Atong Pahina
Marcia V., 5 anyos, gikan sa Peru, mao ang garbo ug ang hingpit nga kalipay sa iyang mga ginikanan, sila si Patricia ug Raul. Anaa siya sa klase sa CTR sa Primary, ug aduna siyay CTR nga singsing. Ganahan siya nga magkolor sa mga litrato diha sa Liahona, ug ang iyang paborito nga himno mao ang “Ako Anak sa Dios.”
Ganahan siyang motabang pinaagi sa pagatiman sa mas gagmay nga mga bata, ug siya motabang sa iyang magtutudlo pinaagi sa pagpapas sa mga sinulat sa pisara. Siya motugtog og violin. Si Marcia ganahan og family home evening ug malingaw nga mosimba. Siya naghigugma sa Langitnong Amahan ug nasayud nga Siya naghigugma usab kaniya.
Guillermo T., 8 anyos, Venezuela
Sarah D., 6 anyos, Brazil
Jair O., 10 anyos, Peru
Usa ka Mahangturon nga Pamilya
Niadtong Agosto 23, 2008, ang akong pamilya na-sealed sa Templo sa Salt Lake sa Utah. Kini usa ka damgo nga natinuod alang kanamo. Kami mibiyahe tabok sa kalibutan—kadto taas, kapoy nga pagbiyahe, apan kadto angayan lamang. Sa among pag-abut sa Utah, gabii kadto, ug ang unang butang nga among gihimo mao ang pagsud-ong sa templo. Nindot kaayo kini sa gabii uban ang tanang suga nga nakapahayag niini. Duha ka adlaw ang milabay kami gi-sealed. Ang mga sister nga nag-atiman sa mga bata sa templo mitabang sa akong igsoon nga babaye ug kanako sa pagsul-ob og puti nga sinina. Dayon kami miadto sa among mga ginikanan. Mibati ko nga ingon og akong sugaton si Jesus. Kami malipayon kaayo nga na-sealed! Karon ako nasayud nga ako makapuyo uban sa akong pamilya hangtud sa kahangturan.
Dean F., 5 anyos, Sri Lanka
Paghulagway sa karwahe sa maayong kabubut-on sa 2010 exhibit/pasundayag sa art sa mga bata