Ko Hono Huluʻi ʻo e Vitioó ʻi he Ngaahi Falelotú


Ke fakapapauʻi ʻoku ʻikai uesia ʻe he tekinolosiá ʻa e Laumālie hoʻo lēsoní, tomuʻa download e vitioó kae ʻoua ʻe fakafalala ki he fehokotakiʻanga faka-ʻInitaneti ʻi homou falelotú.

ʻOku fakangatangata pē ʻa e lahi e meʻa ʻoku lava ke download mei he ʻinitanetí (bandwidth) ʻi he ngaahi falelotú, pea ʻoku vahevahe ia ʻi he uōtí kotoa ʻo kapau ʻoku ʻi ai ha niʻihi ʻoku nau ngāue ʻaki ia ʻi ha taimi pē ʻe taha. ʻE lava ke tuʻu pe taʻofi ai hoʻo vitioó, pea ʻikai lelei ai hono mamataʻí.

Ko Hono Download ʻo e Vitioó

Huluʻi ʻo e Vitioó


Ko Hono Download e Vitioó

Download ki ha Komipiuta Laptop

Koeʻuhí ko e ngaahi laptop lahi ʻoku feʻunga pē hono screen ke mamata ai hoʻo kalasí, ko e laptop e founga faingofua taha ki hono mamataʻi ʻo e vitioó ʻi ho loki akó. Ko e ngaahi kalasi ko ia ʻoku tokolahi angé, fakakaukau ke ʻai ha meʻa fakaongolea ke leʻo lahi ange e ongó.

Ke download a vitioó ki hoʻo komipiutá, fai e ngaahi meʻa ko ʻení:

  1. Lomiʻi ʻi he fehokotakiʻanga vitioó (video link) ʻi hoʻo laptop.
  2. ʻI he taimi load ai e vitioó, te ke sio ki ha fehokotakiʻanga Download. Lomiʻi ʻi he Download.
  3. Fili ʻa e lahi ʻo e faile vitiō ʻokú ke fie download. ʻE kiʻi fuoloa ange hono download e ngaahi faile lalahí, ka ʻoku lelei ange ia. Kapau ʻokú ke palani ke fakahū (transfer) ʻa e ngaahi vitiōó ki ha Android pe Apple smartphone, fakaʻehiʻehi mei hono fili ʻo e 1080p (ʻo kapau ʻoku maʻu), he mahalo ʻoku ʻikai ke fēnapasi (compatible) ia mo hoʻo smartphone.
  4. Mahalo naʻa lava ke ke fili ke toe fakahingoa e failé pea fili e feituʻu ke seivi ki aí. Kapau ʻoku pehē, toe fakahingoa e failé ʻaki ha meʻa ʻoku faingofua hoʻo manatuʻí pea seivi ki ha feituʻu ʻoku vave hoʻo lava ʻo hū ki aí. Lomiʻi leva ʻi he Seiví.

Kapau ʻoku ʻikai ʻoatu ʻe hoʻo komipiutá ʻa e meʻa ke ke fili ʻo seivi ki aí, ʻoku angamaheni ʻaki pē hono download ʻo e failé ki hoʻo foulutā Downloads. ʻE lava ke ke maʻu hoʻo foulutā Downloads ʻi he Windows 7 ʻaki hoʻo lomiʻi ʻi he Start pea taipeʻi ʻa e Downloads. ʻI he Windows XP, lomiʻi ʻi he Start pea ʻalu ki he My Documents ke maʻu hoʻo foulutā Downloads. ʻI he Mac, lomiʻi ʻi he Finder pea lomiʻi ʻi ho hingoa ngāue he polokalamá (user name) ke sio ki he foulutā Downloads.

Ke huluʻi e vitioó, lomiʻi tuʻo ua ʻi he failé. ʻE load leva ʻe hoʻo komipiutá ha video player pea kamata huluʻi leva e vitioó.

