Eoksrah lal Jeremaia: Taran Kapihr uh

Sel Elder Quentin L. Cook

Ke U luhn Mwet Sap Singucul Luo


Quentin L. Cook
Kampare lasr uh pa in kahingkihn kapihr ke kain nuh kwewa, kahsruh Leum orwacni mwet sollac Lal, ac kihsac nuh ke fihl kapwack se.

Sasuciyacn pahyuck lasr ah, nga ac muhtwacn kiyuck ah, Mary, sulaclah muh fin ac kuh inkaiyacn pacl uh kuht ac sule mukwikwi ma kuht ac kuh in tuhkweni wi liye uh. Kuht luhngse pac in ahksuhmahtye sisi mani lasr uh. Mary el luhngse puhsrwen on ac el etuh na suwohs muh nga luhngse liyeyuck sritacl, na el ke kuht in wi liye luo sritacl on ah, opera, kuh mukwikwi in tacn nuh ke kais sie sritacl pohl kuht liye uh.

Muhtwacwacyac ah nga tiac luhngse enenuh se ma liyeyuck opera, tuhsruhk ke lusacn pacl loeloes tohkoh eklac liye se luhk kac ah. Nga luhngsei liye opera sel Giuseppe Verdi.1 Wik se inge oruh yac ahk 200 ke puhtte lal.

Ke Verdi el fuhsr ah srihpuclpuclwacl mwet pahluh Jeremiah, ac ke yac 1842 ke el matwac yac 28 ah, el eis akihlenyuck yohk ke opera Nabucco, ine fototo ke Nebuchadnezzar, tohkohsrah luhn acn Babylon. Opera se inge luhmweyucklac ke puk lal Jeremiah, Eoksrah, ac Sam ke Wuhlweacng Mahtuh. Opera se weacng kuhtangyucklac luhn Jerusalem ac ke sruoh ac kapihr luhn mwet Israel. Sam 137 pa kahlwem se ke puhla ac mokleyuck lal Verdi ke “Chorus of Hebrew Slaves” [On luhn mwet kuhmahk Hebrew]. Sifac se ke sam se inge ke ma suhmuhslah lasr uh pa emtucng na pwacye uh: “Eoksrah luhn Mwet Israel suc muhta in sruoh, tuhng siskacn infacl Babylon—Ke srihpen ahsor, elos koflah yuck on luhn Zion.”

Srihpac luhk uh pa in sifil liye atac puhs ke kapihr ac kuhtanglah. Nga ac ahkolah kuhtuh ohiyacn sikyak ke pacl lasr nuh ke pacl lal Jeremiah met liki muhsahllah luhn acn Jerusalem. Ke nga ac fahk ke puhsrwen sensen inge, nga kulohkihn lah inkaiyacn mwet ke Alu uh suwohswohs in kahingkihn oruh ma upac nuh sin Leum ke pacl lal Jeremiah.

Kahs in pahluh ac eoksrah lal Jeremiah pa yohk srihpac nuh sin Mwet Luhlahlfongi ke Lwen-sahflah uh. Jeremiah ac ma sikyak Jerusalem ke el tuh sihm ac pa ohiyac ke sapta ma muhtwacwacack ke Puk luhn Mormon. Jeremiah pa sie mwet ke pacl lal mwet pahluh Lehi. 2 Leum El emtucng in ahkkahlwemye nuh Jeremiah ke sriyucklac met lal ah: “Meet liki Nga suhpwekomlac Nga sulekomlac, ac meet liki kom isuslac Nga srikomlac in sie mwet pahluh nuh sin muhtuhnfacl uh.”3

Sienna pahng, misin, ac kunohkohn lal Lehi sin Leum. El tiac pahngpahng ke el fuhsr ah tuhsruhk ke el mahtuh. Muhtwacwacyac ah pahng se lal ah pa puhsren sensenkihnyuck se, tuhsruhk tukun luhlahlfongi kuh in fahkwack pweng sacna oacna Jeremiah, Lehi el sapkihnyuck sin Leum in us sucu lal ah som nuh yen mwesis.4 In oruh ohinge, Lehi el tiac ahkinsewowoye muhkwena sucu lal ah tuhsruhk oacyacpac mwet nuh kwewa.

