Kaluckyang nuh Yurin God

Sel Elder Terence M. Vinson

Ke U luhn Itngucul


Terence M. Vinson
Mwet Lahngo lasr El kena kuht in luhngse El na pwacye nuh ke kuht luhngse oacna El.

Matwac yac ohnkohsr se nuhtin nahtuhsr, Oli, suc luhngse na pahngon yuc “Poppi.” enenuh in is ma se ke stosah ah. Pahpah tuhmwacl ah tu ( ngwetlah liyacl) lun lohm ah, ac, ke Oli el tiac etuh, orekmakihn rimot in ikacslah sruhnguhl ke stosah ke Oli el fototoyang nuh kac, na sulpac lakiac ke el tari ac. Na Oli el fohlohkyak nuh in lohm ah isrwacsrwelihk yohk!

Mwet nuh kwewa in sucu ac siuck sel, “Kom oruh fuhkah sruhnguhl in stosah ah in ikacklah nuh sum, na sulpac lakiyac?” El iswracsr srihsrihk na.

Acn se nahtuhsr, suc ninac kiacl Oli, fahk. “Sahp oacna Poppi el ikacslah stosah ah (ke el tiac na kahl stosah ah)—sahp asr kuh in mwenmwen lom oacna el!”

Ke sikyak pacl se ahkluo ke mihnit ekahsr tohkoh, top lal Oli ke kihsen siyuck sikyak ke ma sasuc el kuh in oruh inge pa: “Arulacna usrnguck! Nga nuhnkuh tuh mweyen Poppi el luhngse nga ac el pa sie kawuck wo emet luhk, ac el liyeyucyang!”

Nga arulacna insewowo in etuh ke ma usrnguck na paye ma sikyak nuh sin mwet luhlahlfongi fin acn Africa, Papua New Guinea, Australia, New Zealand, ac tuhka fin acn Pacific. Nga insese nuh sel Oli—Nga nuhnkuh tuh mweyen mwet luhlahlfongi ingoh puhla se fanna kacl Pahpah Inkuhsrao ac Mwet Lahngo oacna Oli el puhla keik. Elos luhngse God oacna ke elos luhngse kawuck fototo se, ac El liyaclosyang.

Mempucr ke Alu se inge etweyuck, ac puhkantwen eis, sie mwe loh ke nguhn ac orek olwelah muhtahl in fahsr tukun Leum. Tuh finne ohinge, kuhtuh mempucr ke Alu uh fahsr nuh met nuh Yohrohl ke kuhtuh tiacna. U yac se kom oasr kac uh?

God pa ma yohk srihpac se emet in moul lasr uh—pwacye pa kuht lohacng nuh kac yohk uh. Yac El pacl nuh kwewa kuh kutuh pacl uh? Kuh yac El loeslac nuh ke nuhnak ac kena luhn insiacsr? (liyeMosiah 15:13). Akilen lah tiac ma kuht puhlakihn insiacsr muhkwena pa yohk srihpac tuhsruhk kena luhn insiacsr.” Elah ac mukuikui lasr uh fahkwack fuhkah suwohs luhn insiacsr?

Wen se nahtuhsr Ben, ke el matwac yac 16 ac sramsram ke toeni luhlahp luhn stek, siyuck kihsen siyuck se inge: “Fuhkah puhla lom fin sie mwet orwaclah olwelah se nuh sum ke wik nuh kwewa ac tiacna karuhnganwacng olwelah sac?” El tahfwelah. “Yac kuht olwelah pwacye ke kuht eis kuhfa luhn Leum ac wuhlweacng in liyacacng masap Lal ac esamuhl?”

Leum El acse nuh sesr inkacnek in kahsrwe kuht in esamuhl ac kuh ahkkweyeyuck Lal. Sie inkacnek uh tuhkuh ke mwet lokalok, suc kuht nuh kwewa puhlakihn—ma upac. (liye Alma 32:6). Ke nga nuhnkuh ke pacl upac nga puhlakihn met, arulacna kahlwem lah pa orwaclah kapkapwack luhk, kahlwem, ac pahkomuhta. Eltahl ahkfototoyeyuc nuh sin Pahpah tuhmuhk Inkuhsrao ac Wen Nahtuhl, ac ma sikyak puhlakihnyuck ac wolacna kac eklac sie ip yohk srihpa ke insiyuck.

