2014
Menin Elukkuun Pidodo, Jim̧m̧a!
Eprōļ 2014


“Menin Elukkuun Pidodo, Jim̧m̧a!”

Jān Eprōļ 1987 ekōnono eo ilo kweilo̧k eo eļap.

Pija
Elder Enrique R. Falabella

“Pukōt ilo jeje ko; bwe ilo er kom̧ij ļōmņak ami mour indeeo: im kein rej kōnnaan kōn Eō” (Jon 5:39).

Ij iakwe Bok in Mormon eo im aō Rilo̧mo̧o̧r, Jisōs Kraist. Juon raan iaar kajjitōk ippān leddik eo jibū Raquel ta eo eaar ļōmņak n̄an kōm̧m̧ane juon menin kōttōpar n̄an riiti Bok in Mormon eo. Raquel ej kab jeļā riit.

“Ak, Ļajim̧m̧a,” eaar ba, “elukkuun pen. Ej juon bok ekilep.”

Innām iaar kajjitōk ippān n̄an riiti juon peij n̄an n̄a. Iaar kwaļo̧k juon waj im kawawaiki. Eaar bōk wōt jilu minit ko n̄an riiti peij eo.

Kōm kar riiti Bok in Mormon ilo kajin Spanish, im ukook eo an kajin Spanish an Bok in Mormon eo ewōr 642 peij ko ie. Iaar jiron̄ e enaaj kar bōke 1,926 minit ko n̄an riiti aolep bok eo.

Menin emaron̄ kar ļap ļo̧k an kaam̧jak e, kōnke menin ikar ajije nōm̧ba eo kōn 60 minit ko. Iaar jiron̄ e bwe eaikuji wōt 32 awa n̄an riiti bok eo. Enaaj kar dik ļo̧k jen juon raan im jimettan!

Innām eaar ba n̄an n̄a, “Elukkuun pidodo, Jim̧m̧a!”

Eaar bōk Raquel, brother eo an, Esteban, im ajri ro jet jibūm̧ raar bōk eļap iien n̄an riiti Bok in Mormon eo. Ej kōnke kōm̧ij riiti, kōm̧ij aikuj bōk iien n̄an jar im ļōmņak kōn ta eo kōm̧ kar riiti.

Ejja āinwōt Raquel im Esteban, jemaron̄ aolep katak n̄an iakwe jeje ko rekwojarjar. Innām kajjojo iaad jemaron̄ ba: “E jan̄in tōn̄al naan ko Am̧ n̄e I edjon̄i! aaet, retōn̄al jān hōnni ilo lo̧n̄iiō!” (Psalm 119:103).