Tabana ni iTukutuku e Caka me baleti Ira na iLiuliu ni Lotu

Sa cakava na Lotu eso na tabana ni itukutuku me baleti iratou na Mataveiliutaki Taumada kei na Kuoramu ni iApositolo Le Tinikarua ena Facebook kei na Google Plus. Na veitabana oqo ena nodratou sala ni veitaratara na Veitacini iLiuliu ena tabana vakaitukutuku raraba, eratou na vakatulewataka na veitabana oqori ka na cakacakataka na Lotu ena vukudratou.

Na akaude vakadonui ni Facebook kei na Google Plus e rawa ni kune ni da vaqaqara ena facebook.com/lds kei na plus.google.com. Ke o via kila se sa vakadonui se sega e dua na mata se tabana ni vakauitukutuku raraba, vakaraica na itawake ni Lotu.

Vei ira era dau vakamuria na veitabana oqo ena dau vakadodonutaki tiko na nodra veiqaravi na Veitacini iLiuliu yadua. “Ena dau vakabira na Lotu na isema ki na vosa, itukutuku, vidio, kei na lewe ni itukutuku veiganiti tale eso ena vukudratou,” e kaya o Dale Jones, e dua na gusunivosa ni Lotu.

Na veitabana oqo ena rawa kina vei ira na tamata me ra kunea vakarawarawa na nodra vosa na parofita bula, na nodra “taleitaka” na veitabana oqori ena vakavuna me kunei na lewedra ena nodra lalaga ni Facebook ra taleitaka, me rawarawa na kena raici ka wasei vei ira tale eso.

Na kena caka na veitabana vakadonui ena vukei ira na lewenilotu me ra kila na tabana e cakacakataka na Lotu ka na taqomaki ira na tamata mai na veitabana lasutaki.