Halina’t Pakinggan ang Tinig ng Isang Propeta

Ilang Tao ang Maaari Nating Tulungan?

Ni Pangulong Thomas S. Monson

Mula sa mensaheng ibinigay sa Coalition for Utah’s Future, Common Goods Awards Luncheon, Okt. 25, 2000.

Sinabi ni Pangulong Monson na maraming tao sa mundo ang nangangailangan ng tulong. Sinabi niya na gusto ng Ama sa Langit na mapansin natin sila at tingnan kung ilan ang ating matutulungan.

Larawan

President Thomas S. Monson

Kapag mayroon tayong mga matang nakakakita at mga taingang nakakarinig at mga pusong nakakaalam at nakakaramdam, malalaman natin ang mga pangangailangan ng ating kapwa na humihingi ng tulong.

Paano sila kumakain—nang walang pagkain? Paano sila hindi giginawin—nang walang damit? nang walang tirahan? Paano sila nabubuhay—nang walang kaparaanan? Paano sila gumagaling—nang walang mga doktor, gamot, at ospital?

Naniniwala ako na kapag humarap na tayo sa ating Ama sa Langit, tatanungin tayo, “Ilang tao ba ang inyong natulungan? ●

Pagtapatin ang bawat taong nangangailangan ng tulong sa ilang bagay na kakailanganin ng taong iyon.

Mga Taong Nangangailangan

Mga Bagay na Kailangan ng Tao ng Tulong

Si Pangulong Monson at ang Matinding Kahirapan

Ipinanganak si Pangulong Thomas S. Monson noong 1927. Noong siya ay dalawang taong gulang, nagsimula ang Matinding Kahirapan. Maraming tao ang nahirapang makahanap ng trabaho. Mahirap sa kanila ang kumita ng sapat na pera para ibili ng pagkain. Ilan sa kaibigan ni Pangulong Monson ay walang damit pang-ginaw sa taglamig o sapat na makakain.

Sa panahon ng Matinding Kahirapan, maraming kalalakihan ang naglakbay sa buong Estados Unidos sakay ng tren para maghanap ng trabaho. Ang bahay ni Pangulong Monson ay malapit sa riles ng tren. Minsan may mga lalaking bababa sa tren at kakatok sa pinto ng likod-bahay ng mga Monson para humingi ng pagkain. Ang ina ni Pangulong Monson ay palaging magbibigay sa kanila ng makakain. Inuutusan din niya ang kanyang anak na lalaki para magdala ng isang plato ng mainit na pagkain sa isang mahirap na kapitbahay.

Ang Matinding Kahirapan ay natapos noong 1939, nang si Pangulong Monson ay 12 taong gulang.

Alam Ba Ninyo?

Katulad ng ina ni Pangulong Monson na tumulong sa mga taong nangangailangan maraming taon na ang nakalilipas, makakatulong ang mga bata at matatanda ngayon sa pagbibigay ng donasyon sa humanitarian aid ng Simbahan. Ilakip ang inyong mga donasyon sa sobreng katulad sa sobre ng ikapu na ibinibigay ninyo sa inyong bishop o branch president. Ang perang ito ay tumutulong sa lahat ng tao sa buong mundo. Noong 2007 tumulong ang Simbahan sa halos apat na milyong tao sa 85 bansa. Narito ang ilang paraan ng pagtulong ng Simbahan:

Suplay na pang-unang lunas—45 bansa

Tulong sa biktima ng lindol—5 bansa

Tulong sa biktima ng baha at bagyo—34 na bansa

Tulong sa biktima ng sunog—6 na bansa

Malinis na tubig—25 bansa

Mga wheelchair—60 bansa

Mga salamin sa mata—11 bansa

Mga bakuna sa tigdas para sa mga bata—10 bansa

Pagbibigay ng training para tulungan ang mga doktor at nars sa pag-aalaga ng mga maysakit na bagong panganak na sanggol—23 bansa

Mga paglalarawan ni Adam Koford; larawan ni Pangulong Monson na kuha ni Craig Dimond