa’an ra bo’or ngongol kad tayed ko thothothup nge falfalan, ma bochuw rogon tin yira kalngan riy.

Mornga’agen e Kalngan’

President Monson, gab tu’uf romaed. Kamagar ko thin ni kam moeg ngodaed ni mornga’agen e pi temple nikan toey nge murwel ko tamachib. Ya bachan raed, ma gu manang ni pi tawa’ath e ra yib ngodaed nge ko tin rran nga m’on.

Walageg pumo’on nge bpiin, nge fagar bo’or! Gadad ra yim’. Gube athapeg gathi ra gin’ anum ngay.

Dariy bee’ ra paer u fayleng nib nuw’ napan. Bochuw paer donop rodad fa’an gara sap ko yafos ni manemus, rib achig boed rogon kam ning owchen mag pithig.

Gadad ra chuw. Ya’al rodad e “kan fek nga tafen e re Got nem ni’ir e pii’ yafos [ngodad].” 1 Gadad ra tay dowef nga buut ngad paged babngin e fayleng ngad darod ngak tagil’ u tharmiy.

Napan gadad bitir, gadad me tay gadad ra paer ba n’uw napan. Gadad ma lamnag dabi m’ay ya’el keyib ngalang be son nagdad, ma tin rayib beyan dabi m’aey.

Ere, napan gadad ra pilibthir, gadad be sap tomur me aw rogon fani ngochngoch re kanawo’ ney. Be aw tafnay nike papay duuw nike yan. Gadad be leam nag pangin nge ngongol kad rin’ed. Ke yiib nga n’ug tin nib fel’ felngin amthun ko gumircha’eg. Ma ku’er rogon mayib ko lam ragon kalngan—ko tin gadad badag nga thilyeg ko tomur.

Bay ba nurse ma ayweg girdii ni ke chugur tomur yafos ngorad me fith ngorad ba de’er nib moem.

“Boy ban’en ni ke kalngan’um ngay?” me fith.2

Chugur napan gadad ra pag biney yafos ma yiib tomilang ko lam rodad. Napan ni fith pichaa’ ney ko rogon bay kalngan fa dariy, mar bing ngeg gumirchan rad. Yaed ma lamnag ko mang yed ra thilyeg fa’an susun rayog cheleg clock tomur.

Napan kug lamnag nen’ kar weliyed, me aw ngog rogon dayif ko gospel rok Yesus Kristus ra gagyeg nag yafos rodad nib mangil, fa’an gadad ra fol riy.

Dariy banen nib mith maragaen gospel. Kad filed u langin ea chep, kad filed napan Skul ko Madnom, kad run’aag ged ko pulpit bo’or yay. Pi falngin ney rib kikiiy nib tomilang; rib fal’ ya’an, gel fan, nima teleg dad ko tin gadad ra kalngan’ bayib riy.

Gube Athapeg Gomang ug Tay boch ea Time rog ngak Picha’an Nib Tu’uf Rog

Kalngin ea nen nib yo’or be weliy pii cha’ ke chugur tomur yafos rorad yaed be athapeg gonpan ur tayed time ngak pichaa’ nib tu’uf roraed.

Pumo’on bagaa’ yaed ma weliy kalngan rorad—kar “tiyed time bo’or ko yafos rorad gubin ea rran fithik ea murwel.” 3 Bo’or dariy felngin time ra tayed ngak tabnaw nge fagar rorad. Dariy fal’ngin ea peth thalin pichaa’ ta’uf rok.

Rriyul bo’or ea murwel rodad? Kirban ni ngan nog ni murwel ea magawon ni ba gaa’ fan fan, susun murwel ko magawon ir thabii gaa’ fan ko yafos.

Ere Ir?

Gube lamnag Somoel ir ea Fanow, Yesus Kristus, yafos rok nib ngochngoch napan I moy ko girdii nu Galilee nge Jerusalem. Kug lamnag rogon Ir be un ko molung nib yo’or ara murwel nib yo’or mabe murwel nag pinen ngan ngogliy nge m’ay.

Dabyog ni ngug guy.

Gube guy ni ma runguy mabe chathwaliy ir Fak Got be riin mangil gubin ea rran. Gidii’ ni be madaa’ nag kar thamiyed murnguy rok. Me yibliy raed, me michib nagrad. Me chibiy nag rad ngalang me gol nag rad. Me paer rorad me pii time rok ngorad aram tawa’ath.

