2014
Gibati ko ang Espiritu
Marso 2014


Gibati ko ang Espiritu

Imahe
Linda K. Burton

“Si Jesus miingon, Paduola kanako ang gagmayng kabataan ug ayaw sila ninyo pagpugngi, kay ang gingharian sa langit ila sa mga sama kanila” (Mateo 19:14).

Nakahinumdom ko og duha ka yano nga mga kalihokan nga nahitabo sa dihang ako usa pa ka gamayng batang babaye. Matag usa nagpakita kon sa unsang paagi ang Espiritu motandog sa mga kasingkasing sa espesyal nga paagi bisan unsa pa ang atong edad.

Ang unang kasinatian nahitabo sa dihang ang akong igsoong lalaki nasakit. Ang akong amahan mitawag sa usa ka tawo sa among ward sa pag-anha sa among panimalay ug motabang sa paghatag og panalangin sa priesthood. Samtang ang among pamilya nagpundok sa wala pa ang panalangin, ang tawo misugyot nga kaming mga anak kinahanglan mobiya tungod kay basin makadisturbo kami sa espiritu sa panalangin. Ang akong amahan malumong mitubag nga importante nga ang matag bata anaa atol sa panalangin tungod kay ang among lunsay nga pagtuo gikinahanglan. Bisan sa bata pa, wala lang nako batia ang presensya sa Espiritu, apan mibati usab ko sa dakong gugma sa akong amahan alang sa iyang mga anak. Ang gugma sa akong amahan nakatabang nako nga motuo ug makasabut sa gugma sa Langitnong Amahan nako.

Pipila ka tuig ang milabay, ang among pamilya miapil sa miting sa sakrament. Ang akong inahan usa ka batid nga musikero. Hinoon, iyang gihatagan ang akong igsoong mga babaye ug ako sa oportunidad sa pagkanta imbis nga siya. Klaro pa nakong nahinumduman ang kanta nga iyang gipakanta namo:

Samtang nagbasa anang sugilanon nga matahum,

Sa dihang si Jesus ania pa dinhi sa yuta,

Siya nagtawag sa mga bata samas karnero ngadtos Iyang panon;

Nindot unta nga uban ko Kaniya kaniadto.

(“I Think When I Read That Sweet Story,” Children’s Songbook, 56)

Samtang ako ug ang akong igsoong mga babaye nagkanta, akong gibati ang kainit ug kalipay. Ang akong linghod nga pagpamatuod nalig-on samtang ang Espiritu Santo mitabang nako nga mobati nga ang Langitnong Amahan ug si Jesukristo nahigugma nako.

Mapasalamaton ko alang sa panalangin sa Espiritu Santo ug sa gugma sa akong mga ginikanan ug sa akong Amahan sa Langit.