Kolyuck ac mwe luti luhn Leum yohk srihpac. El kahsruh tamuhlwel wowo wiacl Jared in kahsrwel ahkuhtweyac sie sin ma upac luo ke El fahk nuh sel lah elac usack fuhkah eng nwacsnwacs nuh lihn oak ma muhsahlah ke ahkostwen nuh ke masap luhn Leum (liye Ether 2:20). Tuhsruhk, kahlwem muh, Leum El fuhlwelah elyah lalos lah elos ac oruh fuhkah in oasr kahlwem lun aok inge tiac sukokyak ke kihtin pacl. El oacyacpac oraclah kahlwem lah El, Leum ac fah lwelah nuh selos suc el, tamuhlwel lal Jared ac elos suc weluhl fuhfahsryucsr in puhla ma upac ke fuhfahsryucsr lalos fin oak inge suc enenuh elos in konwacack top nuh ke elyah lalos inge lah e asr kahlwem fuhkah ke elos fuhfahsryucsr inge. El inge Leum pa suhpwacma eng, af uh, ac sronot (liye Ether 2:23–24).

Efuh kuh El oruh? Ac efuh kuh El ahkacsmakihnye oacna sie sesr in iskuhtlac liki ohiyac sensen ke El kuh na in tulokihnyac mwe sensen inge in tiac sikyak? Prestuhn Wilford Woodruff el sruhmuhn soko sramsram ke el sensenkackihnyuck sin nguhn in pahtoklah mwe wiwac soko ma el, muhtwacn kiacl, ac tuhlihk se nahtuhltahl mutul loac, ac ahkpwacyei lah eng upac se fuhsack sahk lulahp soko ke kihtin pacl tohkoh ac tolyac ke acn se mwe wiwac soko ah oan kac ah (liye Teachings of the President of the Church: Wilford Woodruff[2004], 47).

Kwewana ma sikyak inge, puhlan pacl uh kuh in iklac in kosraclah mwe ongaiyac uh. Tusruhk pa inge kalmac–likina Elan sifacna ahkwoyelah ma upac se, Leum El luhngse kuht in ahkyohkye luhlahlfongi ma ac kahsrwe kuht in luhlahlfongwel in ahkwoyela mwe elyah lasr ac luhlahlfongwel. Na kuht kuh in puhla luhngse Lal pacl nuh kwewa, arulacna kuh, arulacna kahlwem, ac yohkna nuh sihk sifacna. Kuht eklac sie sin sie Yohrohl, ac kuht kuh in eklac oacna El. Luhngse Lal pa kuht in oacna El. Ma na pwaye, kuht in oacna El pa kwewana wolacna Lal ac orekma Lal. (liye Moses 1:39).

Sie tuhlihk mukul srihsrihk srihke in ahkfwelyelah sie acn kutkut tukun lohm sel ah elan muh kuh in sritaclkihn stosah nahtuhl. Oasr sie yot luhlahp kosrwaclah orekma lal. Tuhlihk mukul sac sinuckihn ac ul ke kuhiyacl nohfohn, tusruhk el ne srihke ke kuhiyacl, yot sac tiacna kuh in mukwilac.

Pahpah tuhmwacl ah tonwel ke kihtin pacl, na tuhkuh nuh yurin wen se nahtuhl ac fahk, “Kom enenuh in orekmakihn kuhiyom nohfohn in moklwelah yot luhlahp se inge.”

Tuhlihk mukul sac topuk: “Nga sang nohfohnna kuhiyuck tari!”

Pahpah tuhmwacl ah ahksuwohsyacllah: “Moh kom sonna. Kom soenna orekmakihn kahsruh uh!”

Na elos tuhkweni kuhi nuh ten ac moklwelah yot sac arlac fihsracsr.

Pahpah tuhmwacn kawuck se luhk Vaiba Rome, stek prestuhn se met New Guinea, oacyacpac lutiyuck lah el kuh in forwacng nuh sin Pahpah tuhmwacl Inkuhsrao in pacl enenuh. El ac weacng mwet weluhl muhta in mura sac moulkihn ma elos ukwiyac. Sie lwen ah, el ahkosack e se in sackuhnlah ipin acn in imac lal ke mura sac. Tuhsruhktuh, puhlan pacl fol na loeloes se somlah, ac macsrihk suhnwaclos arlacna paholah na pwacye. Na e se lal inge eklac oacna kain e se President Monson el sruhmuhn ke toeni luhlahp se tari ac. (liye Thomas S. Monson, “Obedience Brings Blessings,” Ensign or Liahona, Mei 2013, 89– 90). E sac muhtwacwacack in fahsrwelihk nuh ke nien imac ac insack, ac ke kahs luhn wen nahtuhl, sie e luhlahp ma foloyak oacna ma suhlallacl soko pa sahflahiyac. El sahngeng ke srihpen elyah sikyak nuh sin mwet in mura sac. Ac ma e kuh in sikyak nuhke ma suhnwaclos ah. Fin ma suhnwaclos inge muhsahllah, elac kuh in kalyeiyuck ke masap ke mura sac. Ke srihpen el tiac kuh in konwelah e sac, na el esamwack Leum.

