Sierra Leone

Niadtong 1981 usa ka lumad sa Sierra Leone, si Michael Samura, nakadungog sa ebanghelyo didto sa Holland ug nabunyagan didto. Sa dihang mibalik siya sa Freetown, ang kapital sa Sierra Leone, mihangyo siya og mga misyonaryo, apan tungod kay ang Simbahan dili pa andam nga mopadala og mga misyonaryo didto, gipadad-an lamang siya og mga sinulat gikan sa Simbahan. Si Brother Samura misugod og tudlo sa uban ug nagpahigayon og dili opisyal nga mga miting. Ang mga miyembro nga nabunyagan sa laing mga nasud ug mipauli sa Sierra Leone naghimo sa samang butang.

Ang tuig 1988 mao ang mahinungdanon kaayo alang sa nasud. Pagka-Enero ang unang opisyal nga miting gidumala sa usa ka miyembro nga nabunyagan didto sa Germany. Pagka-Mayo ang duha ka mga couple missionary miabut, ug pagka-Hunyo ang unang 14 ka mga bunyag sa nasud gipahigayon. Pagka-Agosto ang unang branch—ang Goderich Branch—na-establisar. Adunay groundbreaking pagka-2004 alang sa unang meetinghouse sa mga Santos sa Ulahing mga Adlaw didto sa Sierra Leone.