2011
Usa ka Pulong ug Leksyon sa Tibuok nga Kinabuhi
Septyembre 2011


Espesyal nga Seksyon kabahin sa Personal nga Kauswagan

Usa ka Pulong ug Leksyon sa Tibuok nga Kinabuhi

Ang kaligdong mao ang paagi nga kamo naglihok sa panahon nga kamo naghunahuna nga walay nagtan-aw.

Usa ka mainit kaayo nga 115 ka degree F (46˚C) sa gawas, sagad sa usa ka ting-init nga adlaw didto sa umahan sa Brawley, California, USA. Gipatiran nako ang ligid sa usa ka dako kaayo nga trak sa tubig nga naabiriya sa ikatulo nga higayon sulod sa upat ka adlaw. Misalig ako sa akong trabaho sa ting-init sa pagbayad alang sa kalingawan, mga sinina pang-eskwela, ug sa kadugayan sa kolehiyo. Bisan sa kainit, maglagot ako nga sayong mahuman ang trabaho, apan ingon og mao lang gihapon ang akong mahimo.

Si David, usa ka miyembro sa among ward ug higala sa pamilya, milatas gikan sa galingan sa pagtan-aw sa trak. Nagpahungaw sa akong mga kalagot ngadto kaniya, natintal ako sa pagsulti og usa ka pulong nga akong nadunggan nga gigamit sa uban kon sila gisamokan. Sa higayon nga wala pa gayud nako masulti kini, ang hunahuna misulod sa akong ulo nga kinahanglan ako dili [mosulti] tungod kay kini usa ka ngil-ad nga pulong. Apan sa kalit, gisalikway ko kini, naghunahuna nga walay usa nga makahibalo niini. Akong gisulti ang pulong, apan wala kini mohimo kanako nga mobati og bisan unsa ka mas maayo.

Naghangad, misulti si David kanako nga ayuhon niya ug ni Papa ang trak kon sila makahimo. Niining higayona, nakakita ako og laing trabaho nga buhaton sa nahibilin nga adlaw.

Milukso ngadto sa trak ni Papa sa pagtapus sa adlaw, misugod kami sa pagmaneho pauli. Dili pa kaayo dugay human makadagan, mitan-aw si Papa kanako ug mihisgot nga si David misulti kaniya mahitungod sa akong reaksyon ngadto sa pagkaabiriya sa trak, pamalikas ug uban pa. “Miingon si David nga wala niya damha nga madungog ang usa ka butang sama niana nga migula sa ba-ba sa akong anak nga babaye,” miingon si Papa. “Nagrespeto siya kanimo og maayo, mahal.”

Giduko ko ang akong ulo, ug ang mga luha dali nga mitulo. Gipakaminos ko ang akong kaugalingon diha sa mga mata sa mga tawo kansang mga opinyon akong gihatagan og bili. Apan labaw sa tanan, mibati ako og kalagot sa akong kaugalingon ug nasayud nga ang Dios mao usab. Naamguhan ko kon ngano nga ang pagsulti sa pulong wala mohimo kanako nga mobati og bisan unsa ka mas maayo.

Mihimo ako og saad nga dili na gayud mosulti niadto nga pulong pag-usab o bisan unsa pa nga dili makapahimuot sa Dios, dili tungod kay ako dili gustong mohimo sa akong amahan ug ni David nga ikaulaw ako apan tungod kay kini dili matarung nga butang nga himoon. Ang kaligdong, akong nakat-unan, mao ang paagi nga kamo naglihok sa panahon nga kamo naghunahuna nga walay nagtan-aw.

Paghulagway pinaagi ni Steve Kropp