2011
Pagdapit ni Jacob
Septyembre 2011


Pagdapit ni Jacob

“Busa, kon kamo adunay tinguha sa pag-alagad sa Dios kamo gitawag ngadto sa buhat” (D&P 4:3).

  1. Pa, mahimo ba nga akong dapiton si Jacob ngadto sa simbahan karon?

    Maayo kana nga ideya, Eric. Tawgon nako ang iyang panimalay alang kanimo.

  2. Ang akong mama miingon nga ako makauban kanimo ngadto sa simbahan!

    Maayo kaayo!

  3. Si Eric ug si Jacob nalingaw didto sa simbahan. Nakat-unan nila ang mahitungod sa pag-ampo ug nanganta atol sa panahon sa pagpakigbahin. Nalipay si Eric nga iyang gidapit si Jacob.

  4. Sa pagkasunod semana, gitawag ni Eric si Jacob pag-usab.

    Gusto mong mouban kanako sa simbahan karon?

    Dili, ayaw karon. Magdula ko sa balay sa akong lola.

    Ah, OK.

  5. Ato bang hapiton si Jacob karon?

    Dili, miingon siya nga dili siya gustong mouban karon.

    Unsa may gibati nimo?

    Magul-anon og gamay.

  6. Gikasubo kong naguol ka. Hinumdumi nga ang Langitnong Amahan nagtugot kanatong tanan sa pagpili alang sa atong mga kaugalingon. Tingali makadapit ka ni Jacob sa uban nga panahon.

    Pa, makadapit ba ako kaniya sa sunod semana?

    Makahimo kaayo ka. Maayo ka nga higala.

  7. Sa pagkasunod semana, gitawag ni Eric si Jacob pag-usab.

    Gusto mong mouban kanako sa simbahan karon?

    Sigurado.

  8. Nalipay si Eric nga si Jacob mikuyog kaniya sa simbahan pag-usab. Si Eric nasayud nga si Jacob makapili alang sa iyang kaugalingon kon siya gusto ba moadto sa simbahan o dili, apan siya mihukom sa pagdapit kanunay ni Jacob aron sa paghatag kaniya og kahigayunan.

Mga paghulagway pinaagi ni Scott Peck