Lau ʻEni ko e Tofiʻa

1. Lau ʻeni ko e tofiʻa

Neongo hono lesisita,

Kuo pau ke vetekina

Fai ke toʻo meiate kita

Ko e tofiʻa ʻi loto langi,

Fungani masani

Nofo ai pea ʻe tolonga

Taʻengata lauikuonga.

2. Neongo ʻa hono teuʻi

Puke ia ʻe māmani,

He ʻokú ke ʻiloʻi ʻeni

Ko e tofiʻa ʻo e afi

Te u ʻi muʻa ho loto,

Ki he hū ki he kolo

ʻOku lau ʻe he poto

Ko e tofiʻa ʻoku taʻe popo.

3. Lau ʻeni ko e ʻapi

Neongo ʻene masani,

Faingofua hono hala

Fakatau, atu ki mala

ʻOua muʻa ʻe sio ki ʻapi,

ʻOku fonu mamahi

Sio atu pē ki muʻa

Kia Sīsū he moʻunga.

4. Tama ē ke ke vakai

Hoʻo nofo ʻoku fai,

Ofi pē ke ngata mai

ʻA e nofo ʻi māmani

ʻOua muʻa e nofo lata,

Maama faingataʻa

Lotu pē mataʻi koloa

Talanoa he folofola.