Laipelí
Fakahinohino Ngāue ki he Kau Palesitenisī Fakasiteikí mo e Kau Pīsopelikí


Fakahinohino Ngāue ki he Kau Palesitenisī Fakasiteikí mo e Kau Pīsopelikí

Haʻu, ʻo Muimui ʻIate Au: Ko Hono Moʻui ʻAki, Ako mo Akoʻi ʻo e Ongoongolelei ʻo Sīsū Kalaisí

ʻE kamata ʻi Sānuali 2019, ʻa hono kamata fakaʻaongaʻi ‘e he kāingalotu ʻo e Siasí ʻi he funga ʻo māmaní e maʻuʻanga tokoni foʻou ʻe tolu ʻoku fakataumuʻa ke poupouʻi ʻa hono ako mo akoʻi ʻo e ongoongoleleí ʻi ʻapi pea ʻi he siasí:

  • Haʻu, ʻo Muimui ʻIate Au—Maʻá e Fakafoʻituituí mo e Ngaahi Fāmilí

  • Haʻu, ʻo Muimui ʻIate Au—Maʻá e Lautohi Faka-Sāpaté

  • Haʻu, ʻo Muimui ʻIate Au—Maʻá e Palaimelí

ʻE hanga ʻe he maʻuʻanga tokoni ko ʻení ʻo fetongi e ngaahi tohi lēsoni lolotonga ʻa e Tokāteline ʻo e Ongoongoleleí pea mo e Palaimelí (ʻe kei hokohoko atu pē hono fakaʻaongaʻi ʻe he kalasi nesilií e Vakai ki Hoʻomou Fānau Īkí: Tohi Lēsoni ʻa e Kalasi Nesilií [2008]). ʻE maʻu atu kinautolu ʻi he Gospel Library app pea mo e comefollowme.lds.org. ʻE fakafolau atu foki mo ha ngaahi tatau ʻosi paaki ki he ngaahi uooti mo e ngaahi kolo ʻi homou siteikí.

ʻOku fakaafeʻi e kau palesitenisī fakasiteikí ke nau fakahoko ha fakataha ngāue ke fakafeʻiloaki ai e ngaahi maʻuʻanga tokoni foʻou ko ʻení ki he siteikí pea mo e kau taki ʻo e uōtí. Ka hili e fakataha ko ʻení, ʻoku totonu ke fakahoko ʻe he kau pīsopé ha fakataha ngāue maʻá e kau mēmipa kotoa ʻo e uōtí. ʻOku fokotuʻu mai ʻe he fakahinohino ngāue ko ʻení ha ngaahi maʻuʻanga tokoni mo ha ngaahi fehuʻi ke aleaʻi ʻi he ngaahi fakataha takitaha ko ʻení.

ʻĪmisi
fāmili ʻoku nau ako

Fakataha Ngāue ʻa e Siteikí

ʻI hoʻomou hoko ko ha kau palesitenisī fakasiteikí, kātaki ka mou fakahoko ha fakataha ngāue mo e kau taki ko ʻení: kau mēmipa kotoa pē ʻo e fakataha alēlea ʻa e siteikí, kau pīsopeliki kotoa pē, kau palesitenisī Lautohi Faka-Sāpate fakauōtí, kau palesitenisī Palaimeli fakauōtí, kau faiako Lautohi Fakasāpate fakauōtí (faʻiteliha pē), pea mo e kau faiako Palaimeli ʻa e uōtí (faʻiteliha pē).

Kātaki ʻo fakahoko ʻeni ʻi he fakatahá ni:

  • ʻOange ki he kau maʻu fakataha kotoa pē ha ngaahi tatau ʻo e “Laʻipepa Tufa maʻá e Fakafoʻituituí, Fāmilí, mo e Kau Faiakó.”

  • ʻOange ki he kau pīsopeliki takitaha ha tatau ʻo e fakahinohino ngāue ko ʻení.

