Mga Pagpapala ay Bilangin

1. Kung ang buhay mo’y puspos ng pighati,

Kawalang pag-asa ay naghahari,

Mga pagpapala ay bilangin mo;

Mamamangha ka sa kaloob sa ’yo.

2. Pag-aalala ba ay nadarama?

Kaybigat na ba ng ’yong dinadala?

Mga pagpapala ay bilangin mo;

At mapapawi ang alinlangan mo.

3. Kung iba’y makitang may kayamanan,

Pangako ni Cristo sa iyo’y tingnan.

Mga pagpapala ay bilangin mo;

’Di mabibilang ang gantimpala mo.

4. Sa munti ma’t malaking suliranin,

H’wag manghihina, ang Diyos ay nasa ’tin.

Mga pagpapala ay bilangin mo;

Anghel sa langit ang s’yang karamay mo.