2013
Kamila nga Nju-Jork-Siti
Tetor 2013


Kamila nga Nju-Jork-Siti

Kamila nëntëvjeçare ka plot shokë e shoqe. “Gjëja që më pëlqen vërtet për shoqet e mia, është se ato janë të gjitha të ndryshme”, thotë ajo. “Ato vijnë nga vende të ndryshme dhe kanë mënyra të ndryshme për t’i bërë gjërat.” Kamilës i pëlqen shumë të mësojë gjëra të mira nga shoqet e saj dhe i pëlqen të ndajë gjëra me to. Gjëja më e mirë që ka ndarë ajo ndonjëherë me një shoqe, është ungjilli. Pasi ndau nenin e parë të besimit me shoqen e saj, Jalinën, Kamila e ftoi familjen e shoqes së saj që të takohej me misionarët. Kamila gjithashtu i mësoi Jalinës se si të lutej. Tani Jalina dhe nëna e saj janë anëtare të Kishës.

Këngët e mia të parapëlqyera janë “Fëmi i Per’ndis’ Jam” dhe “Familjet Mund të Jen’ Bashk’ Përgjithmon’”. Shkrimi i shenjtë i parapëlqyer është Doktrina e Besëlidhje 19:23: “Mëso nga unë dhe dëgjoji fjalët e mia; ec në butësinë e Shpirtit tim dhe ti do të kesh paqe në mua”. Ky shkrim i shenjtë gjithmonë më mbush me gëzim kur jam e trishtuar.

Shoqja ime, Jalina, u pagëzua në vitin 2011. Më pëlqen shumë që ne mund të shkojmë në kishë së bashku. Unë po e ndihmoj atë që të mësojë përmendsh Nenet e Besimit. Ne po punojmë me nenin e nëntë të besimit.

Mami dhe babi im janë nga Republika Dominikane. Kjo ndoshta është arsyeja pse gjella ime e parapëlqyer është oriz e fasule me pulë. Ajo më kujton vendin prej nga vjen familja ime.

Në familjen time janë pesë vetë. Motra ime, Emilia, u pagëzua dhe u konfirmua në dhjetor. Vëllai im, Viktori, ka të njëjtin emër me babin. Nuk kam ende ndonjë kafshë shtëpiake, por po mendoj që të marr një breshkë. Më pëlqejnë breshkat sepse janë tërheqëse dhe të ngadalta, kështu që nuk largohen.

Më pëlqen shumë ndodhia e Kapiten Moronit në Librin e Mormonit. Babi im e lexoi në mbrëmje familjare dhe më frymëzoi që të bëj vetë flamurin tim. Flamuri im më kujton se cila jam dhe se Ati Qiellor është gjithmonë me mua.

Fotografitë me mirësinë e familjes, përveç sipas shënimeve; fotografia e Statujës së Lirisë © Getty Images; Come Forth [Ejani], nga Walter Rane, me mirësinë e Muzeut të Historisë së Kishës