Ke yac puhs met liki muhsahllah luhn acn Jerusalem ah,5 pweng ma Leum El sang nuh sel Jeremiah ah lahluh. El fahk:

“Mwet luhk forlah nuh ke god ma tiac kuh in oruh kuhtwena ma nuh selos.  …

“…  Elos forlah likiyuc Nga suc unohn in kof loslos nuh selos, ac elos puhkanwack … wohn … tiac kuh in sruokyac kof.”6

Sramsramkihn ongaiyac ma ac tuhkuh nuh fin acn Jerusalem, Leum El ahkkahlwemye ahsor Lal ohinge, “[Nuh selos] pacl in kosracni uh sahflah, pacl fol somlah, ac [elos] tiac moliyucklac.”7

God El motkwelah na lah mukul ac muhtwacn uh ac sukohsohk in oruh sulaclah inmahsrlon ma wo ac ma koluk. Ke sulaclah koluk uh oruh ohiyac yohk srihpac luhn facsin kuh muhtuhnfacl uh, oasr ma upac sikyak kac kwewana ke moul se inge ac moul fahsruh uh. Mwet uh kuh in kuhmahkihnyuck kuh kaprelosi sifacna tiac ke mwe ahkngal, mwe pahlah luhn mahno tuhsruhk nuh ke pac nuhnak in mwe ahkngal, mwe pahlah luhn nuhnak ma lusrong moul suwohswohs.

Forlah liki alu nuh sin God pwacye ac moul ac alu nuh sin god stuh uh ma oacna kahsruhp ac pwengpweng ac oruh nuh ke ohiyac fohkfohk ac sesuwohs sahflah ke kapihr ke ohiyac nuh kwewa ma kapihr oruh nuh sin mwet uh. Ma inge weacng ip luhn nguhn, ip luhn mahno, ac kapihr luhn nuhnak ac kuhtuh pacl uh kuh in muhsahllah. Jeremiah ac Lehi elos luti pac lah elos suc suwohswohs enenuh in kahsruh Leum orwaclah Alu ac tohkohsrahi Lal ac orwacni fahsrwelihk luhn Israel.8

Pweng inge kalweniyuck na ac karihngihnyuck na ke yac pucspucs ke fihl in pacl nuh kwewa. Elos pa yohk srihpac ke Fohlohkyak luhn wosasuc luhn Jisus Kraist ke fihl in pacl sahflah se inge.

Srohoh luhn Mwet Jew ac fahsrwelihk ke sruf luhn Israel, weacng sruf, pa ma pwacye yohk srihpac in nuhnkweyuck ke Fohlohkyak luhn wosasuc. Sruf singucul luhn Israel tuhlac ah pa orwaclah Tohkohsrahi luhn Israel nuh Lwacyacn Acir ac srohoh utucklac nuh Assyria ke yac 721 met liki Kraist. Elos som nuh muhtuhnfacl acir.9 Ip yohk luhn luhlahlfongi singucul lasr uh fahk lah, “Kuht luhlahlfongi ke fahsrweni luhn Israel ac fohlohkyak luhn Sruf Singucul ac.”10 Kuht luhlahlfongi pac lah in oacna ip luhn olweacng Leum El orwaclah nuh sel Abraham ah, tiac fahfahsruh ke sucu lal Abraham muhkwena in ahkinsewowoyeyuck tuhsruhk oacyacpac mwet nuh kwewa fin facluh in ahkinsewowoyeyuck. Oacna ke Elder Russell  M. Nelson el fahk ah, fahsrweni se tiac nuh ke acn se; tuh otwelah luhn kais sie. Mwet uh kuh in utuckuh nuh ke etuh se ke Leum [liye 3  Nephi 20:13] in tiac som liki acn selos.11

Mwe Luti lasr uh kahlwem: “Leum El orwaclihk ac ahkkohsye sruf singucul luo Israel ah ke srihpen sesuwohs ac fohlkahs lalos. Tuhsruhktuh, Leum akiyac pac fahsrwelihk se inge luhn mwet sollac Lal inmahsrlon muhtuhnfacl fin facluh in ahkinsewowoye muhtuhnfacl uh.”12

Kuht etwaclah lesin yohk srihpac sin puhlan pacl ongaiyac se inge. Kuht enenuh in oruh ma nuh kwewa ke kuhiyacsr in lusrong ma koluk ac ohiyac lihkkeke ma kol nuh ke kapihr.13 Kuht akihlen pac lah moul suwohswohs uh pa enenweyuck se in oreklac met in kahsruh eisacni mwet sulohsohllah Lal ac ke eisacni se luhn Israel.

