Kweilo̧k im N̄a

Ij kijon̄ ļōmņak bwe kweilo̧k eo eļap ilo jem̧ļo̧kin wiik eo eaitok im jelmo, ak ke iien eaar eļļā ļo̧k, iaar jino iakwe im reim̧aan ļo̧k n̄an e. Kweilo̧k eo eļap ilo jem̧ļo̧kin wiik emaron̄ kōkajoor ļo̧k ilo jetōb, ak elukkuun in pidodo n̄an an en̄jake kein jako n̄e m̧antin mour eo ad ej wōnm̧aan ļo̧k wōt ilo M̧ande. Jet iaan ļōmņak ko raar jipan̄ eō wōnm̧aan ļo̧k n̄an bōk eļap jān kweilo̧k eo jon̄an wōt maron̄.

Ij kōpooj eō make n̄an kweilo̧k eo jen je kajjitōk kein, innām je naan in kakeememej ko ilo an kajjitōk ko aō uwaak. Ālkin wōt, ij download i kōnono ko an kweilo̧k eo im al ko jān LDS.org im likūti er ilo juon MP3 bwe in maron̄ ron̄jake juon kōnono ak al ilo aō ļoor m̧akūtkūt ko an n̄an kajjojo raan. Ij barāinwōt iakwe n̄an katak juon katak an kweilo̧k eo ilo Liaona eo. Ij kōkkaļļeik im je naan in kakeememej ko ilowaan bok ko n̄an kape ko aō make. Jen iien eo ej jejjet kweilo̧k eo juon, māākjiin eo aō elukkuun jejjet kōjerbale. Baam̧le eo aō jet iien rej katak enaan ko ippān doon ilo nokon in jota eo an baam̧le.

Dāpij wōt jetōb eo kōm̧ ar en̄jake ilo kweilo̧k eo ippām̧ im wōnm̧aan ļo̧k im katak jān ennaan ko ej aikuj jerbal, ak kōm̧m̧ane menin eaar juon kōjeram̧m̧an eļap n̄an n̄a. Iaar bōk eļap kajoor im tōl ilo iien aikuj jen katak ennaan ko jān kweilo̧k eo eļap, ijeļā bwe ennaan kein rej im̧we.