Chiney ea rran, mom ni susun nag ea madaa ko time. Ta’areb click ko mouse, me peth ea madaa’ ngak girdii nib yo’or nge fagar dariy rogon ni ngan madaa riy. Re Technology mangil boed fa’an palog urel pichaa’ nib tu’uf rodaed. Gag nge bpiin rog gamow ma paer u orel ko tabnaw romad. Gum nang gathi aray mangil gin sor ngay bee’ ara gubin ulung ea girdii, rogon ni ngan peth ko tabnaw ngan guy foen daken ea internet. Gube sanaa nag bay time nima tay ko piney, ma uw urngin time ni ngad tayed ngay? Fa’anra dawor tayed time ngad madaa’ niged pichaa’, ra bing yal ma gadad ra kalngan’ riy.

Eree ngad lamnag ngad tayfan pii chaa’ gadad badag ngan tayed time nib gaa’fan rorad, ngad yung nged tawath dabi m’ay u lanyan dad.

PotentialKug athapeg gonpan Gura Ri’in Falngig

Reb ea kalngan nima tay ea girdii da’an ni yog rin’ned falngin rad. Napan yaed ra sap tomur mir guyed da’an ni rin’ed rogon fani sug falngin rad, bo’or banen da’an muu’ niged i murweliy.

Da gur weliy maragaen tawoo’aen salap ko murwel rok. Demit rug rogon fani tolang ea tawo’ u roy u fayleng, rib bochuw falngin dabi gaman tareb uf dabi chugur ko rogon malikag yira tay nga tharmiy.

Gube weliy rogon nike tay dad Got, ni Chitamangdad nu Tharmiy, ni ngad manged.

Kad tawgad nga fayleng, keyog bee’ ma yaat, “keyib fidik manileng basug falngin” 4 u mon ko biney ea yafos.

Chitamangindad nu Tharmiy e manang falngin dad. Manang mornga’agen dad ni dan nanged rodaed. Mabe wawliy dad ngad tawgad rogon falngin kan sunmiy dad, ngad pred nag yafos mangil, ma sulod Ngak ko gin bay riy.

Mangfan gadad be tay time nge gelngin ko pinen bochuw napan, ma dariy fan, tin ba l’eg nga waruu’ fayleng? Kad togopluw dar guyed thabngin dariy numngin napan.

Eree fel nib gonop ngad “[ngad] cha’ariyed ni fan ngodad e pi fala’ab nu tharmiy, ko gin dariy e chachngeg riy nge t’ay nra gatheay, nge gin dariy e moro’ro’ riy ni ra chabliy e na’un nge iring”?5

Ur rogon gadad ra ri’in? Fol ko gafarig rok Tathapeg, ni ngan pithuy machib rok ko yafos rodad, min ringuy Got nib riyul’ nge bugul yoror rodad.

Dabyog ni ngad ri’neg u fidik ea malmal, gadaed be yaliy e clok, ma gadad be gun’gun’ rogon fani momaa’.

Rogon ni yira fol ko gospel, gathi boed rogon ba pagal ni litath bugul iay ko rran me ga’ar ke yan ko noeng. Pifak Chitamangin dad nu Tharmiy pagal nge bpiin, bo’or rayog falngin dad gadad ra ri’in. Thingar ri’ned. Bin thabii ga’fan, ngarin mangedfal’ngin rogon ni ba adag Chitamangidad nu Tharmiy.

Weliy rogon ea mich rodad ea ba mangil, fol wa’aen gospel ea ba mangil boch. Athap ni ngan fol ko motochiyal ea mangil;machane yul’yul’ ko pi m’ag—nib mu’un ni ngan paer ni yib yul’yul’, manpii’ e miligach ni ragag pasent ko salpiy ni kam ngogliy, man fol ko Thin ko Gonop, man pigpig ngak pii chaa’ tu’uf ayuw rorad—e ba mangil. Welig ni ngan mebil, be’eg chep, nge bangbang mangil u tabnaw; ma napan yira ri’in pin’ey ma rayib angin mebil nu tharmiy langin ea yafos rodad.

Gachalpen ma lek thothopean nge falfalen. Ir ea kanawaen dad ko mangil nge falfalen.

