„Hvernig útskýri ég fyrir vinum mínum að slæmt sé að brjóta skírlífislögmálið?“

Himneskur faðir ætlar okkur öllum guðlegan tilgang og hann getum við uppfyllt í musterinu. Við ættum að vera verðug þess að fara í musterið, svo fjölskyldur okkar geti verið ævarandi innsiglaðar. Við munum dvelja með okkar himneska föður og það sem mikilvægast er, við munum njóta óendanlegrar gleði, sem ekki er mögulegt hinum óverðugu.

Við erum hvött til að vera kynferðislega hrein, svo við séum verðug þess að fara í musterið og halda helga sáttmála. Ef við lifum eftir skírlífislögmálinu, getum við unnið að öflugu hjónabandi og fjölskyldu. Satan er ætíð fyrir hendi til að freista okkar, en með bæn, ritningarlestri og góðum vinum, fáum við sigrast á því.

Það hefur margar slæmar afleiðingar að brjóta skírlífislögmálið, og við lærum ekki um þær allar í heilsufræði. Það getur hrakið andann í burtu, ef skírlífislögmálið er brotið, sært okkar nánustu og skapað vanlíðan hjá okkur sjálfum. Ég legg til að þið horfið á stuttmynd með boðskap mormóna sem heitir „Chastity: What Are the Limits?“ [á youth.lds.org á ensku, portúgölsku og spænsku].

Ef við lifum eftir skírlífislögmálinu, verðum við hrein í augum Guðs, búum að sjálfsvirðingu og stuðlum að því að aðrir virði okkur líka. Ef við hlítum skírlífislögmálið, sýnum við að við erum börn Guðs og að við lifum eftir æðri stöðlum. Við þurfum þá ekki að upplifa eftirsjá. Þegar við hlýðum himneskum föður, einkum hvað þetta lögmál varðar, verðum við hamingjusamari hér á jörðu og í komandi heimi.

Ef farið er léttilega með gjöf sköpunar, er litið á þessa dýrmætu gjöf Guðs sem hversdagslega. Ef sá sem við gefum gjöf finnst hún ekki sérstök, finnum við ekki til mikillar gleði. Við verðum alltaf að líta á sköpunarkraftinn sem helgan, því við erum öll musteri Guðs og ættum að vera hrein sem musteri hans.

Þegar við erum hrein af synd, verðum við mun hamingjusamari og blessaðri. Líkamar okkar eru sem musteri og himneskur faðir „dvelst ekki í vanhelgum musterum“ (Alma 7:21). Andinn fær því dvalið í okkur þegar við erum hrein af synd.

Svarið spurningu vinar ykkar með því að leggja fyrir hann nokkrar spurningar: „Hvað ef framtíðarmaki þinn væri að horfa á þig nú?“ Allir sem ég hef heyrt um sem brotið hafa skírlífislögmálið, hafa séð eftir því. „Hvað ef framtíðarbarn þitt spyrði hvort þú hefur brotið skírlífislögmálið?“ Vinur ykkar þarf að þekkja mikilvægi skírlífislögmálsins nú þegar, áður en sonur hans eða dóttir spyr slíkrar spurningar. Við þurfum að halda okkur hreinum, til að stuðla að hamingju okkar og heilbrigðu lífi, án sektar um að hafa brotið heilagt lögmál.

Drottinn hefur velþóknun á dyggð og skírlífi og allt ætti að gerast á réttum tíma. Skírlífislögmálið er boðorð frá Drottni. Bæn og samfélag andans eru fullkomin samsetning til að fá vitað að hreinlífi er blessun.

Ég myndi útskýra fyrir vini mínum að slæm hugmynd væri að brjóta skírlífislögmálið, því sköpunarkrafturinn er aðeins ætlaður löglega giftum hjónum. Þegar við brjótum skírlífislögmáið, glötum við heilögum anda í lífi okkar.