Sel Chedaol Urerem el Olisechakl

Mlara David L. Beck

Meredel ra Cherrengelel a Young Men


David L. Beck
Kau a nguu a klisiich, a ngerachel, ma chedaol el ngerachel el mo mesiou er sel taem ra omchedaol el mora priesthood.

Deuelreng ra Olisechakl

Kemiu el Ngeasek el sechal ra Aaronic Priesthood, kemiu a betik ra rengul ngelekel a Dios, me Ngii a ngar ngii a kmal klou lureor el bol beskemiu. Sel bom moruul er tial lureor, eng kirem el kmal mo rukui aike el chedaol ngerchelem el mo olisechakl el mo ra rebebil.1

Kau kemedengelii a belkul a tekoi el olisechakl? Momdasu el kirel tialker e kuuchais a chisel a tal ngeasek el ekebil ngklel Chy Johnson.

Ma Chy ra lebocha lomuchel ra high skuul er tial mla mo merek el rak, eng mlo blil a ulekakeu ma mekngit el lomeruul. Te mle mekngit er ngii, oldubch er ngii, e omekaku er ngii a lorael mora class—a bebil ra rengalk ra skuul a dirrek el lulemetech a komi er ngii. Ke locha mla mesterir ar bebil ra rengalek ra skuul el uaisei.

Mora betok el chad, el loketa truich ma edei el mora truich ma etiu a rekrir a sel taem el blil a daket ma sabisi. Ng diak a belkul bol uaisei. Eng di Chy, ng mlar ngii a rengeasek el sechal ra skulel el mle medengelii a belkul a olisechakl.

A delal a Chy a mla melkoi ra resensei ra skuul mel lolngeseu el stob ra ulekaku, eng di ngdi milemolem. Meng mocha oudengua el mora Carson Jones, el ngii a oba Aaronic Priesthood el ngii a ousekool a football. Ng uleker er ngii mel ngesukii el losiik er tir ke el diomekakou.

A Carson a kilengeii el mo olengeseu, eng di chelsel a rengul a kmo ng kmal sebechel el rulii a kmal llmuut el klou er tia el kuk di osiik er tir ka el di omekakeu. A Chedaol Reng a milngelulau er ngii el kmo a Chy a ousbech a beltik el reng.

A Carson a ulker ra rebebil er tir ka el dak el ngar ra klekool el mo obengkel el olisechakl el mo ra Chy. Te milekoi er ngii el mo dengchokl lobengterir sel temel a sueleb. Te milrael el mo merad er ngii ra klass er ngii el mle ungil medengei el kmo ng diak a chad el lomekaou er ngii. Ng dimlak el meketeket e tirka el lousekool ra football el mle sechelil, e mlo diak a omekakeu ra Chy.

Tia kmal mle ulis el mengasireng el temel a football.Te mle ungil a rengrir leng dimlak a tal make, engdi tirka el ngeasek el sechal a di mlak lobes ra Chy. Te uleker er ngii el mo bengterir el teloi er tial el tim el ngar ra kurand ra bocha lemerek a klekool.

Tia el football tim a milemolem el di kats. Eng di mlar ngii a muut el klou a belkul er tia el football el mlorngii ra skulir. Ea okesiul tirka el ngeasek el sechal a ulsischekelterir ar bebil ra rengalk ra skuul el mo sebechir el kongei ra rebebil ra rengalek e mo sechelirir. Chelechang e tebai tmak el tarengrir e kakuul.

A National news media a miltik er tirka el ngeasek el sechal e mla omerek ra ungil el cheldecheduch el meliuekl ra beluu. A teletael el mo olngeseu ra chimol chad a mla mo rulleterir a rebebil mete mo meruul ra osisiu el ungil teletael.

A delal a Chy a uleker er tirka el ngeasek el sechal el “a angel a meral ngar ra chelsir” Carson me a tirka el sechelil ak kmal mle mereched el kmo Chy ak kmal mla meskemam a klengeltengat el muut el klou er sel ki blam ngeseuir el kirel. Sei sel om nguu sel mosiou el mora tang—ke metik er kau.2 Kau a meral mengodech e mukeroul raike el teletael el omomdasu eng meringel er kau. Tirka el ngeasek el sechal a mla omelchesiu ra deuelreng sel losiou e melemolem losiik a techall el lomekngeltengal rar bebil. Te kmal lungil a rengrir el mo sebechir el lemuut el melemolem el olisechakl raika el kuk merma el buil sel kuk bol losiou el meral misonaries.3

Ng Usbechall ma Ngerachel

Te rebetok el chad ra chelsel a beluulechad el mla melechesuar a osisiu el teletael el miruul mora Chy Johnson—te rechad el tir a ousebech el mo melchesuar ra beltikelreng ra Demad ra Babeluades. Te ngar ra osisiu el skuul el omngarngii, ngar ra cheldebechel, ma direk el telungalek er kau. Bebil er tir a mereched el mera uldesuem. Eia rebebil a ngar ngii a lousbech el diak msal medengei. Kmeed el kid el rokui el omodengelterir a sebechir el mo ngeltengat ra bebil ra ungil omesiou. A Rubak a ultuil er kau el mo mesiou er tir.

