Na Cava sa Duatani?

November 2017

Lako Mai, Mo Muri Au—Me Baleta na Soqoni ni Matabete i Melekiseteki kei na Soqosoqo ni Veivukei

Na Cava sa Duatani?

Ena iotioti ni gauna edaidai, e sa vakalesuia mai na matabete ka tuva na veiquoramu vakamatabete kei na Soqosoqo ni Veivukei me vakayacori na Nona cakacaka ka rawata na kena inaki (raica na Mosese 1:39). Ena veisigatabu nida soqoni vata ena soqoni ni Matabete Vaka-Melekiseteki kei na Soqosoqo ni Veivukei, eda sota vata meda veitalanoataka ka tuva na veika me vakayacori kina ka rawati na inaki ni Nona cakacaka. Sai koya oqo na vuna e gadrevi me levu cake mai na dua wale ga na kalasi. Oqori e imadigi talega meda veivakasalataki me baleta na cakacaka ni veivakabulai, vuli vata mai na nodra ivakavuvuli na iliuliu ni Lotu me baleta na cakacaka oqo, ka tuvatuva ka kina me rawa ni rawata. Na veisau kina soqoni ni Sigatabu ena vukei keda meda rawata na inaki oqo.

Na iTuvatuva Vakavula

Na soqoni ena Sigatabu ni Matabete Vaka-Melekiseteki kei na Soqosoqo ni Veivukei ena muria na ituvatuva vakavula oqo:

Macawa	iNaki
iMatai ni Sigatabu	Veitalanoataki na itavi, veimadigi, kei na ibolebole ka tuvatuva ka me cakacakataki ena nomu vanua ni veiqaravi.
iKarua kei na iKatolu ni Sigatabu	Vulica na itukutuku ni koniferedi raraba era digitaki na mataveiliutaki se veiliutaki ni lawalawa se, vakavudua, mai vei bisopi se peresitedi ni iteki
iKava ni Sigatabu	Veitalanoataka e dua na iulutaga talei e digitaki ma na Mataveiliutaki Taumada kei na Kuoramu ni iApositolo Le Tinikarua
iKalima ni Sigatabu	Veivosakitaka e dua na iulutaga eratou digitaka na matabisopi

iVakatakilakila

Soqoni ni iSoqosoqo ni Veivukei

E Dua na iVakarau ni Noda Soqoni

Ena noda soqoni yadua ni Matabete Vaka-Melekiseteki kei na Soqosoqo ni Veivukei, eda vakamuria e dua na ivakarau me rawati kina na cakacaka ni Kalou.

Wasea na veika e sotavi me isoqoni ni veika e vakila kei na veisureti e ciqomi mai na veisoqoni ni matabete se Soqosoqo ni Veivukei (e liutaki mai na dua na mataveiliutaki se iliuliu ni lawalawa).
Veitalanoa vata (matai ni Sigatabu, liutaki mai na mataveiliutaki se iliuliu ni lawalawa) se vuli vata (ikarua, ikatolu, kei na ikava ni Sigatabu, liutaki mai na qasenivuli kacivi).
Tuvatuva me cakacakataki vakailawalawa se yadua (liutaki mai na mataveiliutaki se leweni lawalawa).