Kinatibuk-ang Miting sa Young Women

Tanang batan-ong mga babaye nga nag-edad og 12 hangtud 18, ilang mga inahan, ug mga lider sa Young Women gidapit sa pag-apil sa kinatibuk-ang miting sa Young Women karong Marso 26. Ang miting maglakip og mga pamulong gikan sa usa ka sakop sa Unang Kapangulohan ug sa kinatibuk-ang kapangulohan sa Young Women. Ang tema sa miting karong tuiga mao ang “Kami Nagtuo” (Mga Artikulo sa Hugot nga Pagtuo 1:13).

Kon mahimo, ang batan-ong mga babaye, ilang mga inahan, ug ilang mga lider giawhag nga magpundok sa mga chapel aron sa pagtan-aw sa sibya. Pagpakisayud uban sa inyong mga priesthood lider o sa www.broadcast.lds.org alang sa impormasyon kabahin sa mga oras ug mga dapit sa sibya.