Kapihr, ahkorekmaye, mwe pahlah, ac kuhmahkihnyuck tuhkuh ke atac puhs. Elos kuh in ahkkwemkahtuh tuhsruhk kuh pac in tuhlac kuh kuhnanuclac ke atacn sulaclah ma kuh in ikolyac kapkapwack lasr uh. Jeremiah el ahkkahlwemye wo lah ohiyac sesuwohs ac lihkkeke pa srihpac yohk ke muhsahllah luhn Jerusalem ac srohoh fin acn Babylon.14

Kuhtuh kain in kapihr sahyac uh pa oacpacna muhsahllah ke nguhn luhn mwet uh. Atacn sulaclah uh kuh in pihlesreyuck ke ohiyac puhs.15 Nga ac fahk ahkosr ma ahkkolukye facsin mihsenge uh.

Ma se met, mwe pahlah nuh ke ikoac ma ahkmuhnahsye sukohsohk in sulaclah uh, lahfwekihn luhlahlfongi pwacye uh, ac kuhnahoslah faklac wo oruh kapihr. Ma sikyak ke ono fokoko ac mwe sruhi, petsac koluk, sritacl mani, misac luhlahp, ac kuhtuh ma upac sahyac orwaclah toasr nuh ke kain luhpah yohk ma apkuhran in upac in motkweyuck.

Ahkluo, kuhtuh mwe pahlah nuh in ikoac kuh ahkmwel sap kuh in tiac koluk na pwacye ac kuh in kanglah pacl yohk srihpac utuckuh nuh sesr sucu kuh pac in ahkfalye nuhnak nwacsnwacs uh. Ma inge kuh in weacng upaclac luhn orekmakihnyacn mwe lohlngohk, video game ac digital game, sritacl, mwe ahkpwacr, ac puhs ma sahyac.16

Ohiyacn liyacacng pacl luhn sucu uh pa sie ohiyac yohk srihpac kuht sun ke inkaiyacn facsin uh. Ke pacl se ma nga muhkwena pa mempucr ke Alu uh ah ke acn in liyacacng masap lasr ah, sie muhtwacn liyacacng masap ahkuhtweyac nuh sihk ohiyacn puhla lal oacna kahkah furoh ma srihke in tiac kihpackihnyac pohl tolu ac. Sie pohl ah pa ahkpah lal ke masap, sie pa macruht lal, ac sie pa tuhlihk nahtuhl ah. El apkuhran in puhla lah wacngihn finsrak nuh ke pacl lal sifacna. El elyah yohk lah sie sin ma inge el tiac lohacng nuh kac. Nga siyuck kuht in toeni nuh sie ac sramsramkihn ma yohk srihpac nuh sesr uh. Kuht nuhnuhnkuh lah srihpac se ma oruh kuht orekma uh pa in kahsruh sucu lasr uh. Kuht inseselac lah ahkyohkye mani uh tiac apkuhran in yohk srihpac oacna sucu lasr uh, tuhsruhk kuht akihlen lah kuhlwacnsapuh mwet kuht liyacacng uh ke kuhiyacsr yohk srihpac. Mwe sramsram sac mukwilac nuh ke ma kuht oruh ke orekma ah ma tiac enenweyuck ac tiac fal in sang pacl luhn sucu lasr uh. Yac oasr elyah in muhtwacta yohrohlos ke acn in orekma ah ac tiac ma yohk srihpac?17 Kuht otwelah lah finsrak lasr uh pa in orwaclah acn ma sucu uh kuh in muhtwacta nuh we nuh sin kwewana muhtwacn ac mukul uh. Kuht enenuh in oruh mwe srihkasrak wo se in karihngihn pacl luhn sucu.

