Kaya Mong Paningningin

1. Kaya mong paningningin,

Diwa mo at landasin,

Kung sa puso’y may sigla;

Karimla’y magwawakas

Anino’y walang bakas

Kung sa puso’y may sigla ngayon.

2. Kaya mong paamuin

Ang pusong nagdidilim

Kung sa puso’y may sigla;

Munti man ang ligaya,

Ang hatid ay biyaya

Kung sa puso’y may sigla ngayon.

3. Kaya mong magmabait

Sa kapwang nagigipit

Kung sa puso’y may sigla;

At s’ya’y daramayan mo

Sa pasanin n’yang ito

Kung sa puso’y may sigla ngayon.

4. Kaya mong lumigaya

Sa mundong mayro’ng dusa

Kung sa puso’y may sigla;

Sa tanglaw na dulot N’ya.

Pag-ibig, madarama

Kung sa puso’y may sigla ngayon.