Download ki ha Tablet pe Smartphone

Apple

Kapau ʻoku ʻi ai haʻo Apple iPad pe iPhone, te ke lava ʻo download e ngaahi vitioó ki hoʻo meʻangāue (device) pea huluʻi ia ʻi he kalasí—mei he device pē ko iá, pe ʻaki haʻo fakahoko hoʻo device ki ha TV ʻo fakafou ʻi ha adapter. ʻOku ʻi ai ha founga ʻe ua te ke lava ʻo download ʻaki e ngaahi vitioó: fakafou ʻi he Gospel Library app, pe ko hano ʻave (transfer) ʻa e ngaahi vitioó mei hoʻo komipiutá ki hoʻo meʻangāue toʻotoó (mobile device) ʻaki ha keipolo USB.

Kapau kuo teʻeki ke ke download e Gospel Library app, ʻuluaki kumi pea fokotuʻu (install) ʻa e app mei he app store hoʻo device.

Ke download e ngaahi vitioó ʻi he Gospel Library, fai ʻa e ngaahi meʻa ko ʻení:

  1. Koeʻuhí ʻoku fuʻu lahi e ngaahi faile vitioó (MB ʻe 20 ki he 30 MB ʻa e taha), te ke fie download e ngaahi vitiō ko ʻení ʻi ha netiueka wifi kae ʻikai ko ha netiueka selulā (cellular). Ke fakamoʻui ʻa e wifi, lomiʻi ʻi he Settings, fakamoʻui ʻa e wifi, pea fehokotaki mo ha netiueka.
  2. Lomiʻi ʻa e app ke ʻalu ki he Gospel Library app home.
  3. ʻAlu ki he Manage Library > Videos pea ʻalu ki he konga ʻokú ke fie mamata aí.
  4. Lomiʻi ʻi he vitiō ʻoku ke fie download. Ko e ʻosi pe download e vitioó, ʻe liliu e tao lanumatá ki ha foʻi siakale lanu kulokula.

Fakatokangaʻi ange: Ke huluʻi e ngaahi vitiō naʻá ke download, kuo pau ke ke huluʻi ʻa e ngaahi vitioó mei he konga Videos ʻo e laipelí, ʻo hangē ko ia ʻoku hā atu ʻi laló.

  1. Lomiʻi ʻi he app home ke foki ki he Gospel Library home.
  2. ʻAlu ki he Videos pea ʻalu leva ki he konga ʻoku ʻi ai e vitiō ʻokú ke fie mamata aí.
  3. Lomiʻi ʻi he vitiō ʻokú ke fie huluʻí.

Ke ʻave (transfer) ʻa e ngaahi vitiō kuó ke download ki hoʻo komipiutá ki hoʻo iPad pe iPhone ʻi ha keipolo USB, fai ʻa e ngaahi meʻa ko ʻení:

Fakatokangaʻi ange: Ko e ngaahi fakahinohino ko ʻení maʻá e iPhone 4s ʻoku ʻi ai e iOS 6 ʻo ngāue ʻaki e iTunes 11 pē. ʻE lava pē ke kehekehe e ngaahi sitepú ʻi he ngaahi device kehekehe mo e version. Kapau ʻoku ʻikai ke ke maʻu e version fakamuimuitaha ʻo e iTunes (ʻa ia ʻoku fie maʻu ki hono ʻave (transfer) ʻo e ngaahi failé ki hoʻo device), vakai ki he http://www.apple.com/itunes pea download ia. Ke ʻoatu e polokalama ngāue fakamuimuitaha ki hoʻo iPhone ki he iOS 6, fakahoko hoʻo iPhone ki hoʻo komipiutá ʻaki e keipolo USB. Lomiʻi ʻi he Check for Update he iTunes Summary, pea fokotuʻu (install) ʻa e polokalama fakamuimuitahá.

