Ngaahi Akonaki Maʻa Hotau Kuongá
ʻE nofotaha e ngaahi lēsoni ʻa e Lakanga Taulaʻeki Faka-Melekisētekí mo e Fineʻofá ʻi he Sāpate hono faá ʻi he “Ngaahi Akonaki Maʻa Hotau Kuongá.” ʻE lava ke teuteu e lēsoni takitaha mei he lea ʻe taha pe lahi ange ne ʻoatu ʻi he konifelenisi lahi fakamuimuitahá (vakai ki he saati ʻi laló). ʻE ala fili ʻe he kau palesiteni fakasiteiki mo e fakavahefonuá ʻa e ngaahi lea ʻoku totonu ke fakaʻaongaʻí, pe te nau tuku ʻa e fatongiá ni ki he kau pīsopé mo e palesiteni fakakoló. ʻOku fakamamafaʻi ʻe he kau takí ʻa e mahuʻinga ke ako ʻe he kau tangata ʻi he Lakanga Taulaʻeiki Faka-Melekisētekí mo e kau fafine ʻi he Fineʻofá, ʻa e lea tatau ʻi he Sāpate tatau.
Ko kinautolu ʻoku nau omi ki he lēsoni Sāpate faá, ʻoku poupouʻi atu ke nau ako pea omi ki he kalasí mo e makasini ʻo e konifelenisi lahi fakamuimuitahá.
Ngaahi Fokotuʻu ki Hono Teuteu ʻo ha Lēsoni mei he Ngaahi Leá
Lotua ke nofoʻia koe ʻe he Laumālie Māʻoniʻoní ʻi hoʻo ako mo akoʻi ʻa e (ngaahi) leá. ʻE ʻi ai ha ngaahi taimi ʻe ʻahiʻahiʻi ai koe ʻi hoʻo teuteú ke ke fakaʻaongaʻi ha ngaahi nāunau kehe, ka ko e ngaahi lea konifelenisí ʻa e nāunau fakalēsoni ʻoku fakangofua atú. Ko ho fatongiá ke tokoni ki he niʻihi kehé ke nau ako mo moʻui ʻaki ʻa e ongoongoleleí ʻo hangē ko ia naʻe akoʻi mai ʻi he konifelenisi lahi fakamuimuitaha ʻa e Siasí.
Mou toe fakamanatu e (ngaahi) leá ʻo kumi ke ʻiloʻi e ngaahi tefitoʻi moʻoni mo e ngaahi tokāteline te ne feau e ngaahi fiemaʻu ʻa e kalasí. Kumi foki ke ʻiloʻi e fanga kiʻi talanoa, fakamoʻoni fakafolofola mo e ngaahi fakamatala mei he (ngaahi) leá, ʻe tokoni atu ki hoʻo akoʻi e ngaahi moʻoni ko ʻení.
Fokotuʻutuʻu e founga ʻokú ke loto ke akoʻi ʻaki e ngaahi tefitoʻi moʻoní mo e ngaahi tokāteliné. ʻOku totonu ke kau ʻi hoʻo fokotuʻutuʻú ha ngaahi fehuʻi ʻe tokoni ki he kau mēmipa ʻo e kalasí ke nau:
-
Fekumi ki he ngaahi tefitoʻi moʻoni mo e (ngaahi) tokāteline ʻi he ngaahi leá.
-
Fakakaukau ki honau ʻuhingá.
-
Vahevahe ʻenau mahinó, ngaahi fakakaukaú, ngaahi aʻusiá mo e ngaahi fakamoʻoní.
-
Fakaʻaongaʻi e ngaahi tefitoʻi moʻoni mo e ngaahi tokāteline ko ʻení ʻi heʻenau moʻuí.
|
Ngaahi Māhina ʻOku Akoʻi ai ʻa e Ngaahi Lēsoní |
Nāunau ki he Lēsoni Sāpate Faá |
|---|---|
|
ʻEpeleli 2012–ʻOkatopa 2012 |
Ngaahi lea ʻoku ʻoatu ʻi he konifelenisi lahi ʻo ʻEpeleli 2012* |
|
ʻOkatopa 2012–ʻEpeleli 2013 |
Ngaahi lea ʻoku ʻoatu ʻi he konifelenisi lahi ʻo ʻOkatopa 2012 * |