iVaqa ni Veisiko
Na iLesilesi Vakalou nei Jisu Karisito: Dauveibuli
Wilika ka masulaka na itukutuku oqo, ka qai saga mo kila na cava mo wasea kei ira na marama o sikovi ira. Ena vakatubura vakacava na nomu vakabauti Koya ka vakalougatataki ira vakacava o dau vakaraici ira tiko. Me ikuri ni itukutuku, gole ki na reliefsociety.lds.org.
Vakabauta, Matavuvale, Veivukei
E “bulia na lomalagi kei vuravura” o Jisu Karisito (3 Nifai 9:15). A kitaka na cakacaka oqo ena kaukauwa vakabete, me vaka nona lewa na Tamada Vakalomalagi (raica na Mosese 1:33).
“Meda vakavinavinaka ga ni Dauveibuli vuku sa biuti keda mai e vuravura, e kaya o Peresitedi Thomas S. Monson, “… me rawa kina ni da na mai vakatovolei, meda na vakadeitaki keda kina, me rawa ni da na rawata na veika sa vakarautaka tu na Kalou meda na vakaivotavota kina.”1 Ni da vakayagataka na noda galala meda talairawarawa kina vua na Kalou ka veivutuni, eda sa na qai vakadonui meda na lesu ka laki bula vata kei Koya.
E kaya vakaoqo o Peresitedi Dieter F. Uchtdorf, na iKarua ni Daunivakasala ena Mataveiliutaki Taumada, me baleta na Veibuli:
“E a bulia o Koya na vuravura me baleti keda! …
“Qo e sega ni matata vua na tamata: ni vakatauvatani kei na Kalou; na tamata e kawale sara; ia o keda eda sa veika kecega vua na Kalou.”2 Ni da kila ni o Jisu Karisito e a bulia na vuravura me baleti keda, baleta ni da sa veika kecega vua na Tamada Vakalomalagi ena vukei keda meda tosoya cake na noda lomani Rau.
Mai na iVolanikalou
Joni 1:3; Iperiu 1:1–2; Mosaia 3:8; Mosese 1:30–33, 35–39; Eparaama 3:24–25
Mai na Keda iTukutuku Makawa
Eda sa buli meda veiucui kei na Kalou (raica na Mosese 2:26–27), ka sa tiko vei keda na veika e vakalou. Na Parofita o Josefa Simici e a vakadreti ira na marama ena iSoqosoqo ni Veivukei mera “bulataka na [nodra] galala.”3 Ena veivakatataki cake o ya, era sa qai bula na marama ena Lotu iJisu Karisito ni Yalododonu Edaidai ena veika era sa vakavulici kina ni ra sa vakalou ena nodra vakacokotaka na inaki ni Kalou ena nodra bula. “Ni ra sa qai kila se o cei sara mada o ira—ni ra luvena yalewa na Kalou, ka tiko vei ira na kaukauwa mera dauloloma ka dau veisusu—era sa na qai yaco mera marama lotu dina.”4
“Ko ni sa mai tu oqo ena vanua ko ni sa na rawa ni cakava ena galala na veika sa vakotora na Kalou e lomaseremuni,” e a kaya na Parofita o Josefa Simici. “Kevaka mo ni bulataka na ivakavuvuli oqo, sa na wacava na kena totoka kei na lagilagi!—kevaka ko ni na rawata tiko mo ni caka dodonu, era na sega ni tarovi na agilosi me ra mai nomuni itokani.”5
iYaloyalo kei Karisito mai vei David Nystul; mai dakuna o Hemera/Thinkstock