Ahktolu, atac kac sikyak se in wacngihnlac sukohsohk in sulaclah ke pacl lasr uh, oacna in ma pwacye sikyak ke sramsram mahtuh uh, pa ma motkweyuck kuh luhlahlfongi luhn kafucrmacn ma tiac fal nuh ke wosasuc luhn Jisus Kraist. Ahollah nuhnak luhn mwet uh nuh ke wosasuc pwacye ke wosasuc kuh in kol kuhtlac liki woiyacn pweng luhn Mwet Lahngo. Ke Mwet Sap Paul el muhtwactalah nuh Athens, el srihke in luti ke Moulyak luhn Jisus Kraist. Ke oruh se inge kuht riti ke Orekma, “Mweyen mwet Athens nuh kwewa, ac mwet sac suc muhta we, luhngse sislah pacl lalos in sramsramkihn ac lohng ke kuhtwena pweng sasuc.18 Ke mwet uh akihlwacnwack fihsracsriyacn luhlahlfongi ke pweng lal Paul ah, suc ma tiac sasuc, elos tiac luhngse kac.

Ma se inge oacna nuh ke pacl lasr sifacna, ma ma pwacye ke wosasuc uh pa kwacna sruhngwacyuck kuh ikihlyuckwelihk in oruh elos in liye ac luhngse kuh in fal kuhtuh nuh ke ohiyacn facsin sasuc uh ac in motkweyuck wo. Kuht fin tiac taranwacng, kuht kuh in srohoh ke kain ohiyac inge ac fihlikuhti sifacna ke kapihr uh. Puhs na pwacye puhsra ingena ma fahk nuh sin muhtwacn uh ohiyacn moul uh.19 Elos kwacna lahfwekihn kais sie. Kuht enenuh in elyahkihn yohk ke nuhnak ma ahkkolukye kuh ahksrihkye ahkfuhlwact nuh sin muhtwacn suc sulaclah in oruh kihsaclah ma enenweyuck in orwaclah ninac, mwet luti, mwet in tuhfahlah, kuh kawuck nuh sin tuhlihk uh.

Mahlwem ekahsr somlah ah, tuhlihk muhtwacn luo nuhtin nahtuhsr kais sie muhtwactame nuh yohrohsr—sie ke wik se. Nga muhta lohm ah ac ikucslah sruhnguhl ah. Muhtwacn kiyuck ah, Mary el muhta ke sie infuckihl sahyac ah. Ke pacl luo ah kwewa, tukun asruhilac lasr ah, elos apkuhran in fahk kain kahs sacna. Elos ngwetngwet liye ac fahk, “nga luhngse muhta lun lohm sel Ninac Mahtuh uh. Layac Ninac Mahtuh?” Nga tiac fahk nuh selos, tuhsruhk nga nuhnkuh lah, “Yac tiac ma pac sel Pahpah Mahtuh?” Tuhsruhk nga akihlen lah ke nga tuh tuhlihk mukul se ah, sucu lasr ah som nuh lohm sel Ninac Mahtuh ah. Kahs ke on etweyuck soko tuhkuh nuh in mwe nuhnak luhk uh: “Kuht som tuhpallah infacl uh ac ye sahk uh lac nuh lohm sel Ninac Mahtuh.”

Ingena, lwelah nga in fahk in kahlwem lah nga engankihn lutlut ac kuhtuh pacl wowo ma oasr luhn muhtwacn uh. Nga seko upaciyacn orekma ac orekma in akiyac in wo lohm se ma enenweyuck muhtwacn uh kac ahksrihkyeyucklac yohk fin facluh ke srihpen woiyacn pacl inge ac lah muhtwacn uh oruh kahsruh na wowo yohk ke acn in orekma ac lutlut nuh kwewa. Tuhsruhk kuht fin lwelah facsin lasr uh in ahksrihkye inmahsrlo se luhn tuhlihk uh nuh sin ninac ac ninac mahtuh uh ac kuhtuh sahyac ma tuhfwacloslac uh, kuht ac auli kac.