  1. Fakaava ʻo e iTunes.
  2. ʻI he tuliki toʻohema ʻi ʻolunga ʻo e iTunes, fili ʻa e Movies mei he menu.
  3. Lomiʻi ʻi he Home Videos ʻi loto mālié.
  4. ʻAve (drag) ʻa e ngaahi vitiō naʻá ke download ki hoʻo komipiutá ki he ʻatā ko ʻeni ʻi he iTunes.
  5. Fakahoko hoʻo iPhone pe iPad ki hoʻo komipiutá ʻi hoʻo keipolo USB. ʻOku fakatokangaʻi ʻe he iTunes hoʻo device pea fakaʻasi atu ha tab iPhone pe iPad ʻi he tafaʻaki toʻomataʻu ʻi ʻolungá.
  6. Lomiʻi ʻi he iPhone pe iPad ke puleʻi e mītia ʻi hoʻo device.
  7. Lomiʻi ʻi he Movies .
  8. Fili ʻa e kiʻi puha ke fakaʻilonga tonu ko e Sync Movies.
  9. Fili ʻa e kiʻi puha ke fakatonuki ʻi he tafaʻaki ʻo e ngaahi faiva ʻokú ke fie maʻu ke sync. (Fakatokangaʻi ange, kapau te ke sync e ngaahi vitioó kotoa, te ne toʻo ha konga lahi ʻo e space ʻoku ʻatā ʻi hoʻo device.)
  10. Lomiʻi ʻi he Sync.

ʻI he iOS 6, ʻoku sync e ngaahi vitioó ki he Videos app ʻi hoʻo iPhone. Kapau ʻoku ʻikai te ke lava ʻo ʻilo e app ko ʻení, ʻalu ki he home screen, swipe ki he tafaʻaki toʻomataʻú pea taipeʻi ʻa e “videos” ke maʻu ʻa e app.

Android

Kapau ko hoʻo Android tablet pe smartphone, te ke lava ʻo download ʻa e gnaahi vitioó ki hoʻo device pea huluʻi leva e ngaahi vitioó ʻi he kalasí— mei he device pē ko iá, pe ʻi ha TV ʻo fakafou ʻi ha adapter. ʻOku ʻi ai ha founga ʻe ua te ke lava ʻo download ʻaki e ngaahi vitioó: fakafou ʻi he Gospel Library app, pe ko hano ʻave (transfer) ʻa e ngaahi vitioó mei hoʻo komipiutá ki hoʻo device toʻotoó ʻaki ha keipolo USB.

Kapau kuo teʻeki ke ke download e Gospel Library app, ʻuluaki kumi pea fokotuʻu (install) ʻa e app mei he app store hoʻo device.

Ke download e ngaahi vitioó ʻo fou ʻi he Gospel Library, fai ʻa e ngaahi meʻa ko ʻení:

  1. Koeʻuhí ʻoku fuʻu lahi e ngaahi faile vitioó (MB ʻe 20 ki he 30 MB ʻa e taha), te ke fie download e ngaahi vitiō ko ʻení ʻi ha netiueka wifi kae ʻikai ko ha netiueka selulā (cellular). Fakamoʻui ʻa e wifi ʻi hoʻo device.
  2. Lomiʻi ʻi he app home ke ʻalu ki he peesi ʻuluaki ʻo e Gospel Library app.
  3. ʻAlu ki he konga ko ia ʻoku ʻi ai e ngaahi vitiō ʻokú ke fie download.
  4. Lomiʻi ʻo he fehokotakiʻanga ki he vitioó.
  5. Lomiʻi ʻi he Download.

ʻOku download leva e vitioó ki hoʻo device. Ke sio ki ha lisi ʻo e ngaahi vitiō kuo download, lomiʻi ʻi he fakahokohokó, pea lomiʻi ʻi he Manage Media.