Ng diak a belkul bom tara kmal merael a chisem el chad ra klekool el mo olisechakl el mora rebebil. Kau a nguu a klisiich, a ngerachel, ma chedaol el ngerachel el mo mesiou er sel taem ra omchedaol el mora priesthood. A President James E. Faust a ulsisechakl, “Priesthood a ngerachel el bisterir ar sechal el mo olisechakl el ngara ngklel a Rubak” 4 Ea Aaronic Priesthood a oreked a kiis ra omesiou ra re angel. 5

Uaikau sel obetik a rengum ra Rengelkel, Chedam el Dios ra Babeluades a mo omekrael er kau ma reanghel a mo obengekem.6 Te meskau a klisiich el mo omekngeltengat a klengar ma direk el reng.

A Jesus Kristo a okesiu. Ngii “mlei el dimlak el molisechakl, ng bai mo mesiou.”7 A olisechakl a belkul a beltik elreng ma omkerreu el mor rarbebil. Ng belkul a kmo ke de mo omkereu er tir ra klechad er tir ma ike el klengeltenget el lousbech. Mrelii el beot, ng belkul a momeruul aike el ngii a Osobel a momeruul alsekum Ngii a mlar tiang.

Telungalek er Kau

Momuchel ra blim. Tiaikid sel kot el sebechem el meruul aike el ngii a meklou a ultutelel el olisechakl. 8

Ng soam el melasem ra tara bedengel e mengasireng el omeruul? Sel lluut a delam el loker er kau ra molngeseu er ngii ra blai, e kebai kmu er ngii el kmo “Sulang el lulker, chedil. Ng kmal soak el longeseu.” E kau a omes ra ike el teletelel. A bebil er kemiu a somiu el lolecholt aike el kmal dechelbai el ngar kemiu ea uchera ra molasem er tiang, el ke mol kmal rulii a delam el kmal mo mechas a rengul. A uriur er sel omomuchel el melkoi er ngii, e kau a mometik ike el sebechem el mes el mla mengodech ra chelsel a delongeliu el terung ma Chedaol reng a merael el mo klou ra chelsel a blai.

Tia a kmal di tal rolel sol molngeseu malechub eke olisechakl ra telungalek er kau; ngar ngii a kmal betok. Olisechakl sel mongedecheduch a ungil tekoi el mora telungalek er kau. Mosiou ra rebebil rkau el diuaia le sechelim.

E sel kot el tara kmal klou a ultutelel, sel olisechakl e lolngeseu ra demam el meruul a urerel el ngar ngii a ungil reng ra omengedereder ra blai. Besa klou el ulekereu ma ungil klaingeseu el mora telungalek er kau sel temel a ongdibel ra retelungalek, nglunguuch el bek el longalek, ma omesuub ra edaol llechukl longalek. E molasem el meruul er sel momdasu eng rulii a Chedaol reng meng di ngar ra blai. Tia mo smisichii a demam ma ngerchelel el mengedmokel er kau el mo chedam ra tara klebesei. Alsekum eng diak a chedam er kau ra blim, ea ngerchelem el kirem el mo olisechakl el mora telungalek er kau a kmal klou a utulelel.

Chelchad er Kau

Kau a direk el ngar ngii a ngerchelem el mo olisechakl ra chelchad.

Tia el priesthood a merael mo klou er tial beluulechad. Ng betok er kid a orrenges e meruul er sel tekingel a President Monson. Ngar ngii a kmal mesisiich e blak a rengrir el ngar tial deruchall ra Aaronic Priesthood er chelcha el taem raika el mla momerek el rak ra Ikelesia. Eng di ng dirk ngar ngii tir ke el diak el mesisiich e kmal lousbech er kau.

Tial mla momerek el Ongelolem el buil, ea beches el rechelel a Ikelesia a mlo dechor ra Bangalore, India, a dimle chimo el ngeasek el sechal el mlo mechedaol er tia el miting e nguu a deruchall ra priesthood a ngklel a Gladwin.

Gladwin, lobengkel s merredel ra Young Men ma meredel er tia el rechelel a ikelesia, a mlo chomuchel el lomekedong er tir ke el dimlak el mesisiich el ngeasek el sechal e mlo olisechakl er tir ra rekeblirir. Ng dimlak el meketeket ea ongeru el ngeasek el sechal, Samuel, a ulemuchel el llemuut el mera ikelesia.

Bek el sandei ea Gladwin ma Samuel a mo omekedong er tirke el dimlak el mera miting ra chelchad e ouchais al siluub. Te direk el lomekedong er tir e mo omes er tir sel tansiobi er tir. E sekid ea dersta ma dersta er tir, tirke el diak el mesisiich el ngeasek el sechal a mlo sechelirir e mocha kongei el mo obengterir tirka el cheldebechel el ngar raike el loruul, ma miting ra recheldebechl, e sola tem mlo sebecherir el olisechakl. Chelchang, e tir rokui el ngeasek el sechal er tia el rechelel a ikelesia ra India a kmal mesisiich el ngara Ikelesia.

