Tauyavutaki na iTeki e Roma kei Parisi

Erau tauyavutaka o Elder Dallin H. Oaks kei Elder M. Russell Ballard ena Kuoramu ni iApositolo Le Tinikarua na ikarua ni iteki mai Roma e Itali, kei na ikatolu ni iteki ena yasayasa vaka-Parisi e Varanise ena dua na veisiko ena Sepiteba 2013 oka talega kina na veisoqoni mai Leeds kei Manchester e Igiladi, kei Madrid mai Spain. Sa tara tiko e dua na valetabu mai Roma, ka na vakarau tara e dua mai Parisi.

“Sa bula vinaka tiko na Lotu ka veivakauqeti na kena toso tiko e Iurope,” e kaya o Elder Oaks. E tukuna vei ira na lewenilotu mai Iurope o Elder Ballard ni dodonu me “kila na Lotu ni sa vakusakusataka tiko na Turaga na Nona cakacaka ni veivakabulai ka me da vakaitavi kece kina.”