Duha ka Bahin sa Panalangin

Imahe

Composite of a photo of a Temple in the background and a photo of a young woman holding temple recommends.

Samtang inyong paklion ang mga pahina sa Liahona niining bulana, tan-awa ang daghang lain-laing mga kombinasyon sa kolor nga nakahatag kinabuhi ug kadasig sa matag litrato, painting, o desinyo. Daghan sa mga kolor nahimong posible tungod sa duha sa mga primary color—pula, yellow, o blue—nga gisagol-sagol aron makahimo og bag-ong kolor, nga dili unta mahimo kon ang mga primary color gilahi-lahi.

Ang family history ug buhat sa templo magkapareho sama niadto nga mga kolor: kamo makadawat og dugang nga mga panalangin pinaagi sa pagtipon sa duha ka importante nga mga buhat. Tungod kay ang family history ug buhat sa templo sa tinuod duha ka bahin sa usa ka buhat—ang buhat sa kaluwasan. Siyempre kamo makadawat gihapon og daghang mga panalangin pinaagi sa pagtabang sa uban sa ilang family history ug pinaagi sa pagtambong sa templo aron paghimo sa buhat alang sa mga tawo kansang ngalan gihatag didto. Apan kamo makadawat og mas dakong mga panalangin—malingaw sa daghang mga kolor—kon inyong tipunon ang duha ka bahin ug makakaplag sa inyong kaugalingong mga family name ug dayon mopahigayon sa buhat alang sa inyong mga katigulangan diha sa templo.

Sama sa gitudlo ni Elder Richard G. Scott sa Korum sa Napulog Duha ka mga Apostoles:

“Ang buhat sa templo ug sa family history maoy usa ka buhat nga may duha ka bahin. …

“Ang Langitnong Amahan gusto nga kitang tanan makadawat sa duha ka bahin sa panalangin niining mahinungdanong buhat. Iyang gigiyahan ang uban sa pagpakita kanato unsaon sa pagkahimong takus. Anaa ra kanato unsaon sa pag-angkon kadto nga mga panalangin.

“Bisan unsang buhat nga inyong himoon sa templo maoy oras nga maayong pagkagahin, apan ang pagdawat og mga ordinansa alang sa usa sa imong katigulangan naghimo sa imong panahon sa templo nga mas sagrado, ug mas dagkong panalangin ang madawat.”¹

Busa, unsa ang pipila sa “mas dagko pang panalangin” nga moabut kon kita makadawat og “duha ka bahin sa panalangin”? Sa tuo mao ang pipila ka mga saad gikan sa modernong mga Apostoles.

Usa ka Makapalig-on, Espirituhanon nga Impluwensya

Imahe

President Boyd K. Packer

“Ang buhat sa family history sa mga miyembro sa Simbahan adunay makapalig-on, espirituhanon nga impluwensya niadtong kinsa moapil niini. Sila nakasabut nga ilang gibugkos ang ilang pamilya … Kon kita mosiksik sa atong kaugalingong mga katigulangan kita mainteresado labaw pa kaysa mga ngalan. … Ang atong tinguha makapabalik sa atong mga kasingkasing ngadto sa atong mga amahan—kita magtinguha sa pagpangita kanila ug sa pag-ila kanila ug sa pagserbisyo kanila”²

Kabahin sa usa ka Mahinungdanong Buhat

Imahe

Elder Russell M. Nelson

“Espirituhanon nga mga koneksyon … namugna … Kon ang atong mga kasingkasing mobati ngadto sa atong mga katigulangan, usa ka butang ang mausab sa atong kahiladman. Atong bation nga kabahin sa usa ka butang nga labaw pa kay sa atong mga kaugalingon.”³

Usa ka Panalipod batok sa Tintasyon

Imahe

Elder David A. Bednar

“Matag usa kanato makabenepisyo gikan sa tanan niadto kinsa nag-una. Ang pagkat-on niadtong mga istorya makatabang nato nga makasabut kinsa kita ug diin kita gikan. … Nagsiksik ba kamo sa inyong kaugalingong pamilya ug nagtabang sa ubang mga tawo sa ilang pagsiksik? Kana alang sa usa ka batan-on diha sa pagkadautan sa kalibutan nga atong gipuy-an karon mao ang labing dakong panalipod batok sa mga pagtintal sa kaaway.”⁴