2011
Unsa ang Pagkamauyonon [Tolerance]?
Marso 2011


Unsa Ang Pagkamauyonon [Tolerance]?

Gikan sa Abril 1994 nga pakigpulong sa kinatibuk-ang komperensya.

Imahe
Elder Russell M. Nelson

Ang pagkamauyonon usa ka hiyas nga kinahanglanon kaayo sa atong nagkagubot nga kalibutan. Apan kinahanglang moila ta nga adunay kalainan tali sa pagkamauyonon ug kamatugtanon. Ang inyong mabinationg pagkamauyonon alang sa usa ka indibidwal wala nagtugot kaniya sa pagbuhat og sayop, ni ang inyong pagkamauyonon nag-obligar kaninyo sa pagtugot sa iyang sayop. Kana nga kalainan importante sa pagsabut niining makahuluganong hiyas.

Duha ka Dagkong mga Sugo

Ang atong pinaka prayoridad sa kinabuhi mao ang paghigugma sa Dios ug sa paghigugma sa atong mga silingan.1 Kana malukpanong naglakip sa atong mga silingan sa atong pamilya, atong komunidad, atong nasud, ug sa atong kalibutan. Ang pagkamasulundon sa ikaduha nga sugo nakatabang sa pagsunod sa unang sugo. “Kon kamo anaa sa pagserbisyo sa inyong mga isigkatawo kamo anaa lamang sa pagserbisyo sa inyong Dios” (Mosiah 2:17).

Ang Bunyag Mas Molabaw sa Background

Sa matag kontinente ug tabok sa tanang isla sa dagat, ang matinud-anon gipangpundok ngadto sa Ang Simbahan ni Jesukristo sa mga Santos sa Ulahing mga Adlaw. Ang mga panaglahi sa background sa kultura, pinulongan, sekso, ug hitsura nagkawalay hinungdan samtang ang mga miyembro mopahinungod sa ilang kaugalingon sa pagserbisyo sa ilang hinigugma nga Manluluwas.

Ang pagsabut lamang sa katinuod sa pagkaamahan sa Dios makahatag og hingpit nga pagdayeg sa tinuoray nga panag-igsoonay sa tawo. Kana nga pagsabut makapadasig og tinguha sa pagtukod og mga tulay sa kooperasyon imbis mga paril sa pagpalain.

Ang pagkadili mauyonon magbunga og panagbingkil, ang pagkamauyonon mopuli sa panagbingkil. Ang pagkamauyonon mao ang yawe nga makaabli sa pultahan ngadto sa pagsinabtanay sa usag usa ug paghigugma.

Mga Risgo sa Walay Kinutuban nga Pagkamauyonon

Karon mahimo ba akong motanyag og usa ka importante nga pasidaan. Ang usa ka sayop nga hunahuna mahitabo kon ang usa ka gamay nga butang maayo, ang daghan mas labing maayo. Dili sa kanunay! Ang pagpalabi og inom sa gikinahanglan nga tambal mahimong makalanag. Ang walay kinutuban nga kalooy mahimong dili makauyon sa kaangayan. Busa ang pagkamauyonon, nga walay kinutoban, makadala ngadto sa pagpasagad.

Ang Ginoo mihimo og mga linya sa utlanan aron sa pagpatin-aw sa madawat nga mga kinutoban sa pagkamauyonon. Ang kakuyaw mahitabo kon kadtong balaanong mga kinutoban gilapas. Sama nga ang mga ginikanan nagtudlo sa gagmay nga mga bata nga dili magdagan-dagan ug magdula sa kalsada, ang Manluluwas mitudlo kanato nga dili nato tugutan ang kadautan. “Misulod si Jesus sa templo sa Dios, … ug iyang gipanglintuwad ang mga lamesa sa mga tigpangilis sa mga kwarta” (Mateo 21:12; tan-awa usab sa Marcos 11:15). Bisan tuod Siya naghigugma sa mga makasasala, ang Ginoo miingon nga Siya “dili makatan-aw diha sa sala sa uban sa labing gamay nga matang sa pagtugot” (D&P 1:31).

Ang tinuod nga paghigugma sa makasasala nagkinahanglan og maisug nga komprontasyon—dili pag-uyon! Ang tinuod nga gugma dili mosuporta sa batasan nga makadaut sa kaugalingon.

Ang Pagkamauyonon ug Pagtahud sa Usag Usa

Ang atong pasalig ngadto sa Manluluws nakahimo kanato sa pagsalikway sa sala ug magpatalinghug sa Iyang sugo sa paghigugma sa atong mga silingan. Mag-uban kitang nagpuyo niini nga yuta, nga atimanon, idumala, ug ipakigbahin uban sa pagpasalamat.2 Ang matag usa kanato makatabang sa paghimo sa kinabuhi niining kalibutan nga mas nindot nga kasinatian.

Ang Unang Kapangulohan ug ang Korum sa Napulog Duha ka mga Apostoles miisyu ug pahayag alang sa tanan diin akong kutloon:

“Kini sayop sa moral nga paagi alang ni bisan kinsa nga tawo o grupo sa paglimud ni bisan kinsa sa iyang tiunay nga katakus sa makalilisang ug makapasilag nga teyoriya sa kaliwatan o kultura nga pagpalabaw.

“Kami nanawagan sa tanang mga tawo bisan asa sa pagpasalig og usab sa ilang kaugalingon ngadto sa nasulayan na sa panahon nga mga sulundon sa pagkamauyonon ug pagtahud sa usag usa. Kami matinud-anong nagtuo nga samtang kita miila sa usag usa uban sa konsiderasyon ug kalooy kita makadiskobre nga kitang tanan malinawon nga dungan nga magpakabuhi bisan sa atong hilabihan nga pagkalahi.”3

Kita dungan nga mahimong mobarug nga dili magmauyonon sa kalapasan apan matugtanon sa mga silingan nga may mga kalahi nga ilang gipakasagrado. Ang atong hinigugmang mga kaigsoonan sa tibuok kalibutan tanan mga anak sa Dios. Siya mao ang atong Amahan. Ang Iyang Anak, si Jesus, mao ang Kristo. Ang Iyang Simbahan gipahiuli sa yuta niining ulahing mga adlaw aron sa pagpanalangin sa tanang mga anak sa Dios.

Ang Manluluwas mitudlo kanato nga dili nato angay nga tugutan ang kadautan. “Misulod si Jesus sa templo sa Dios, … ug iyang gipanglintuwad ang mga lamesa sa mga tigpangilis sa mga kwarta.”

Gihinloan ni Jesus ang Templo, ni Carl Heinrich Bloch, gigamit nga may pagtugot sa National Historic Museum sa Frederiksborg sa Hillerød, Denmark