Ang Kompetisyon sa Art Nagdapit sa mga Batan-on nga Mopakita

Ang Church History Museum nag-imbitar sa mga batan-on nga nag-edad og 13 hangtud 18 nga moapil sa unang Internasyonal nga Kompetisyon sa Art alang sa Kabatan-onan.

Ang mga artist kinahanglang magmugna nga mopahayag sa kahulugan sa “tindog ug pakita” (tan-awa sa D&P 115:4–6).

Ang artwork kinahanglang namugna human sa Enero 1, 2009. Ang mga sumasalmot kinahanglang 13 anyos inigka Enero 1, 2012, ug makasumiter og usa ka buhat sa art sa internet gikan Enero 2, 2012, hangtud sa deadline—Biyernes, Hunyo 1, 2012. Ang pinaka dako nga sukod kay 84 ka pulgada (213 cm) sa pinakataas nga dimensyon. Ang tanang artistic media ug mga estilo dawaton sa kompetisyon.

Ang impormasyon sa pagsumiter anaa sa lds.org/youthartcomp.

Ang mga nakadaug pagahangyoon nga ipadala ang orihinal nga art ngadto sa museyo aron ipakita atol sa pasundayag gikan sa Nobyembre16, 2012, hangtud Hunyo 17, 2013.