Ke ʻave (transfer) ʻa e ngaahi vitiō kuó ke download ki hoʻo komipiutá ki hoʻo iPad pe iPhone ʻi ha keipolo USB, fai ʻa e ngaahi meʻa ko ʻení:

  1. Download ʻa e ngaahi vitiō kotoa ʻokú ke fie maʻú ʻi ha komipiuta.
  2. Fakahoko hoʻo komipiutá ki hoʻo device ʻo fou ʻi hoʻo keipolo micro-USB.
  3. Lomiʻi ʻi he Start ʻi hoʻo komipiutá (tuliki toʻohema ʻi laló) pea lomiʻi ʻi he Computer. ʻoku totonu ke ʻasi leva hoʻo device ʻi he konga ʻo e Portable Devices.
  4. Lomiʻi tuʻo ua ʻi hoʻo device pea ʻalu i ha feituʻu ke tauhi ai.
  5. Faʻu ha foulutā foʻou, hangē ko e “Ngaahi Vitiō ʻa e Siasí.” (Ke faʻu ha foulutā foʻou, lomiʻi fakatoʻomataʻu pea fili ʻa e New > Folder.)
  6. ʻAve (drag) ʻa e ngaahi faile vitiō naʻá ke download ki he foulutā naʻá ke faʻú, pea tali ai ke sync hoʻo device. (ʻOku ʻasi atu ʻa e vave ko ia ʻa e Sync ʻi he screen hoʻo device toʻotoʻó.)
  7. Lomiʻi ʻi he Home ko ia hoʻo device pea fakaava ʻa e My Files pe Files app.
  8. Ngāue ʻaki ʻa e My Files app, ʻo browse ki he foulutā naʻá ke tauhi ai e ngaahi vitioó. Lomiʻi leva ʻi ha vitioó ke huluʻi.

Fakatokangaʻi ange: Kapau ʻoku ʻikai ke ke sio ki he app My Files (ʻoku ʻikai maʻu ia ʻe he ngaahi device Kindle Fire), ʻalu ki he app store hoʻo device ʻo kumi pea fokotuʻu (install) ʻa e faile polokalama explorer ke maʻu ʻa e ngaahi failé. (Kumi ʻa e lea ko e “file explorer” ke sio ki ha lisi ʻo e ngaahi app ʻoku lava ke maʻú pea download mo fokotuʻu (install) ha taha.)

Hiki ki ha DVD

Ko ha fili ʻe taha ko hono ʻave (transfer) ʻa e ngaahi vitiō kuo download ki ha DVD pea huluʻi leva ʻa e failé ʻi ha mīsini DVD.

Fakatokangaʻi ange neongo ʻoku lahi e komipiuta te nau lava ʻo hiki ha tatau (burn) ʻo e ngaahi failé ki ha foʻi DVD, ka he ʻikai auto-play ʻe he mīsini DVD ia ʻi he falelotú ʻa e ngaahi failé tukukehe kapau ʻoku ʻi ai ha fakahokohoko (menu) ʻi he mīsini DVD ʻokú ne fakaʻatā koe ke ke hū holo pea fili e failé. Ko ia ai, kuo pau ke ʻoua naʻa ngata ʻi hoʻo hiki e tatau ki he foʻi DVD, kuo pau foki ke ke toe faʻu ha menu ki he foʻi DVD. Te ke fie maʻu ha polokalama hiki DVD ke faʻu e menu ko ʻení.

Makehe mei ai, fakatokangaʻi ange kuo pau ke ke fili ʻa e faʻahinga DVD totonu ki he mīsini DVD ʻi ho falelotú. Te ke fie maʻu ke fakaʻaongaʻi ha vitiō DVD kae ʻikai ko ha data DVD. Kimuʻa pea hiki e tatau ki ha foʻi DVD, kumi ʻa e mōtolo (mode) tofu pē ʻo e mīsini DVD pea vakai ki he tohi fakahinohinó ki he faʻahinga DVD ʻe ngāue lelei ʻi hoʻo mīsiní.

ʻOku ʻikai ke ʻi ai ha ngaahi fokotuʻu pau ia ʻa e Siasí ki he ngaahi polokalama DVD—ʻoku lahi pē e ngahi polokalama te nau lava ʻo fai ʻeni.