Eree ngad leked fare Tathapeg ngad manged chaa’ rogon badag ni ngan manged. Ngad motoyil gad thogon ea Kan Thothuup. Napan gadad ra ri’in, Chitamangdad nu Tharmiy ra tomilang ngodad falngin dad. Ra tomilang kanawoo’ u mon rodad me bing owchen dad ngad guyed falngim nge pinen gab salip riy.

Fa’an ra bo’or ngongol kad tayed ko thothothup nge falfalan, ma bochuw rogon tin yira kalngan riy. Gadad ra taa’ ko murnguy rok Tathapeg, ma ri gadad ra thamiy ni gadaed bay ko kanawo’ nib mangil rok eChitamangingdad nu Tharmiy ni ba adag ni ngad feked..

Gube athapeg Pageg Ngug Falfalen

Reb kalngan keyib rok pii chaa’ da’an ra nanged ketay tomur yafos rorad. Yaed be athapeg gonpan kar piged yaed ngar falfalen rad.

Bo’or yay kad lam niged boy banen rayib nge pii falfalan ngodad:falab rogon ea tabnaw, falab rogon salpiy keyib, ara tomuraen magawon ni rayib.

Ra ilal nikan palibthir, gadad be sap nga tomur kad nanged piney babngan fayleng dabi pining falfalan ngodad.

Bay fal’ngin dad. Gadad ra dugliy falfalan rodad.

Gur nge gag e gadad ma madugil rogon falfalen’ rodad.

Le’ngig, Harriet, gamow badag warow ko raat. Rib mangil warow nga ba’anyen ngan guy falngin fayleng. Bay reb ea kanawoo’ ni gamow ma yan riy, dagur lam nigew palaf ngin ara payngin bathil ngak bee’.

Eree, gube lamnag sanaa rayog ni tagagyeg. Rayog gonpan papay gow fa’an gamow ra papay bochuw Ni boechngiyal’e gumaoloboch napan gura weliy ngak lee’ngig.

Fulweg rok ea rib sumnguy ma ba tomilang nib kikiiy. Me minmin me ga’ar. “Dieter, gathi sagreng, yaba malekag. Mu adag ea ngiyal nem.”

Ri soerok’!

Bingal ko par, kad pired besap gil’ ea tomur ma kad pag talin falfalen u malekag riy. Gamow ma yan ko raat gathi bachan guy ko minii ra taw ko tomur. Gamow ma ya ko raat bochan gamow boy u ta’bang nib fel’ ma falfalen’ an’ug ngay.

Rib kireb lamriy fa’an dabi yog falngin ban’en nib mangil ma ba falfalen’ ni bochan yibe papay ni ngan guy ea tomur.

Da’an gadad ma son nge madaa’ ko tomur ko music fin adag tomouraen music? Dangaa’. Gadad be motoyil ma gadaed peth ko ko pi thin riy, bit, nge rogon e musik riy.

Gada ma meybil kemus nga nog “amen” ara gadad be motoyil ko tomur? Arame Danga’. Gadad ma mebil ngak Chitamangdad nu Tharmiy, nge yib Kanthothuup nge runguy Rok ngodad.

Dab son gad nge madaa to tomur, nike mus ngan pireeg falfalen boy ko somoon I yan! Yafos kantay ni gathi kemus tomur ngan falfalan ngay. Re rran nem nrib fel’ nike ngongliy Somoel … ,” yoley Psalmist: “Falfalan’gad ma gadad ngongliy e madnom.” 6

Walageg bpin nge pumo’on, demitrug rogon ea par rodad, ara magawon, bay ban’en ko reb ea rran ni ra tay fan. Bay ban’en ko gubin ea rran yira pining ea magar ngay min falfalen’ ngay fa’an kad pining ea magar ngay.

Gonpan susun sapgad u fidik gumirchaen dad ma gathi sap u owchen dad. Gub adag kanog: “Boy bee nima guy tomilang fidik gumirchaen. Gubin banen nib gaa’fan dab ni guy u owchen dad.” 7

Kan motochiyal ngodad “oged e magaer u fithik’ gubin ban’en.”8Gathi mangil gadad ra guy owchen nge gumirchaendad kuer rogon tin bachig ni rayog ni ngad pining ea magar ngay, ma dabi sap to tin nib palog charan paer rodad.

