2014
Angangoch non Summer
February 2014


Serafo

Angangoch non Summer

Ei chon makk mi nom Virginia, USA.

Eu summer a no ua nom won eu fonu mi touaw me ua angang ngeni ekkewe semirit mi semwen are napangau. Ewe aewin fansoun ua churi ekkewe semirit, ua kan noninen. Use sinei fosun fonuer, nge ngang ua nuku pwe Ngun mi Fel epwe emweniei ne anisi non ai foffos ngeniir. Non ai kaeo usun porausan emon me emon neir, ua kuna pwe fosun ekkis esap eu pisekin epet an tong. Ua urumot, takir, me fori och sokkun mettoch mi atakirikir ren ekkei semirit me ua chok mefi eu tong mi unus fan iter. Ua kuna ewe sokkun tong Semach won Nang a mefi ngeni Noun kewe, me ewe mi aureno netipei use tongeni ai upwe awewe ngeni aramas.

Nupwen ua anisi ekkoch, ua mefi tong esap chok fan itan ekkewe ua angang ngeni nge mi pwan fan itan Semach won Nang. Ua ennetin sinei iei pwe “nupwen fansoun ami angang ngeni pwimi kewe, iwe, oupwe sinei pwe oua angangngeni Kot” (Mosaia 2:17). Ewe popunen ai anisi ekkoch, ese nifinifin ika mi watte are kukukun ai kewe angangen kirokiroch, mi chok pwe upwe mwareiti Kot (nengeni Matthew 5:16). Ua apinukunuk pwe non ai anisi ekkoch, aramas repwe kuna ai tong fan itan Semach won Nang me ewe Saramen Kraist mi keni me non netipei.