Ó, Jesús bróðir besti

1. Ó, Jesús bróðir besti

og barna vinur mesti,

æ, breið þú blessun þína

á barnæskuna mína.

2. Mér gott barn gef að vera

og góðan ávöxt bera,

en forðast allt hið illa,

svo ei mér nái´ að spilla.

3. Það ætíð sé mín iðja

að elska þig og biðja,

þín lífsins orð að læra

og lofgjörð þér að færa.

4. Þín umsjón æ mér hlífi

í öllu mínu lífi,

þín líknarhönd mig leiði

og lífsins veginn greiði.