iDusidusi ni Kena Vakayagataki nodra na Mataveiliutaki ni iTeki kei na Matabisopi

Lako Mai, Mo Muri Au: Bulataka, Vulica, ka Vakatavulica na Kosipeli i Jisu Karisito

Ena Janueri 2019, era na tekivu vakayagataka na lewe ni Lotu e vuravura raraba e tolu na ivurevure ni vuli vou e tauyavutaki me tokona na vulici kei na vakavulici ni kosipeli e vale vakakina ena lotu:

Lako Mai, Mo Muri Au—Baleta na Tamata Yadua kei na Matavuvale
Lako Mai, Mo Muri Au—Baleta na Matawilivola ni Siga Tabu
Lako Mai, Mo Muri Au—Baleti Ira na Lalai

Na ivurevure oqo ena vakaisosomitaka na ivolavakarau ni Vunau ni Kosipeli ena gauna oqo kei na ivolavakarau ni Lalai (na kalasi ni isususu era na vakayagataka tikoga na Raici Ira na Nomudou Lalai: iVolavakarau ni iSususu [2008]). Era sa vakarautaki tu ena Gospel Library app vakakina ena comefollowme.lds.org. Na kena ilavelave tabaki e na vakau yani ki na nomuni vei tabanalevu kei na tabana ena nomuni iteki.

Era sa sureti na mataveiliutaki ni iteki mera vakayaco bose me vakamacalataki taumada kina na veivurevure vovou oqo kivei ira na iliuliu ni iteki kei na tabanalevu. Ni oti na bose oqo, mera qai vakayacora na bisopi na bose vata oqo me baleti ira kece nodra lewenilotu. Na idusidusi me vakayagataki oqo e vakaturi kina na vurevure kei na taro eso me baleta na veivosakitaki ni soqoni yadua oqo.

iVakatakilakila

vuli vakamatavuvale

Bose ni iTeki me Baleta na Kena Vakayagataki na iDusidusi

Sa dodonu vei kemuni na mataveiliutaki ni iteki, mo ni vakayacora na bose ni kena vakayagataki na ivurevure kei ira na iliuliu eso oqo: na lewe kece ni matabose e cake ena iteki, matabisopi kece, mataveiliutaki ni Matawilivola ni Sigatabu ena tabanalevu, mataveiliutaki ni Lalai ena tabanalevu, qasenivuli ni Matawilivola ni Sigatabu (me qai vakatau), kei na qasenivuli ni Lalai ena tabanalevu (me qai vakatau).

Yalovinaka vakayacora na veika oqo ena bose oqo:

Me veiwaseyaki vei ira kece na tiko na “iLavelave ki na Tamata Yadua, Matavuvale, kei na Qasenivuli.”
Me ra yadua na matabisopi na ilavelave ni dusidusi ni kena vakayagataki oqo.
Me talevi lesu ka veitalanoataki na veidusimaki ena bose ni tabanalevu na veika e tiko ena idusidusi oqo. Me tiki ni nomuni veivosaki, taleva tale na ivurevure vovou oqo ka sarava na vidio era tukuni tiko ena ituvatuva (e tiko ena comefollowme.lds.org vakakina ena Gospel Library app). Na veivosaki oqo me ivakaraitaki ka isabolo ni veibose ni dusidusi oqo ena tabanalevu.
Sureti ira na iliuliu ni tabanalevu kei na iteki mera wasea na nodra nanuma kei na veika era vakila me baleta na kena rawa ni vakalougatataka na tamata yadua kei na veimatavuvale ena iteki na ivurevure vou oqo.

Bose ni Tabanalevu me Baleta na kena Vakayagataki na iDusidusi

Mo dou vakayacora na matabisopi, e dua se sivia na bose ni kena vakayagataki na idusidusi me vakamacalataki taumada kina na ivurevure vou ni Lako Mai, Mo Muri Au vei ira kece na itabagone kei na qase ena tabanalevu. Na veibose oqo ena rawa ni yaco ena ikarua kei na ikatolu ni auwa ni soqoni ena Sigatabu vei ira era na tiko rawa ena veigauna oqo. Kevaka e gadrevi, ena rawa ni duatani ga na nodra bose na qasenivuli ni Lalai kei na Matawilivola ni Sigatabu. Ena rawa ni yaco e vica vata na bose ena loma ni vica vata na macawa.

Ni se bera se ena gauna ni bose e rawa ni veisoliyaki yani ki na vuvale yadua e dua na “iLavelave ki na Tamata yadua, Matavuvale, kei na Qasenivuli.”

