Magiging Matibay Akong Kawing

Pilasin ang pahina K4, at idikit sa makapal na papel. Gupitin ang bawat kawing sa tuwid at itim na mga guhit. Para magupit ang loob ng mga kawing, gupitin ang kawing sa putul-putol na linya. Isulat ang inyong pangalan sa isa sa mga kawing at ang pangalan ng inyong mga magulang, kapatid, lolo’t lola, tiya, tiyo, pinsan, o iba pang kamag-anak sa iba pang mga kawing. Pagdugtung-dugtungin ang mga kawing. Isabit ang inyong kadena kung saan nito maipaaalala sa inyo na kayo ay bahagi ng isang pamilya at maaari kayong maging matibay na kawing. Sa isang family home evening, papiliin ng isang pangalan sa isa sa mga kawing ang inyong mga kapamilya at magpasabi ng isang bagay na natutuhan nila mula sa taong iyon na nakatulong sa kanila na maging matibay.

1. Isulat ang sumusunod na mga reperensya sa mga banal na kasulatan sa labas ng anim na sobre, isang reperensya bawat sobre: Moises 3:24; Moises 5:1; Moises 5:2; Moises 5:4; Moises 5:5; Moises 5:12. Ihanda ang anim na wordstrip na ito: magpakasal, magtulungan, magkaanak, manalangin, sundin ang mga kautusan, turuan ang mga anak. Gupitin nang hiwa-hiwalay ang mga letra, pagsama-samahin ng paper clip ang mga letra ng bawat salita, at ipasok ang mga ito sa loob ng angkop na sobre. Maghanap ng mga larawan ng mga pamilya na nagpapakita ng bawat wordstrip. Idispley ang Gospel Art Picture Kit 119 (Tinuturuan nina Adan at Eva ang Kanilang mga Anak). Ikuwento nang maikli sina Adan at Eva, na binibigyang-diin na sa pamamagitan nila ay naitatag ng Ama sa Langit ang huwaran ng mga pamilya. Maghati sa anim na grupo, at bigyan ng isang sobre ang bawat grupo. Ipabasa ang banal na kasulatan sa mga bata, guluhin ang mga letra, at pagdikit-dikitin o iteyp ang mga ito. Simula sa Moises 3:24 at sunud-sunod na, sabihin sa bawat grupo na ipakita ang kanilang wordstrip at piliin ang katugmang larawan. Ipaligid ang mga larawan sa larawan nina Adan at Eva. Ipaliwanag na sa pamilya pinakamagandang matutuhan at ipamuhay ang ebanghelyo.

2. Para maituro na pinagpapala ng Ama sa Langit ang matwid na mga pamilya, magdula-dulaan tungkol sa mga anak ni Helaman na pinoprotektahan sa digmaan. Magsama ng mga bahagi para sa tagakuwento, kay Helaman, at sa mga anak ni Helaman (tingnan sa Alma 53:10–23; 56; 57). Gumamit ng mga name tag o simpleng kasuotan kung gusto ninyo. Pinagpala rin ng Ama sa Langit ang ibang matwid na mga pamilya. Maghati sa dalawang grupo. Bigyan ang bawat grupo ng isa sa sumusunod na mga kuwento: pamilya ni Nephi (1 Nephi 17:7–13; 18:1–6) at mga pamilyang Jaredita (Genesis 11:1–9; Eter 1:33–43). Ipabasa ang kuwento sa bawat grupo. Gumanap bilang reporter (gumamit ng mikropono kung mayroon), at interbyuhin ang bawat grupo sa pamamagitan ng pagtatanong na maglalahad sa mga detalye ng bawat kuwento. Magpatotoo na pinagpapala ng Ama sa Langit ang matwid na mga pamilya.