Ke micheg Somoel, “Chaa’ rayib gubin banen ngak me pining ea magar ra yib falngin ngak; ma gubin banen u faylen rayib ngak, ku rayib ra’aay nib yo’or.” 9

Walageg bpin nge pumo’on, oran tawath rok Chitamangdad nu Tharmiy, nge tanmon ko buyuul, rriyul gospel kan sulweg, nge fal ya’an ko re kanawoo’ ney, “dariy tapgin ni ngad falfalaen’ gaed?” 10

Ere ngad pired ngad falfalan.

Kan Dugliy

Reb ea rran gadad ra fek re wok nam ko biney ea yafos ngad darod ko ginem. Reb ea rran gadad rasap tomur, me aw tafnaw gonpan sana gadad faleg tin mangil ban’en, ara fanay yed ea time rodad tin ga’fan.

Ngan chafriy ko kalngan’ ko biney ea yafos, rib tuf ni ngad dugliyed boech e dabaa’. Eree, ngad:

  1. Dugliy ngad tayed time rodad ngak pichaa’ gadad ma runguy.
  2. Dugliy ngad athamgil rriyul ngad boed falngin chaa’ Got badag.
  3. Dugliy ni ngad gay falfalan, demitrug rogon paer rodad.

Mich u wanug bo’or tin bay ko kalngan’ ko gobul rayog taleg fa’an gadad ralek Tathapeg dabaa’. Fa’an thab ea denen ara kam oloboch ba tawa’ath rok fare Bayul rok Kristus rayog ni ngan n’ag fan denen rodad. Dabi yog ngan thilyeg tomur, ma rayog ni yira kalngan. Tathapeg ra chuweg luu’ ko kalngan’ 11me chuweg tomalngin denen rodad. 12 Bayul ea ke tay ni nge chuweg tomur rodad ngad darod nga m’on paa’ dad nib be’ech, beech gumirchaen dad, 13 kan dugliy ngad ri’ned tin mangil.

Argon, yafos papay nike yan; rran rodad keyan papay; make yiib ya’am tamdag boch ngiyal. Demitrug ma ra par Ya’el ma reb ea rran ma rayib nga tabyang ko dogur rodad. Gube micheg bochan runguy rok Kristus gadad fos bayay. Bochan Tathapeg nge Tabiyul, ma ra reb ea rran gadad nang fan man falfalen’ ko mornga’agen fapi thin ni “fare gafgow ni yam’ e ke m’ay ni bachan Kristus.”14

Kanawoo’ ni ngan fol riy aram pi faak Got ni pumo’on nge bpin ni manemus napan. Pi walageg pumo’on nge bpin nib tu’uf rog, pi fagar nib tu’uf rog, ngad tabab lek re kanawoo’ daba’; dab tayed dariy fan dariy reb ea rran. We mebliy dab son gad nga madaa’ chugur tomur rran rodad fin tabab fil rogon ea paer. U fithngan Yesus Kristus, amen.

Show References

  1.  

    1.  Alma 40:11.

  2.  

    2. Muguy ko Susie Steiner, “Top Five Regrets of the Dying,” Guardian, Feb. 1, 2012, http://www.guardian.co.uk/lifeandstyle/2012/feb/01/top-five-regrets-of-the-dying.

  3.  

    3. Bronnie Ware, in Steiner, “Top Five Regrets of the Dying.”

  4.  

    4. “Ode: Intimations of Immortality from Recollections of Early Childhood,” The Complete Poetical Works of William Wordsworth (1924), 359.

  5.  

    5.  Matthew 6:20.

  6.  

    6.  Psalm 118:24.

  7.  

    7. Antoine de Saint-Exupéry, The Little Prince, trans. Richard Howard (2000), 63.

  8.  

    8.  Mosiah 26:39; kumguy ko Muguy ko Doctrine and Covenants 59:7.

  9.  

    9. Muguy ko Doctrine and Covenants 78:19.

  10.  

    10.  Alma 26:35.

  11.  

    11. Muguy ko Revelation 7:17.

  12.  

    12. Muguy ko Matthew 11:28–30.

  13.  

    13. Muguy ko Psalm 24:4.

  14.  

    14.  Mosiah 16:8; kumguy ko 1 Korinth 15:54.