Na ivakavuvuli eso oqo ena rawa ni veivuke ena kena dusimaki na nomuni veivosaki.

iVakavuvuli ni Veidusimaki

Usutu ni iTikotiko	Tokona na Lotu
Na noda itikotiko e vanua vinaka duadua meda bulataka, vulica, ka vakatavulica kina na kosipeli (raica na 3 Nifai 17:3; VV 68:25).	Na veikalasi e valenilotu era tokoni keda meda bulataka, vulica, ka vakatavulica na kosipeli (raica na Moronai 6:4–5).
Na noda vulica kei na vakatavulica na kosipeli e dodonu me tiki ni noda bula e veisiga (raica na Nai Vakarua 6:6–7; Cakacaka 17:11).	Era vakauqeti ira na gonevuli na qasenivuli me ra vakila vakataki ira ka sotava na kaukauwa mana ni vosa ni Kalou (raica na Alama 32:27–30).
Na vulici ni ivolanikalou ena kauta mai na kaukauwa mana ki na noda bula (raica na 2 Nifai 32:3; Alama 17:2–3; Ilamani 3:29–30).	Era vakauqeti ira na gonevuli na qasenivuli me ra kunea na dina ni kosipeli ena ivolanikalou ka sureti ira me ra wasea na nodra vakasama (raica na VV 88:122).

iVakatakilakila

Lako Mai, Mo Muri Au—Baleta na Tamata Yadua kei na Matavuvale

Ira na Tamata Yadua kei na Matavuvale

Me soli yadua yani ki na veitikotiko yadua e dua na ilavelave ni Lako Mai, Mo Muri Au—Baleta na Tamata Yadua kei na Vuvale, ka sureti ira na lewenilotu me ra taura na gauna me ra taleva tiko, oka kina na tabana ni vakamacala taumada. Vakaraitaka na vidio ni “Vakamacala taumada ni Tamata Yadua kei na Vuvale” (comefollowme.lds.org), ka veivosakitaka na taro eso vaka oqo:

Ena rawa vakacava meda cakava na noda itikotiko me vanua usutu ni bulataki, vuli kei na vakavulici ni kosipeli?
Na kalougata cava so ena lako mai vei ira na tamata yadua, matavuvale, kei na Lotu ni sa vanua usutu ni bulataki, vulici, kei na vakavulici ni kosipeli na noda itikotiko?
Na cava o raica ena ivurevure oqo ena rawa ni vukei iko se na nomu matavuvale?

iVakatakilakila

Lako Mai, Mo Muri Au—Baleta na Matawilivola ni Siga Tabu

Matawilivola ni Sigatabu (me baleta na iTabagone kei na Qase)

Me soli kece vei ira na qasenivuli ni Matawilivola ni Sigatabu e dua na ilavelave ni Lako Mai, Mo Muri Au—Me Baleta na Matawilivola ni Siga Tabu, ka sureti ira mera taleva lesu. Vakaraitaka na vidio ni “Vakamacala taumada ni Wilivola ni Sigatabu” (comefollowme.lds.org), ka veivosakitaka na taro eso vaka oqo:

Na cava o raica me baleta na nodra itavi o ira na vuli tiko ena lewenivuli vou oqo?
Na cava e bibi kina me ra vakauqeta ka taracake na qasenivuli na vulici ni kosipeli ena noda veitikotiko.
Eda na vakadeitaka rawa vakacava mena vakanamata tiko ga na noda kalasi ena kena kilai vakamatata na ivunau?

iVakatakilakila

Lako Mai, Mo Muri Au—Me Baleti Ira na Lalai

Lalai

Me soli kece vei ira na qasenivuli ni Lailai e dua na ilavelave ni Lako Mai, Mo Muri Au—Me Baleta na Lalai, ka sureti ira me ra taleva lesu. Vakaraitaka na vidio ni “Vakamacala taumada ni Lalai” (comefollowme.lds.org), ka veivosakitaka na taro eso vaka oqo:

Ena rawa vakacava ni ra taracake na qasenivuli e dua na isema kaukauwa ni veika era vulica na gone e vale kei na veika era vulica ena Lalai?
Na vinaka cava ena kauta mai ni ra vakauqeti na gone me ra dau veiwasei vakalevu?
Na cava eso na duidui o raica rawa ena lewenivuli vou oqo kei na kena e vakayagataki tiko ena kalasi ni Lalai ena gauna oqo?

iVakatakilakila

ivakatakilakila ni Lotu