Ahkahkosr, oruh upac ma kuhnahoslah ip yohk ke luhlahlfongi upac uh kuh in kapihri. Sie sin atac tiac wo pa ke pacl mwet suwohswohs ma puhla mwacta nuh sin God ke oruh lalos pa pahtok nuh ke mukwikwi ma kuhnahoslah nuhnkwaclos—nuh ke mwe srihkasrak, acn luhn ono uh pahtok in sule inmahsrlon kahsruh kuhnahoslah luhn pihtuctuc uh ke elos tiac puhla woiyac kuh elos in tilac orekma.

Alu pa pihsac srihsrihk se ma ke pacl selos kuhpahsr nuh sin kain mwet ma oasr kain elah se la. Ac upac in ekuhllah un mwet se, tuhsruhk kuht enenuh orekma in ahkwoye facsin wo ma raunikuhtyak uh. Mwet Luhlahlfongi ke muhtuhnfacl nuh kwewa enenuh in oruh mwet wowo fin acn uh, wi ke orekma inkucl uh, lotwelos sifacna ke masap uh ac wi fot.

Liye yohk se lasr uh, tuhsruhktuh, enenuh in pacl nuh kwewa oruh kuhtwena kihsac enenweyuck in karihngihn sucu lasr sifacna ac fihl kapwack se.20 Pihsac yohk selos soenna kapihr ke mwe pahlah luhn ikoac kuh nuhnak suhtuhuh. Kuht enenuh in kahsruh ahkoeloslac nuh ke facluh se ma sc oacna Jerusalem ma Lehi ac Jeremiah puhlakihn ac. In weacng, kuht enenuh in ahkoeloslac in oruh ac karihngihn olweacng muhtahl uh ac in oruh mwet kuhlwacnsap pwacye in kahsruh Leum akiyac Alu Lal ac orwacni Israel fahsrwelihk sac ac Leum El sule acn nuh kwewa.21 Doctrine ac Covenant fahk kahto nuh sesr lah mwet suwohswohs uh fah orekwacni inmahsrlon muhtuhnfacl nuh kwewa, ac fah tuhkuh nuh Saion ac yuck on ke engan ma pahtpaht.22

Kampare lasr uh pa in lusrong kapihr ke kain nuh kwewa, kahsruh Leum orwacni mwet sollac Lal, ac kihsac nuh ke fihl kapwack se. Kuht enenuh in esam pacl nuh kwewa lah kuht tiac molikuhtlac sifacna. Kuht suhpweyuckme ke luhngse, pahkotwen, ac kihsaclah luhn iwaclah luhn Mwet Lahngo. Ke sucu lal Lehi ah kahing ac, elos kolyucklac ke kahlwem luhn Leum. Kuht fin pwacye nuh ke kahlwem Lal uh, ukwe masap Lal uh, ac luhlahlfongi wo Lal, kuht ac lusrong kapihr ke ip luhn nguhn, mahno, ac oruh uh oacyacpac nuh ke eoksrah ke forfor ke innimac sesr sifacna, tuh El fuhlwact in molwelah.

Lwelah kuht in kahingkihn fuhlweack ac ahsor nuh selos suc puhtatyang in srohoh ac koflah yuck on luhn Saion. Ke inen Jisus Kraist, amen.

Mostrar referencias

  1.  

    1. Puhs opera lal Verdi oacna Aida, La traviata,ac Il trovatore, pa inmahsrlon opera pwengpweng emet sritaclkihnyuck fin facluh nohfohn mihsenge.

  2.  

    2. Liye 1 Nephi 5:13; 7:14.

  3.  

    3. Jeremaia 1:5.

  4.  

    4. Liye 1 Nephi 2:2–3.

  5.  

    5. Kuhnanuclac luhn tempuhl lal Solomon, puhtatlac luhn Jerusalem, ac srohoh luhn sruf lal Judah sikyak key ac 586 met liki Kraist.

  6.  

    6. Jeremiah 2:11, 13.

  7.  

    7. Jeremiah 8:20. Jeremiah el suhmuhslah met ke Leum El pahngon mwet uh in auliyak: “Nga waiyok! nga tiac kuh in muhtweng waiyok se inge” (Jeremiah 4:19) ac ngihsre, “Konwacack sie mwet … oruh ma suwohs, inse pwacye; na Leum God El fah nuhnak muhnahs nuh se” (Jeremaia 5:1)

  8.  