ʻI he ʻi ai ko ia ha DVD, ʻe lava ke huluʻi ʻe he kau faiakó ʻa e DVD ʻi he TC/DVD ʻa e falelotú ke sio ai e kalasí.


Huluʻi ʻo e Vitioó

Fakahoko ʻa e Ngaahi Device Toʻotoʻó ki he TV

Ko hoʻo download pē ʻa e ngaahi vitioó ki hoʻo device, ʻoku ʻi ai leva haʻo fili ʻe ua ki hono huluʻi ia ʻi ho loki akó:

  • Huluʻi mei he device toʻotoʻó. Kapau ʻoku tokosiʻi hoʻo kalasí, ʻo lava ke nau sio mo fanongo ki he vitioó mei hoʻo device toʻotoʻó, ʻoku lelei ʻaupito ia. Fakatahaʻi mai kinautolu pea sio he vitioó he founga ko iá.
  • Fakahoko hoʻo device ki ha TV. Ki he ngaahi kalasi lalahi angé, ʻe fie maʻu ke fakahoko hoʻo tablet pe smartphone ki ha TV kae lava e kau akó ʻo sio mo fanongo ki he vitioó. ʻE lava ke ke fakahoko hoʻo device ʻo fakafou ʻi he HDMI pe ko ha ngaahi keipolo lahi ʻoku nau fengāueʻaki, ʻo fakatatau pē mo e meʻa ʻokú ke maʻú.

HDMI Cable Option

Kapau ʻoku fie maʻu ke fakahoko hoʻo device ki ha TV, ʻuluaki fakapapauʻi pe ʻoku ʻi ai ha port HDMI (ʻoku angamaheni ʻaki ʻi he ngaahi LCD TV) ʻa e TV ʻi homou falelotú. Ko e port HDMI ko e founga faingofua taha ia ki hono huluʻi ʻo e ngaahi vitioó mei hoʻo device.

Kapau ʻoku ʻi ai ha port HDMI port hoʻo TV, te ke fie maʻu ha keipolo HDMI, pea kapau ʻokú ke ngāue ʻaki e iOS, ʻe fie maʻu ha adapter ke fakahoko ʻaki hoʻo device ki he HDMI port.

ʻOku faʻa ʻi ai ha ngaahi device Android kuo ʻosi ʻi ai pē ha HDMI port iiki. Kapau ʻoku pehē hoʻo device, ko e meʻa pē ʻokú ke fie maʻú ko ha HDMI (ha HDMI mini connector ʻi he tafaʻaki ʻe taha pea mo ha HDMI connector angamaheni ʻi he tafaʻaki ʻe tahá) ke fakahoko ki hoʻo TV.

ʻOku fie maʻu ha adapter ki he ngaahi device Apple, he ʻoku ʻikai ke ʻi ai ha ngaahi mini-HDMI ports kuo ʻi loto. Ko e adapter ki he iPhone ʻoku fakahū (plug) ki he meʻa ʻoku ʻi ai e keipolo ki hono fakafonu e maka hoʻo device (main charging/ynchronizing port). Te ke lava ʻo fakahū (plug) ha keipolo HDMI angamaheni ki ai (ʻikai fie maʻu ha keipolo mini HDMI).

Ke maʻu e ngaahi adapters ko ʻení, kumi ʻi he ʻInitanetí ʻo ngāue ʻaki e kupuʻi lea hangē ko e “Connect iPhone 4s to HDMI” pe “Connect Android device to HDMI.” ʻOku makatuʻunga e adapter ʻokú ke fie maʻú mei hoʻo device.

Fakatokangaʻi ange ʻoku ʻikai ke kau ʻi he adapter ʻa e Apple ha keipolo HDMI. Ko ha toe fakamole makehe ʻeni ʻo kapau te ke fie maʻu ha keipolo HDMI.

Composite Adapter Option

Kapau ko e ngaahi TV ʻi homou falelotú ko e CRT (Cathode- Ray-Tube) pea ʻikai ke ʻi ai ha HDMI port, te ke fie maʻu ha composite adapter — ʻa ia ʻoku lava ʻo fakahoko ki he ports lanu kulokula, engeenga, mo lanu hinehina ʻi ha TV CRT.

