Ia Silasila Mai lo Matou Nei Tama

1. Ia silasila mai, lo matou nei Tama.

To mai ia i matou o lou Agaga Sa.

Ia e talia alofa mai lo matou nei mana‘o i ai;

Lo matou nei mana‘o i ai.

2. Ua faigata na‘ua o matou loto nei.

O loto vaogata, ma loto masesei.

Matou te fa‘atoga atu ai i lou Agaga ia aumai;

I lou Agaga ia aumai.

3. A le afio mai ‘o lou Agaga Sa,

‘E mala i matou i mea faigata.

Ia e alofa ma aumai le na ‘e folafola mai;

Le na ‘e folafola mai.

4. Pe a afio mai ‘o lou Agaga Sa,

E malolosi ai i matou uma nei.

O lou Agaga ia aumai, matou te malolosi ai;

Matou te malolosi ai.