Ena Rawa Beka Niu Wasea e Dua Na iVola iMomani?

Ena imatai ni noqu yabaki ni vuli ena koronivuli torocake, e a sureti keimami na neimami qasenivuli ni semineri me keimami solia e yadua na iVola i Momani vei ira na neimami itokani sega ni lewenilotu. Dina ga niu dau yalo rerere toka, au sa ciqoma ga na veisureti.

Taura toka e vica na siga meu tara cake na noqu yalodei, ia au mani qai solia rawa e dua na ivola vei noqu itokani o Britny ena gauna ni vakasigalevu kau wasea vakalekaleka na noqu ivakadinadina. E vakavinavinakataki au o Britny baleta na ivola.

E mani toki o Bitny kina dua tale na koronivuli ena mua ni yabaki, ia keirau veitaratara tikoga. Tukuna mai vei au na ituvaki ni nona koronivuli vou, ni o ira kece na nona itokani era lewe ni Lotu, ka sega vakadua ni bau tukuna mai vei au e dua na ka vakayalo.

E veisau na ka oqori ni bera niu lako yani ki kaulotu. Au ciqoma e dua na itukutuku mai vei Britny ka tukuni kina ni sa na papitaiso tiko ka gadreva ga me vakavinavinakataki au baleta niu a nona itokani ka dau ivakaraitaki vinaka vua.

E a vakayagataka na Kalou e dua na cauravou rerere yabaki 15 ka sega tu ni kila e dua na ka baleta na kaulotu ka dusimaka vua me wasea na kosipeli vua e dua ka kila tu o Koya ni na ciqoma. Au kila ni vakarorogo kina Yalotabu, ena rawa vei keda meda sotavi ira na tamata era tu wavoliti keda, ka ra sa waraka tu mera rogoca na kosipeli vakalesuimai. Au kila ni da kauta mai e dua vua na Turaga, “sa na vuabale sara na [noda] marau kei [koya] ena [Nona] matanitu na Tamada!” ( V&V 18:15).