2011
Tibuok Simbahan
Septyembre 2011


mga minugbo sa kalibutan

Mga Miyembro Nagsaulog sa 50 ka Tuig na nga Simbahan sa Pilipinas

Sa pagsaulog sa ika-50 ka tuig sa subli nga pagpahinungod sa Pilipinas alang sa pagsangyaw sa ebanghelyo, liboan ka mga Santos ang nagpundok sa Siyudad sa Quezon aron moapil sa Jubilee cultural show niadtong Abril 30 ug usa ka komperensya sa area niadtong Mayo 1.

Disenuybe ka mga stake ang nagpundok pagka-Sabado aron sa pagsaulog sa mabulukon nga panulundon sa kultura ug sa paglambo sa Simbahan sa Pilipinas pinaagi sa awit ug sayaw. Pagka-Dominggo, Mayo 8, ang mga miyembro nagpundok alang sa tibuok nasud nga komperensya uban sa lokal nga mga lider ug mga General Authority pinaagi sa satellite.

Ang USNS Comfort Nagtanyag og Tabang sa 12 ka mga Lokasyon

Pagka-Abril, ang USNS Comfort, usa ka barko alang sa hingpit nga pagserbisyong medikal, milawig alang sa 12 ka mga lokasyon sa Caribbean, Central America, ug South America aron sa paghatag og medikal nga pag-amuma ug sa pagbansay og medikal nga mga propesyonal.

Mga boluntaryo gikan sa Simbahan, ang Navy sa Estados Unidos, ug uban pang mga organisasyon alang sa paghupay mohatag og humanitarian nga mga serbisyo ug motudlo og mga kahanas nga motabang sa mga tawo nga tabangan ang ilang kaugalingon human makabiya ang barko.

Ang Templo sa Atlanta Giablihan human sa Pagsaulog, Subli nga Pagpahinungod

Human sa usa ka Sabado nga pasundayag sa kultura ug duha ka mga sesyon sa Dominggo alang sa subli nga pagpahinungod pinaagi ni Presidente Thomas S. Monson, ang Templo sa Atlanta Georgia giablihan pagka-Mayo 3, 2011, aron sugdan ang pormal nga buhat sa templo. Agig dugang kang Presidente Monson, si Elder M. Russell Ballard sa Korum sa Napulog Duha ka mga Apostoles ug sila si Elder Walter F. González ug William R. Walker, sa Seventy, mitambong sa subli nga pagpahinungod.

Ang templo, orihinal nga gipahinungod niadtong 1983, gisirad-an pagka-Hunyo 1, 2009, alang sa dako nga renovation.

Ang Templo sa Atlanta Georgia