Noda Tabana
Rau sa vakatavulica vei au na noqu itubutubu na kosipeli ka rau ivakaraitaki vinaka niu se gonelailai sara mai. Au vulica meu dau wilika na iyaloyalo vakaivolanikalou kivei ira na gonelalai, ia oqo au sa taleitaka dina na iVola i Momani. Au dau wilika ena veisiga, vakai au ga kei na noqu matavuvale. O Amoni e dua au dau vakasakita ena iVola i Momani. O koya e dua na daukaulotu kaukauwa, kau vinakata meu na vakataki koya niu sa qase mai.
Esteban M., yabaki 8, Colombia
Ena gauna keitou laki gade vakamatuvale kina ki Panama, o ya na vanua nei tinaqu, rau a kauti ganequ o Yhoalibeth kei au na noqu itubutubu, me keitou laki sikova na Valetabu e Panama City Panama. A kauti keirau o tinaqu me keirau laki tara na lalaga ni valetabu. E muri, niu sa tukuna vei tinaqu na levu ni noqu marau ni keitou a tiko kina e valetabu, a kaya sara niu sa vakila na Yalo Tabu.
Sergio B. Jr., yabaki 7, Florida, Amerika
Pasha Z., yabaki 9, Ukraine
Ena gauna a se yabaki tolu tiko kina o Letícia C., yabaki 6, a vakacavari kina na Valetabu e Curitiba Brazil. E taleitaka me dau gole ki valetabu, ka a lako kina ena siga taucoko ni macawa sa oti ena kena dolavi raraba. Se taleitaka tikoga na gole ki valetabu ka dau taubaletaka na veiloga ni senikau. E taleitaka o Letícia na droini kei na qaqalo.
Lalai: Muri Jisu
E dau taleitaka na soqoni ni sakaramede o Maurizio D., yabaki 11, mai Italy baleta ni vulica kina na veika baleti Tamada Vakalomalagi kei Jisu Karisito. E vinakata na lako ki lotu baleta ni lasa ka taleitaki ka totoka dina. E marau ni tiko ena Lotu ka levu na nona itokani.
Sa dua na ka na neitou marau, ena gauna keitou sa vakavakarau tiko ki na vakasobuduru ni Valetabu e Tijuana Mexico. Keitou a lako vakamatavuvale me keitou laki veiqaravi kina. Keitou a samaka na rara ni valetabu. Au kila ni na sikova mai na Turaga na Nona vale ni sa tara oti.
Jesus S., yabaki 6, Mexico
E vukea meu digitaka na dodonu niu vulica na ivolanikalou.
“Na Peleti Koula,” maivei P. Tuyêt Hoa, yabaki 10, Cambodia
Au sa digitaka na dodonu ena gauna au muria kina na Tamada Vakalomalagi kei Jisu Karisito.
N. Thi LinĐa, yabaki 8, Cambodia
Na tikina talei vei au ena iVola i Momani o ya na italanoa kei Nifai kei na soko takoso e wasawasa.
Kelly C., yabaki 10, Philippines
E dodonu meda laki vauci e valetabu me rawa ni da bula tawamudu vata vakamatavuvale.
Shanna C., yabaki 8, Philippines
Au taleitaka na laki lotu vata kei noqu matavuvale ka vulica na veika baleti Jisu Karisito. E vale au dau vinakata meu wilivola ka vulica na italanoa vakaivolanikalou, lagasere ni lotu, ka qitora na qito eso ena lotu vakamatavuvale. Sa vakalougatataka na noqu matavuvale na kosipeli ka marau na yaloqu. Au sa solia oti e dua na iVola i Momani ki na tolu na qasenivuli vakakina vei noqu itokani vinaka duadua, o Miguel. Na noqu sere ni Lalai taleitaki na “We’ll Bring the World His Truth” (Children’s Songbook,172).
Martim P., yabaki 6, Portugal
Henrique S., yabaki 7, Brazil