Ang Netherlands

Singkwenta na katuig ang milabay niining bulana, ang unang stake sa Netherlands, ang Holland Stake, naorganisar sa The Hague. Mao kadto ang unang stake sa Simbahan nga ang mga miyembro dili makasulti og Iningles. Sa miaging usa ka gatus ka tuig, niadtong Agosto 1861, sila si Paul Augustus Schettler ug A. Wiegers van der Woude mao ang unang mga misyonaryo nga misangyaw sa ebanghelyo sa Holland. Sa sunod 100 ka tuig, labaw sa 14,000 ka mga tawo sa Netherlands ang nabunyagan, kadaghanan kanila milalin ngadto sa Estados Unidos. Karon dul-an sa 9,000 ka mga miyembro ang nagpuyo sa Netherlands.

Niadtong Septyembre 8, 2002, si Presidente Gordon B. Hinckley (1910–2008) mipahinungod sa Templo sa The Hague Netherlands, nga nagserbisyo og lima ka stake ug usa ka district sa Netherlands, Belgium, ug bahin sa France.