ʻOku lava ke maʻu e ngaahi adapters ki he composite ports maʻá e ngaahi device iOS pea mo ha niʻihi ʻo e ngaahi device Android foki. (Kumi ʻi he ʻInitanetí ʻo ngāue ʻaki e kupuʻi lea hangē ko e “Connect iPhone 4s to CRT TV” pe ki he Android, “Connect Micro USB to composite.”)

ʻOku ʻi he $30.00 nai ʻa e ongo adapters ko ʻení. ʻOku fakaʻatā ʻe he adapter (mirrors) hoʻo smartphone pe tablet ki he monitoa ʻo e TV.

VGA Adapter Option

Kapau ko hoʻo fakahoko ha laptop ki ha TV ʻi he falelotú, ʻe fie maʻu foki mo ha adapter ki ai. Kapau ʻoku ʻi ai ha HDMI port hoʻo laptop pea pehē ki he TV ʻi he falelotú, ngāue ʻaki ʻa e fili ko ʻení.

Kapau ko hoʻo VGA port pē (ʻa e port tatau te ke ngāue ʻaki ke fakahoko hoʻo laptop ki ha monitoá), te ke fie maʻu ha VGA adapter ʻe lava ʻe fakahoko ki ha HDMI port ʻi he TV ʻi he falelotú, pe ko ha VGA adapter ʻoku lava ʻo fakahoko ki ha composite input pē, hangē ko e ʻata ne fakaʻasi atú, ko e VGA port ʻo hoʻo TV.

Huluʻi ʻo e Vitioó

Ko hoʻo fakahoko pē hoʻo adapter ki he monitoa hoʻo TV, ʻe fie maʻu ke ke fili ʻa e input maʻa hoʻo TV. Kumi e input pea lomiʻi ia ke fili ʻa e faʻahinga input ʻokú ke ngāue ʻakí, hangē ko e HDMI.

Ko ʻene fehokotaki pē ʻa e input ʻo e TV mo hoʻo device, ʻe ʻasi ʻi he monitoá ʻa e vitiō ʻokú ke huluʻi ʻi hoʻo device. ʻOku lahi e ngaahi device Android ʻokú ne fakaʻasi hangatonu pē ʻa e ʻata ʻo e vitioó. ʻI he ngaahi device Apple, te ke sio ki ha screen ʻo ha T V kuo fakafehokotaki.

Kapau ʻoku ʻikai te ke sio ki he screen TV ʻoku fakafehokotaki ko ʻení, ʻoku ʻikai fakafehokotaki e input e monitoa ʻo e TV mo hoʻo device. Toʻo (unplug) hoʻo adapter, talitali taimi siʻi, pea toe fakahū atu. Fakapapauʻi ʻoku maʻu ʻa e ngaahi keipoló. Kapau ʻoku kei ʻi ai pē ha palopalema, toe vakaiʻi e TV ke fakapapauʻi naʻá ke fili ʻa e input totonú.

Kapau kuo hoko lelei ki he vitioó, ka ne ke taʻofi fakataimi e vitioó ʻi ha taimi fuoloa, ʻe lava ke ʻosi e taimi ngāue ʻo e vitioó ʻi hoʻo device. Kapau ko e meʻa ia ʻoku hokó, toʻo ʻa e adapter pea toe fakahū (plug) ia ke toe kamata foʻou ʻa e vitioó.


Ngaahi Founga Kehe

ʻOku sai pē ke ke ngāue ʻaki ha ngaahi founga kehe ki hono huluʻi ʻo e vitioó ʻi ho loki akó. Ko ha ngaahi founga ʻeni ʻe niʻihi:

Ngaahi TV ʻoku ʻi ai ha USB Ports ʻOku ʻi ai e Video Playback

Kapau ʻoku ʻi ai ha USB drive ʻi hoʻo TV ʻokú ne fakaʻatā e video playback, ʻe lava ke ke download e ngaahi vitioó ki ha USB drive pea fakahū fakahangatonu ʻa e USB ki he TV.

