Ennaan eo an Būreejtōnji eo Kein Kajuon, Pāpode 2014
Jerbal n̄an Irooj kōn Iakwe
Irooj Jisōs Kraist ar katakin, ‟Bwe jabdewōt eo ekōņaan dāpij mour, enaaj jako: ak jabdewōt eo mour eo an enaaj jako kōn N̄a, e in enaaj lo̧mo̧o̧ren” (Luk 9:24).
‟Ij tōmak,”Būreejtōn Thomas S. Monson ar ba, ‟Rilo̧mo̧or ej jiron̄ kōj bwe m̧ae iien jej meļo̧klo̧k kōjmake im jerbal n̄an ro jet, ewōr wōt jidik kōttōpar ilo mour ko ad make. Ro me rej mour wōt n̄an ermake rej idakunkunļo̧k im mour ko aer rej jako, ilo an ro me rej meļo̧kļo̧k ermake n̄an jerbal n̄an ro jet rej eddōkļo̧k im jebar—im ilo jelōt lo̧mo̧o̧ren mour ko aer.”1
Ilo ennaan in jen kwaļo̧k eo an Būreejtōn Monson, ej kakeememej Armej ro Rekwojarjar ilo Raan-ko Āliktata bwe er rej pein Irooj im bwe kōjeram̧m̧an ko an indeeo rej kōttar ro me rej tōmak in jerbal n̄an ro jet.
Jerbal in Jipan̄ ilo Tampeļ
‟Jerbal em̧m̧an ej itok eļan̄n̄e jej kōm̧m̧ani kain̄i ko n̄an ro emōj aer mej. Ilo elōn̄ wāween ko jej jab jelā n̄an wōn jej kōm̧m̧ane jerbal eo n̄ani. Jejjab bōk kam̧m̧oolol, ak ejjeļo̧k ad kam̧ool eļan̄n̄e renaaj bōk ta eo jej maron̄ leļo̧k. Ijowōtke, jej jerbal, im ilo jerbal in jej kōtōprake men eo me ejjab itok jen bar jet kijejeto. Jej lukkuun erom rilo̧mo̧o̧r ro ioon Toļ Zaion. Ke ad Rilo̧mo̧o̧r ekar leļo̧k An mour āinwōt juon kein katok kōn kōj, innām jej, ilo jet jon̄an edik, kōm̧m̧an ejja āinwōt eļan̄n̄e jej kōm̧m̧an jerbal ilo tampeļ n̄an ro me ejjeļo̧k aer maron̄ n̄an wōnm̧aanļo̧k m̧ae iien ej dedeļo̧k n̄an er jān kōj ijin ioon laļin.”2
Kōj Jej Pein Irooj
‟Ro jeiū im jatū, elōn̄ wōt ro raikuji kōj n̄an ad keememej er, rejan̄ ko ad, jipan̄ eo ad, kaenōm̧m̧an eo ad, ad jouj— eļan̄n̄e nukud er, ro jerad, ro repaake kōj, ak rumaejet. Kōj jej pein Irooj ijin ioon laļ in, kōn kean̄ n̄an jerbal im n̄an lijur ro Nejin. E ej pedped wōt iood wōj kajjojo. …
‟Jerbal eo kar kūr n̄an kōj wōj aolep ej jerbal in jipan̄ eo an Irooj Jisōs Kraist.”3
Jerbal ilo Nememe an Rilo̧mo̧o̧r
Ilo Laļ eo Ekāāl, Irooj eo ear jerkakpeje “kom̧ jeļā men ko kom̧ij aikuj kōm̧m̧an ilo kabun̄ eo Aō; bwe jerbal ko kom̧ ar lo Aō kōm̧m̧an i kom̧ naaj barāinwōt kōm̧m̧an i.’ [3 Nipai 27:21].
Jej kōjeram̧m̧an ro jet ilo ad jerbal ilo aelorlor eo an “Jisōs ri Nazeret … Eo ej etetal im kōm̧m̧an em̧m̧an.’ [Jerbal 10:38]. Anij ej kōjeram̧m̧an kōj n̄an pukōt lan̄lōn̄ ilo jerbal n̄an Jemedwōj Ilan̄ ilo ad jerbal n̄an ajri ro Nejin ioon laļ in.”4
Aikuj eo n̄an Jerbal
‟Jej aikuji bar juon iien n̄an jerbal. N̄an membōr ro rejāniknik ak rejjab bar bōk kuņaer, jemaron̄ jar n̄an pukōt jet wāween ko n̄an tōpar er. Kajjitōk ippāer n̄an jerbal ilo jet jikin jerbal ko kōn jet eddo emaron̄ kamourour eo aikuji n̄an jepļaaktok n̄an erom niknik. Ak ritōl ro me remaron̄ jipan̄ ilo jekjek in rej jet iien makoko n̄an kōm̧m̧an āindein. Jej aikuj likūt ilo kōļmenļo̧kjeņ bwe armej remaron̄ oktak. Remaron̄ likūt itulikier iminene ko renana. Remaron̄ ukweļo̧k jān bōd. Remaron̄ kabwijer priesthood eo ilo wānōk. Im remaron̄ niknik jerbal n̄an Irooj.”5
Jej ke Kōm̧m̧ane Aolep men ko jaikuj kar kōm̧m̧ani?
‟Laļ in ej aikuji jipan̄ eo ad. Jej ke Kōm̧m̧ane Aolep men ko jaikuj kar kōm̧m̧ani? Jej ke keememej naan ko an Būreejtōn John Taylor: “Eļan̄n̄e kom̧ij jab kōļapļo̧k kūr ko ami, Anij enaaj ņa ruwōm̧ kōn ro me kom̧ maron̄ kar lo̧mo̧o̧ren er eļan̄n̄e kom̧ kar jab kōm̧m̧ane jerbal eo ami.” [Teachings of Presidents of the Church: John Taylor (2001), 164]. Ewōr nee ko n̄an kakūjn̄en̄e, pā ko n̄an dāpij, kōlmenļo̧kjeņ ko n̄an kōperan, bōro ko n̄an im̧we, im jetōb ko n̄an lo̧mo̧o̧r. Kōjeram̧m̧ōn ko an indeeo rej kōttar eok. Jeram̧m̧ōn eo ej am n̄an jab erom rialwōj ak ribbōk kuņaam̧ ioon jikin … jerbal in jipan̄.”6
© 2014 jen Intellectual Reserve, Inc. Aolep jim̧we rej pād ippān. Jeje ilo USA. Kōmālim ilo kajin English: 6/13. Kōmālim an ukook: 6/13. Ukook eo an First Presidency Message, February 2014. Marshallese. 10862 874