Ang Pamilya Mao ang Sentro sa Plano sa Langitnong Amahan

Si Misha ganahan maghimo og tore ginamit ang mga bloke, apan usahay maglagot siya kon ang mga bloke mangahulog. Dayon nakakat-on siya og sekreto. Kon butangan niya og daghang mga bloke sa ubos sa iyang tore, makahatag kini sa iyang tore og mas lig-on nga pundasyon. Nagkinahanglan kini og pailub ug praktis, apan sa wala madugay nakatukod na siya og mga tore nga dili dayon maguba.

Sama ni Misha nga nakakat-on sa pagtukod og mas lig-on nga mga tore, kita makakat-on sa pagtukod og mas lig-ong pamilya. Ang mga pamilya importante kaayo nga bahin sa plano sa Langitnong Amahan alang nato. Sa wala pa kita matawo, kita nagpuyo isip espiritu nga mga anak nga lalaki ug mga anak nga babaye sa Langitnong Amahan. Sa dihang oras na alang nato nga moanhi sa yuta, ang Langitnong Amahan nagplano alang nato nga moabut ngadto sa usa ka pamilya. Gusto niya nga ang atong mga pamilya manalipod nato, motudlo nato, ug motabang nato nga makabalik ngadto Kaniya.

Makapaningkamot kita sa paghatag sa atong pamilya og mas lig-on nga pundasyon. Makapraktis kita sa pagserbisyo ug pagtabang sa usag usa. Kita maminaw ug mosulti og mabination sa usag usa. Kita makaampo ug makatuon sa mga kasulatan. Mahimo kitang magtinabangay sa pagtrabaho ug maggahin og panahon sa pagbuhat sa mga butang nga atong ikalipay. Uban sa pagpailub ug pagpraktis, kita makatukod og mas lig-ong pamilya.