Ka ke fakatokangaʻi ange ʻoku ʻikai faʻa ʻi ai ha USB ports ʻi he ngaahi TV ʻi he ngaahi falelotú ʻoku ʻi ai e video playback. Ko e lahi ʻo e ngaahi USB ports ʻoku nau fakaʻaliʻali fakahokohoko pē ʻe kinautolu ha ngaahi ʻata (slideshow).

Mei he taimí ni, mahalo ʻe fokotuʻu atu ke ngāue ʻaki e ngaahi TV ʻoku ʻi ai e video-playback USB ʻi he ngaahi falelotú. Ka neongo ia, ko e taimi ki hono fetongi e ngaahi TV ʻi he falelotú ko e taʻu ʻe 15, ko ia mahalo ʻe lahi ha faʻahinga kehekehe ʻo e TV ʻi he ngaahi falelotú.


Western Digital TV Media Player

ʻOku fakatau ʻe he ngaahi siteiki ʻe niʻihi ʻoku ʻi ai ʻenau TV CRT TV ha Western Digital TV media players (WD TV) ʻoku nau lava ʻo fakahoko ha device USB. ʻOku fakatou ʻi he WD TV media player (ʻa ia ʻoku siʻi hifo he $100) ha composite mo e HDMI output. ʻE lava ke ngāue ʻalu ʻa e tokotaha ngāue ʻi he polokalamá ki he ngaahi faile ʻi he USB ʻo fou ʻi he remote control ʻoku fengāueʻaki mo e mīsiní. Ko ha founga ʻeni ʻe taha ʻe lava ai ʻe he ngaahi siteiki ʻoku ʻi ai ʻenau ngaahi TV CRT ʻo ʻoatu ha founga faingofua maʻá e kau faiakó ke nau huluʻi e vitioó ʻo ngāue ʻaki e USB drives.

Ko hono moʻoní, mahalo naʻa fie maʻu ʻe he ngaahi siteiki ʻoku nau ngāue ʻaki ʻení ke tuku pē ʻa e USB ia ʻi he device ke ʻoua naʻa fie maʻu ke haʻu e kau faiakó mo haʻanau USB.

ʻOku fokotuʻu atu mei he timi Tekinolosia ki he Ngaahi Falelotú ʻa e Western Digital TV ko ha founga lelei ia. Vakai ki he ngaahi fakamatala ʻoku lava ke maʻu fekauʻaki mo e Western Digital TV ʻi he sati tokoni ʻa e Kalaké.

Ko e Roku 2 XS ʻoku tatau ia mo e WD TV, ka ʻoku ʻi ai ha meʻa ʻe ua ʻoku ʻikai fakafiemālie ai: kuo pau ke ʻoatu ʻe ha taha ha fika kaati fakamoʻua (credit card) kae lava ke fakamoʻui ha Roku account, pea ʻoku faʻa fakaʻasi mai ha ngaahi tuʻuaki ia ʻi he meʻa ʻoku ʻasi maí.


Ko e Maʻu ha Tokoní

Kapau ʻokú ke fie maʻu tokoni fekauʻaki mo e vitioó, ʻalu ki he LDSTech Forum ʻi he https://tech.churchofjesuschrist.org/forum pea taipeʻi hoʻo fehuʻí ʻi he konga ko ia ko e Digital Presentation ʻo e saití.

ʻOku kau ki he LDSTech Forum ha niʻihi tokolahi ko e kau ngāue tokoni mo ha kau ngāue pē ʻoku nau ʻilo pea fie vahevahe e ngaahi founga ki hono huluʻi ʻo e vitioó ʻi he ngaahi falelotú.

Te ke lava foki ʻo kole tokoni mei he mataotao fakatekinolosia ʻi ho siteikí pe uōtí.