A chedaol llechukl el ngii a osisechakl ra chelchad ra Aaronic Priesthood a motmak el dengchokl e mesuub—el mekera a lolisiich—ra dersta er tir.9 Kau a mesuub sel molisechakl ra klemerang el ebangkelio, omerk ra chedaoll reng el obilchesuar, ma olchotel a klaumerang. A rengeasek a kausisechakl el milisiich er tir ra bekel bedengel a omeruul er tia el chelchad sel ngar ra miting, engdi ta el lomeruul a disebechel meruul alsekum eng rokui el chad ra ikesesia ma chelchad a motmak el ngar ra beltikelreng e kadengmes. A klaiukakeu a diak a basio er ngii ra chisel a miting ra chelchad—sel sekum ia rengud a open el lolengeseu. Chelchad ra omeredel a kmal kirir el tir a bdelul er tia el chelchad er tia el miting a keldmokel el mertia el basio el rokui.

A Apostle Paul a uluuchais el mer kid, “Lak leborngii a mekngit el tekoi el tuobed ra ngerem, engdi sel ngii a ungil el ngii a mo smisichii, ngii bol olisechakl loba kerasia el mor tirker lorenges.” 10

Tirke el loba tial Prieshood a diak el lousbech malechub e lolekoi e mekngit el tekoi, Te diak el bol omekrur ma lechub el bol temelterir ar bebil. Te mo blechoel el melisiich ra rebebil er tir. Tia kmal beot eng di kmal mesisiich el rolel sel olisechakl.

Ra Bek el Taem

Tia el luriour ra olisechakl a diak el kekerei a urerel el mo meruul a chedaol ruoll ma lechub eng olisechakl el mera blai ma lechub eng kuk bebil ra omeruul. Kid a di melemolem el chad ra Priesthood—el diak de dita el Sandei malechub sel kuk di doubail a becheleleu e outie. Kid a ngar ngii a chercheled ra bek el basio el de ngarngii. Olisechakl a diak el dil ngil lomeruul el doruul—ng ngolchoted el kmo kedetechang.

Molisechakl ra bek el sils. Techall a meliuekel er kau. Mosiik el mometik. E moker ra Rubak mel ngesukau el momedengei. Kau a sebechem el metik a kmal mekekerei, eng dil meral ngar ngii ra rengum el lolengeseu ra rebebil ete mo omekesiu ra Jesus Kristo. 11

Sel omolemolem el klikiid el ngar ngii a Chedaol Reng, e kau a mo sebechem el medengei ra uldeseum ma rengum a mo rulau el mo olisechakl. E sel moruul el lokiu a chedaol reng, e kau a moungil el medengei e ngii a mo blechoel el mer kau, ma techall ma chomeruul el mo mesiou a meral mo klou.

Kemiu el ngeasek el rodam, a kuuchais er kemiu el kmo kom mla nguu tia el deruchall ma klisiich er tia el kmal lungil Aaronic Priesthood el mo olisechakl el ngar ra ngklel a Rubak el Dios.

Ak kuuchais er kemiu el mo meruul, kemiu a mo dongu ra chimal a Rubak el Dios el mo olengesu ra rebebil. Ea klengar er kemiu a kmal mo ungil e mo klou a belkul. Komometik ra kmal lungil e momesisiich el sebechemiu el torbengii a diabelong. Komometik ra merang el deuelreng—sel ngii a di tang el debetik er ngii ra meral loltirakel ra Jesus Kristo.

Me bom momelchesuar ra dmolech el deuelreng ra edaol ngerachel ra olisechakl, Ak meluluuch lobangklel a Jesus Kristo, amen.

Mostrar referencias

  1.  

    1. Mesa Doctrine and Covenants 84:111.

  2.  

    2. Mesa Markus 8:35.

  3.  

    3. Mesa Trent Toone, “Kindness of Arizona High School QB Carson Jones and Teammates Has Gone Viral,” Deseret News, Nov. 9, 2012, deseretnews.com/article/865566351/Kindness-of-Arizona-high-school-QB-Carson-Jones-and-teammates-has-gone-viral.html.

  4.  

    4. James E. Faust, “Message to My Grandsons,” Ensign ma lechub eng Liahona, May 2007, 54;.

  5.  

    5. Mesa Doctrine and Covenants 13:1.

  6.  

    6. Mesa Doctrine and Covenants 84:88.

  7.  

    7. Mesa Matthew 20:27–28.

  8.  

    8. Mesa Handbook 2: Administering the Church (2010),2.4.5

  9.  

    9. Mesa Doctrine and Covenants 107:85.

  10.  

    10. Efesus 4:29.

  11.  

    11. Mesa Handbook 2, 3.2.3.