Nahadlok nga Mag-usab

Nagtubo ako nga usa ka Kristiyano. Bisan tuod ang akong pamilya dili gayud relihiyoso, ang akong amahan motudlo nako kanunay sa pagbuhat unsay akong gituohan nga tinuod.

Sa sayong bahin sa akong pagkatin-edyer miagi ko og daghan kaayong mga pagsulay. Operasyon sa likod, pagdiborsyo sa akong mga ginikanan, pagkasakit sa akong inahan, ug pagbantay sa manghud nga babaye nakapalagot nako ug mayubiton. Dayon pipila ka mga bulan sa wala pa ako mag-15 anyos, akong nahimamat ang mga misyonaryo. Sila si Elder Johnson ug Elder Chadwick mitudlo nako sa ebanghelyo.

Mibasa ko sa Basahon ni Mormon, apan dili gusto nga mohimo sa mga kausaban nga gisulti nako sa mga elder. Giingnan nako sila nga ang kausaban sobra na ug hapit maingnan sila sa pagbiya na lang nako. Mitan-aw ko ug sa akong pagsulti niadto nga mga pulong ug nagkasugat sa mata ni Elder Chadwick. Usa ka luha ang miagas sa iyang aping, ug mibati gayud ako og kaulaw. Giingnan nako sila nga motawag ko pagkasunod adlaw.

Mipauli ko gikan sa simbahan ug gihuman ang pagbasa sa Basahon ni Mormon sa unang higayon. Dayon miluhod ko, nga wala gayud nako mabuhat sukad, ug nangutana sa Dios kon tinuod ba kini. Wala gayud sukad ako makapangutana sa Dios kaniadto. Nahadlok kaayo ko nga mag-usab. Human makasulti ko og “amen,” kalma ug kalinaw nga pagbati ang miabut nako. Nasayud ko nga ako adunay Langitnong Amahan nga nagmahal nako, nasayud ako nga ang Basahon ni Mormon tinuod, ug nasayud ko nga ako makausab.

Paglabay sa napulo ka adlaw nabunyagan ko. Ang akong mga ginikanan mitambong sa akong bunyag. Bisan og ako pa gihapon ang miyembro sa akong pamilya, ako adunay hugot nga pagtuo nga moabut ang adlaw nga sila usab moluhod ug mangutana sa Dios. Nagbasa ako sa Basahon ni Mormon sa ikawalo nga higayon karon, ug sama kini ka nindot sa unang higayon. Nasayud ko nga ang Basahon ni Mormon tinuod. Kini adunay gahum sa pag-usab sa mga tawo.