Nga inge tahfuh kahs luhn wen nahtuhl, suc kawuck luhk (Vabia Rome): El sikuck muhtuhnte fin ohl ah ac in imac ac pruhe nuh sin Pahpah Inkuhsrao in tulokihnyac e sac. Kihtin pacl ah oasr puhkuhnyeng luhlahp sroalsroal se lucng ke acn se el pruhe we ah, ac af na upac –tuhsruhk ke acn na ma e sac fihrihr we ah. Ke el nget nuh sahyac acn luhng arlac kahlwem sahyen acn ma e sac fihrihr we ah.El luhlahlfongi lah Leum El kuh in topuk kain mwet se el uh, na el sulpacna sikuck muhtuhnte ac tuhng oacna sie tuhlihk srihsrihk. El fahk lah puhla lal upaclac woiyac” (liye Alma 36:3).

Mwet Lahngo lasr El kena kuht in luhngse El na pwacye nuh ke kuht luhngse oacna El. Kuht kuh in puhla luhngse Lal ac etuh ke wolacna Lal. Na El kuh in ahkinsewowoye kuht fal nuh ke luhngse Lal. Ma se inge sikyak nuh sel Nephi suc wen nahtuhl Helaman, suc kapkapwack nuh ke pacl se Leum El luhlahlfongwel na pwacye ac, ke srihpac sacn, Leum El kuh in ahkinsewowoyacl (Nephi) ke ma nuhkwewa el (Nephi) siyuck (liye Helaman 10:4–5).

Ke Life of Pi, puk se kihneyucklac sel Yann Martell, mwet pwenpweng sac sruhmuhn ke puhla lal ke Kraist: “Nga koflah tui ke nuhnkweyacl (Kraist). Nga srackna koflah. Nga sislah lwen fohn tolu nuhnak Kacl. Ke Kraist El yohk in mwe nuhnak luhk uh upac ngan muhlkuhnuhllah. Ac ke nga lutlut yohk Kacl, upac ngan fahsr luhkwel” ([2001], 57).

Pa ngacn na pwacye puhla luhk ke Mwet Lahngo. El apkuhran pacl nuh kwewa, yohkiyacna ke acn muhtahl ac in pacl enenuh; ac kuhtuh pacl uh, ke nga tiac motko, nga puhla oacna Elan pahslah fin pihsuck ac oruh ngan etuh lah El luhngse nga. Nga kuh in fohlohkuhnlah luhngse sac ke ohiac wo emet yuruk in sang luhngse luhn insiuck ac ohiyac luhk nuh Sel (liye D&C 64:22, 34).

Ke kuhtuh mahlwem somlah nga ohsun nuh sel Elder Jeffrey R. Holland ke el srihsrngi misineri nuh ke misin lalos. Ke kuht som liki miting lalos ke acn ma srihsrngiyuck misin lalos orek we, el saneyuc, ac ke kuht fahsr, el sang pahol rounwelah finpihsuck. Nga fahk lah el fihliyac pac pahol fihn pihsuck met e Australia. El fahk, “Mweyen nga luhngse kom!” Ac nga etuh lah pwacye.

Nga luhlahlfongi muh fin oasr srui lasr in fahsr wi Mwet Lahngo in mahno, lah kuht ac puhla pahol fin pihsacsr oacna ingacn. Oacna mwet tuhma lutlut fahsr nuh Emmaus, insiacsr fah “fucsrfucsr in kuht” (liye Luk 24:32). Pa inge pweng Lal: “Fahsruh ac liye” (John 1:39). Ma nuh sesr sifacna, suliyuck, ac pwacngak ke suliyuck in fahsr ke pahol rounwelah finpihsacsr.

Nga finsrak kuht nuh kwewa in luhlahlfongi oacna Enos, suc fahk ke fuhs sahflah ke puk fototo tuhsruhk tuh loal ke el engan mweyen ke pacl se mahno se inge ac eklac nguhn, ac el (Enos) fah tu ye muhtuhn Leum. Na el (Enos) ac fah engan in liye muhtuhn Leum, ac El ac fah solwacl in tuhkuh nuh Yohrohl mweyen el insewowo, and fah oasr acn ahkolah nuh sel ke nien muhta luhn Pahpah Tuhmwacl (Enos 1:27).

Ke srihpen ma pucspucs nga puhlakihn ac kuh ma Nguhn orek loh kac nuh sihk, nga fahkwack ke ma pwacye ma luhlahp lah God El moul. Nga puhla luhngse Lal. Lelah kuht in oruh ma eneneyuck in oacna El ac luhngse El na pwacye. Ke Inen, Jisus Kraist, amen.