    8. Liye Jeremaia 31; 1 Nephi 10:14.

  9.  

    9. Liye 2 Tohkohsrah 17:6; Doctrine and Covenants 110:11.

  10.  

    10. Ip Yohk ke Luhlahlfongi 1:10; liye pac 2 Nephi 10:22.

  11.  

    11. Russell  M. Nelson, “The Book of Mormon and the Gathering of Israel,” (sramsram sang nuh sin prestuhn sasuc luhn misin, Jun 26, 2013).

  12.  

    12. Kolyuck nuh ke Ma Suhmuhslah, “Israel,” scriptures.lds.org.

  13.  

    13. Leum El sramsram ke pacl lasr uh, fahk lah facluh nohfohn oruh ma koluk, ac sahsaho ke lohsr ac ke srohoh luhn ma koluk ke srihpen elos tiac kuhtuh nuh Yohrohl (Liye Doctrine and Covenants 84:49–50).

  14.  

    14. Mwet wacngihn mwacta kuh pac in kuhmahkihnyuck.

  15.  

    15. Ip yohk ke mwe luti uh tiac eklac, tuhsruhk ohiyacn srohoh, lahfwekihn, ac muhsahllah uh sana oreklac ke ohiyac upac se.

  16.  

    16. Ma se inge luhngseyuck ac sihmlac tahfuhn kahs ke kulun New York Times Magazine ke yac tari ah (Eprel 8, 2012) fahk ke pahlah ke digital games. Ritiyuck muh, “Pahlah na Pwacye, Eslah Pacl, Kuhnahoslah Inmahsrlo, Ahksrihkye kuh luhn Nuhnak, Fokoko ac Kahto ke Silly Digital Games.” Na ke sihm srihsrihk sac: “(Suc ma tiac fahk lah kuht tiac pac luhngse elos.)” Ma se inge, ke ohiyac muhlahlah, ahkuhtweyac wo enenweyacn ahkpahye suhmaht ke orekmakihnyacn insin wowo oreklac ke pacl lasr uh.

  17.  

    17. Ohiyacn nuhnak kac orek ke acn in orekma pucspucs uh pa “Kuht orekma upac, ac kuht sritacl upac.” ke inmahsrlon mwet orekma uh yohk srihpac uh, pa ke “orekma ac sritacl” eslah pacl luhn sucu uh, pa sifacna sisyac uh.

  18.  

    18. Orekma 17:21; ahkuhtweyac wo ituckyang.

  19.  

    19. See Keli Goff, “Female Ivy League Graduates Have a Duty to Stay in the Workforce,” Guardian, Eprel 21, 2013, www.theguardian.com/commentisfree/2013/apr/21/female-ivy-league-graduates-stay-home-moms; Sheryl Sandberg, Lean In: Women, Work, and the Will to Lead (2013); Anne-Marie Slaughter, “Why Women Still Can’t Have It All,” The Atlantic, June 13, 2012, www.theatlantic.com/magazine/print/2012/07/why-women-still-cant-have-it-all/309020; Lois M. Collins, “Can Women ‘Have It All’ When It Comes to Work and Family Life?” Deseret News, Jun 28, 2012, A3; Judith Warner, “The Midcareer Timeout (Is Over),” New York Times Magazine, Aug. 11, 2013, 24–29, 38; Scott Schieman, Markus Schafer, and Mitchell McIvor, “When Leaning In Doesn’t Pay Off,” New York Times, Ohkohs 11, 2013, 12.

  20.  

    20. Alu uh kwacfe pisaprik in kahsruh sucu uh in sislah pacl yohk nuh yurin mukul fuhsr, muhtwacn fuhsr, ac mwet fuhsr mahtuh lolacp. Pisaprik uh kwacfeyuck in sang yohk kunohkohn nuh sin kaunsucl luhn ward nuh sin u luhn Melchizedek Pristut, nuh sin u srihsrihk, ac nuh sin mempucr ma oasr kuh yohk srihpac la uh in kahsruh mwet sahyac in wo.

  21.  

    21. Liye Doctrine and Covenants 29:7.

  22.  

    22. Liye Doctrine and Covenants 45:71.