Ganahan ko kaayo niini nga magasin ug sa tanang mga sulod niini. Ganahan ko kaayo sa mga artikulo sa mga General Authority, ilabi na sa mga pakigpulong sa komperensya. Sila nagtudlo kanato ug nagdasig kanato sa pagpadayon, bisan pa man sa atong mga pagsulay.

Namiyembro ako sa Simbahan sulod sa 26 ka tuig, ug akong nabasa ang matag isyu sa Liahona. Kanunay akong magbasa sa nangagi nga mga isyu, ug usa ka artikulo nga akong gihambin pag-ayo mao ang “Ang Malumo nga mga Kalooy sa Ginoo,” ni Elder David A. Bednar (Mayo 2005, 99). Nakatabang kini nako nga mahinumdom kon unsa ka sagad ang Langitnong Amahan mopataliwala uban sa Iyang malumo nga mga kalooy ug mopagaan sa atong mga palas-anon.

Mapasalamaton ako sa matag bulan nga makabaton sa mga pulong sa buhi nga mga propeta. Ako nasayud nga ang ilang mga pagtulun-an moabut gikan sa Ginoo ug mopanalangin sa akong kinabuhi kon kini akong gamiton. Ang pagbasa sa mga kasinatian sa mga Santos sa tibuok kalibutan makapalig-on sa akong pagtuo ug pagpamatuod tungod kay nakat-on ako kon unsa ang gibuhat sa uban aron pagbuntog sa ilang mga palas-anon.