  • Toe vakaiʻi mo aleaʻi fakataha e fokotuʻutuʻu ko ʻeni ki he ngaahi fakataha ngāue fakauooti ʻoku ʻasi ʻi he fakahinohino ngāue ko ʻení. Toe vakaiʻi ʻa e maʻuʻanga tokoni foʻoú mo mamata ʻi he ngaahi foʻi vitiō ʻoku ʻoatu ʻi he fokotuʻutuʻu ko ʻení ko ha konga hoʻomou fealēleaʻakí (maʻu atu ʻi he comefollowme.lds.org pea ʻi he Gospel Library app). ʻOku totonu ke hoko e fealēleaʻakí ko ha sīpinga ki he ngaahi fakataha ngāué.

  • Fakaafeʻi e kau taki fakauōtí mo e fakasiteikí ke vahevahe ʻenau ngaahi fakakaukau mo e ongo fekauʻaki mo e founga ʻe lava ke faitāpuekina ai ʻe he ngaahi maʻuʻanga tokoni foʻoú e niʻihi fakafoʻituitui mo e ngaahi fāmili ʻi he siteikí.

Fakataha Ngāue ʻa e Uōtí

ʻI hoʻomou hoko ko e kau pīsopelikí, kātaki ʻo fakahoko ha fakataha ngāue ʻe taha pe lahi ange ke fakafeʻiloaki ai e ngaahi maʻuʻanga tokoni foʻou ʻa e Haʻu, ʻo Muimui ʻIate Aú ki he kau mēmipa toʻu tupu mo kakai lalahi kotoa pē ʻo e uōtí. ʻE lava ke fakahoko e ngaahi fakataha ko ʻení ʻi he houa ua pe tolu ʻo e ngaahi fakatahaʻanga he Sāpaté maʻanautolu te nau lava ʻo kau mai he ngaahi taimi ko iá. Kapau ʻe fie maʻu, ʻe lava ke fakahoko ʻe he kau faiako Lautohi Faka-Sāpaté mo e Palaimelí ha fakataha kehe pē ia. ʻE lava ke fakahoko ha ngaahi fakataha tuʻo lahi ʻi loto ʻi ha ngaahi uike lahi.

Kimuʻa pe lolotonga e ngaahi fakataha ngāue fakauōtí, ʻoange ki he fāmili takitaha ha tatau ʻo e “Laʻipepa Tufa maʻá e Fakafoʻituituí, Fāmilí, mo e Kau Faiakó.”

ʻE lava ke tokoni e ngaahi tefitoʻi moʻoni ko ʻení ke tākiekina hoʻomou fealēleaʻakí.

Ngaahi Tefitoʻi Moʻoni Tākiekiná

Fakatefito ʻi ʻApi

Poupouʻi ʻe he Siasí

Ko ʻapi ʻa e feituʻu lelei taha ke moʻuiʻaki, ako mo akoʻi ai e ongoongoleleí (vakai, 3 Nīfai 17:3T&F 68:25

ʻOku poupouʻi kitautolu ʻe he ngaahi kalasi ʻi he lotú ke tau moʻuiʻaki, ako mo akoʻi e ongoongoleleí (vakai, Molonai 6:4–5).

ʻOku totonu ke hoko ʻetau ako mo akoʻi ʻo e ongoongoleleí ko ha konga ʻo ʻetau moʻui fakaʻahó (vakai, Teutalonome 6:6–7; Ngāue 17:11).

ʻOku ueʻi ʻe he kau faiakó e kau akó ke nau aʻusia ʻa e mālohi ʻo e folofola ʻa e ʻOtuá ʻiate kinautolu (vakai, ʻAlamā 32: 27–30).

ʻE ʻomi ʻe hono ako e folofolá ha mālohi ki heʻetau moʻuí (vakai, 2Nīfai 32: 3 ʻAlamā 17:2–3; Hilamani 3:29–30).

‘Oku tokoni e kau faiakó ke ʻiloʻi ʻe he kau akó e moʻoni ʻo e ongoongoleleí ʻi he folofolá pea fakaafeʻi kinautolu ke nau vahevahe ʻenau fakakaukaú (vakai, T&F 88:122).

