Naan in Katak an Kōra, Jānwōde 2014
Mijen eo Ekwojarjar an Jisōs Kraist: Riwaanjon̄ak
Jar im katak ennaan in im pukōt n̄an jeļā ta eo n̄an kwaļo̧k. Ewi wāween meļeļe mour im mijen eo an Rilo̧mo̧o̧r eo naaj kōļapļo̧k tōmak eo am̧ ilo E im kōjeram̧m̧an ro otemjej kwōj oņaaki jen loļo̧k ko an kōrā? N̄an meļeļe ko reļļapļo̧k, etal n̄an reliefsociety.lds.org.
Tōmak, Baam̧le, Deeor
Ilo ad meļeļe bwe Jisōs Kraist ej ad waanjon̄ak ilo aolep men, jemaron̄ kōļapļo̧k ad ikdelel n̄an lo̧o̧r E. Jeje ko Rekwojarjar rej obrak kōn naan in rōjan̄ n̄an kōj n̄an lo̧o̧r bun̄tōn ne ko neen Kraist. N̄an Rinipai ro, Kraist eaar ba, “Bwe jerbal ko kom̧ ar lo Aō kōm̧m̧an i kom̧ naaj barāinwōt kōm̧m̧an i” (lale 3 Nipai 27:21). “N̄a ial, im m̧ool, im mour. Ejjeļo̧k armej ej itok n̄an Jema, eļan̄n̄e jab kōn Eō” (Jon 14:6).
Rainin ritōl ro ad rej kakememej kōj n̄an likūt Rilo̧mo̧o̧r eo bwe en ad waanjon̄ak. Linda K. Burton, būreejtōn eo eutiej an Doulul eo an Kōrā ro, eaar ba, “N̄e kōj kajjojo ewōr ippān katak eo an Pinmuur eo emōj je ilo tum̧wilaļ in būruwōn, innām jenaaj jino erom kain armej ro eo Irooj ekōņaan bwe jān erom n̄e ej bar itok.”1
Būreejtōn Thomas S. Monson eaar ba, “Ad Irooj im Rilo̧mo̧o̧r, Jisōs Kraist, ej ad Riwaanjon̄ak im ad kajoor.”2
Jen kālet n̄an kepaakļo̧k Jisōs Kraist, n̄an pokake kien ko An, im kajieon̄ jepļaakļo̧k n̄an ippān Jemedwōj Ilan̄.
Jān Jeje ko Rekwojarjar
Jān Bwebwenato eo Ad
“E eaar kalikar iaļ eo im kar tōl iaļ in,” Eliza R. eaar je Snow, būreejtōn eo kein karuo eutiej an Doulul eo an Kōrā ro, mour in kwaļo̧k eo an Jisōs Kraist ilo kanniōk.3 E eaar kwaļo̧k n̄an ro kajjojo—juon ilo̧k juon. E eaar kwaļo̧k bwe jej aikuj likūt ratimjuonn̄oul im ratimjuon n̄an lo̧mo̧o̧ren eo ejako (lale Luk 15:3–7). E eaar kemour im katakin ro kajjojo, aaet joļo̧k iien ippān kajjojo armej ilo juon jarlepju in 2,500 armej ro (lale 3 Nipai 11:13–15; 17:25).
Kōrā ro Rekwojarjar ilo Raan-ko Āliktata, Būreejtōn Dieter F. Uchtdorf Rikakpilōklōk eo Kein Karuo ilo Būreejtōnji eo Kein Kajuon, eaar ba: “Kom̧ sister ro rej leļo̧k jerbal eo eaiboojoj n̄an ro jet kōn un ko me reļļap jen ami kōņaan kōn em̧m̧anļo̧k eo ami make. Ilo menin kom̧ij lo̧o̧r waanjon̄ak eo an Rilo̧mo̧o̧r eo. … ļōmņak ko An raar aolep iien oktakļo̧k n̄an jipan̄ ro jet.”4
© 2014 jen Intellectual Reserve, Inc. Aolep jim̧we rej pād ippān. Jeje ilo USA. Kōmālim ilo kajin English: 6/13. Kōmālim an ukook: 6/13. Ukook eo an Visiting Teaching Message, January 2014. Marshallese. 10861 874
Ta Eo Imaron̄ Kōm̧m̧ane?
-
Etke im ekōjkan an Jisōs Kraist aō riwaanjon̄ak?
-
Ekōjkan kwaļo̧k n̄an sister ro ij loļo̧k jipan̄ eō lo̧o̧r Rilo̧mo̧o̧r eo?