2014
Pagdawat og Pagpamatuod gikan sa Espiritu Santo
Enero 2014


Pagdawat og Pagpamatuod gikan sa Espiritu Santo

Tamara O., Brazil

Sa dihang namiyembro ko sa Simbahan sa edad nga nuybe, mituo na ko nga ang Simbahan tinuod, mao nga ako nagtuo nga wala na kinahanglana nga mangutana pa sa Dios kon kini tinuod ba. Paglabay sa daghang mga tuig nga usa ka miyembro, nagsugod ko sa pagduha-duha. Dayon atol sa usa ka sakrament miting, samtang ako naminaw sa himno nga “Ang Unang Pag-ampo ni Joseph Smith” (Mga Himno ug mga Awit sa mga Bata, nu. 19), nag-ampo ko ug mihangyo sa Langitnong Amahan kon ang Simbahan tinuod ba ug kon si Joseph Smith nakakita ba gayud Kaniya ug ni Jesukristo. Miabut ang hunahuna sa akong alimpatakan nga oo, ang Simbahan ni Jesukristo tinuod, ug oo, si Joseph nakakita sa Dios nga Amahan ug ni Jesukristo. Ang akong mga mata napuno sa luha, ug akong gibati ang Espiritu Santo nga miinit sa akong kasingkasing.

Karon makapamatuod ko nga ang Espiritu Santo mipamatuod kanako sa kamatuoran niini nga Simbahan. Nasayud ko nga si Joseph Smith nakakita sa Langitnong Amahan ug ni Jesukristo, ug dili ko makalimud niini. Kini nga pagpamatuod naghatag nako og kaisug sa pagpakigbahin sa akong pagpamatuod ngadto sa uban.