ʻĪmisi
Haʻu, ʻo Muimui ʻIate Au—Maʻá e Fakafoʻituituí mo e Ngaahi Fāmilí

Fakafoʻituituí mo e Ngaahi Fāmilí

ʻOange ki he fāmili takitaha ha tatau ʻo e Haʻu, ʻo Muimui ʻIate Au—Maʻá e Fakafoʻituituí mo e Ngaahi Fāmilí, pea fakaafeʻi e kau mēmipá ke nau fakaʻaongaʻi ha ngaahi miniti siʻi ke toe vakaiʻi ia, kau ai mo e ngaahi peesi talateú. Hulu e foʻi vitiō “Talateu maʻá e Fakafoʻituituí mo e Ngaahi Fāmilí” (comefollowme.lds.org), pea aleaʻi ha ngaahi fehuʻi hangē ko ʻení:

  • ʻE founga fēfē haʻatau ngaohi hotau ngaahi ʻapí ko e uho ia hono moʻui ʻaki, ako, mo akoʻi e ongoongoleleí?

  • Ko e hā ha ngaahi tāpuaki ʻoku maʻu ʻe he fakafoʻituituí, ngaahi fāmilí, mo e Siasí ʻi he taimi ʻoku hoko ai ʻa ʻapi ko e uho ʻo hono moʻui ʻaki, ako, mo akoʻi e ongoongoleleí?

  • Ko e hā ʻokú ke vakai ki ai he ngaahi maʻuʻanga tokoni ko ʻení ʻe tokoni atu kia koe mo ho fāmilí?

ʻĪmisi
Haʻu, ʻo Muimui ʻIate Au—Maʻá e Lautohi Faka-Sāpaté

Lautohi Faka-Sāpaté (ki he Toʻu Tupú mo e Kakai Lalahí)

ʻOange ki he kau faiako Lautohi Faka-Sāpate kotoa pē ha tatau ʻo e Haʻu, ʻo Muimui ʻIate Au—Maʻá e Lautohi Faka-Sāpaté, pea fakaafeʻi kinautolu ke nau toe vakaiʻi ia. Hulu e foʻi vitiō “Talateu ki he Lautohi Faka-Sāpaté” (comefollowme.lds.org), pea aleaʻi ha ngaahi fehuʻi hangē ko ʻení:

  • Ko e hā ʻokú ke fakatokangaʻi fekauʻaki mo e fatongia ʻo e kau akó ʻi he nāunau fakalēsoni foʻou ko ʻení?

  • Ko e hā ʻoku mahuʻinga ai ke poupouʻi ʻe he kau faiakó mo fakatupulaki hono ako e ongoongoleleí ʻi ʻapí?

  • Te tau fakapapauʻi fēfē ʻoku nofotaha ʻetau ngaahi kalasí ʻi hono fakamahinoʻi ʻo e tokāteliné?

ʻĪmisi
Haʻu, ʻo Muimui ʻIate Au—Maʻá e Palaimelí

Palaimelí

ʻOange ki he kau faiako Palaimeli kotoa pē ha tatau ʻo e Haʻu, ʻo Muimui ʻIate Au—Maʻá e Palaimelí, pea fakaafeʻi kinautolu ke nau toe vakaiʻi ia. Hulu e foʻi vitiō “Talateu maʻá e Palaimelí” (comefollowme.lds.org), pea aleaʻi ha ngaahi fehuʻi hangē ko ʻení:

  • ʻE lava fēfē ke langa ʻe he kau akó ha vā fetuʻutaki ʻoku mālohi angé ʻi he vahaʻa ʻo e meʻa ʻoku ako ʻe he fānaú ʻi ʻapí mo e meʻa ʻoku nau ako ʻi he Palaimelí?

  • Ko e hā e ngaahi lelei hono poupouʻi e fānaú ke lahi ange ʻenau vahevahé?

  • Ko e hā ha faikehekehe ʻokú ke fakatokangaʻi ʻi he vahaʻa ʻo e nāunau fakalēsoni ko ʻení mo e ngaahi kalasi Palaimeli lolotongá?

ʻĪmisi
Fōtunga hingoa ʻo e Siasí