Bōktok Būraimere n̄an M̧weo
Baam̧le Ej Dilep In Karōk eo an Jemedwōj Ilan̄
Katak eļap ļo̧k kōn m̧ato eo an Būraimere allōn̄ in!
Misha ej iakwe kōkkāāl tawōr ko kōn būļak ko, bōtaab liin jet iien ej inepata n̄e būļak ko rej wōkjak n̄an laļ. Innām eaar katak juon men ittiņo. Ke eaar kōjerbal elōn̄ļo̧k būļak ko itulaļ in tawōr eo an, kar leļo̧k n̄an e juon pedped eo epenļo̧k an tawōr eo. Eaar bōk kijenmej im kaminene, bōtaab ejjab to liin eaar maron̄ kalōk tawōr ko raar jab pidodo an okjak.
Ejja āinwōt an Misha kar katak n̄an kalōk tawōr ko rōkkajoor, jemaron̄ katak n̄an kalōk juon baam̧ļe ekajoor ļo̧k. Baam̧le ko rej lukkuun m̧ōttaan eo eaorōk ilo karōk eo an Jemedwōj Ilan̄ n̄an kōj. M̧okta jen ad kar ļotak, jekar mour āinwōt ļaddik im leddik in jetōb ro nejin Jemedwōj Ilan̄. Ke eaar iien n̄an ad itok n̄an laļin, Eaar karōk n̄an kōj n̄an itok n̄an baam̧le ko. Eaar kōņaan bwe baam̧le ko ad ren kōjparok kōj, katakin kōj, im jipan̄ kōj bar jepļaak ļo̧k n̄an Ippān.
Jemaron̄ jerbal n̄an leļo̧k n̄an baam̧ļe eo ad juon pedped ekajoorļo̧k. Jemaron̄ kaminene kilen jerbal im jipan̄ doon. Jemaron̄ ron̄jake im kōnono jouj n̄an doon. Jen maron̄ jar im ekkatak jeje ko rekwojarjar ippān doon. Jen maron̄ jerbal ippān doon im joļo̧k iien ippān doon n̄an kōm̧m̧ani men ko jej lem̧ōņo̧ņō kaki. Kōn kijenmej im kaminene, jen maron̄ kalōk juon baam̧le ekajoor ļo̧k.