Moises

Natawo ko sa Ehipto sa panahon dihang ang akong mga katawhan, mga Israelite, mga ulipon. Nahadlok sa nagkadaghang mga ulipon nga Israelite, ang Paraon mimando nga ang tanang mga Israelite nga lalaki nga ihimugso pagapatyon. Aron maproteksyonan ko, gitago ko sa akong inahan sulod sa tulo ka bulan sa wala pa ko niya gipahimutang sa usa ka basket taliwala sa mga tigbaw [reed] sa Nile. Nadiskobrehan ko sa anak nga babaye sa Paraon ug gipadako ko niya isip iyang anak nga lalaki.²

Sa dihang midako ko, mibiya ko sa Ehipto ug mipuyo sa yuta sa Midian. Didto nahimuot si Jetro nako, isip magbalantay sa karnero ug priest, giminyoan ang iyang anak nga babaye nga si Zipporah. Gikan ni Jetro, nadawat nako ang Melchizedek Priesthood.³

Usa ka adlaw samtang nagbantay ko sa mga hayop ni Jetro, ang Ginoo mipakita kanako sa usa ka nagdilaab nga sampinit ug mitawag nako sa pagluwas sa mga anak sa Israel gikan sa pagkaulipon.⁴

Mibalik ko sa Ehipto ug misulti sa Paraon nga hatagan og kagawasan ang mga katawhan sa Ginoo, apan mas gipabug-at ang ilang mga palas-anon. Ang Ginoo mipadala og sunod-sunod nga hampak [plaque] ngadto sa mga Ehiptohanon, apan ang Paraon nagpatig-a sa iyang kasingkasing ug nagdumili gihapon nga hatagan og kagawasan ang mga Israelite. Ang katapusang hampak mao ang tiglaglag nga anghel nga mipatay sa unang natawo nga anak nga lalaki sa matag pamilya sa Ehipto. Ang mga Israelite maproteksyunan gikan sa tiglaglag nga anghel pinaagi sa pagpahid og dugo sa walay lama nga karnero diha sa mga haligi sa ilang pultahan ug magpabiling anaa sa sulod. Pinaagi nako, ang Ginoo mipahigayon sa Piyesta sa Pagpalabay isip ordinansa aron makahinumdom ang mga Israelite niining milagro matag tuig.⁵

Ang katapusang hampak nakapahimo sa Paraon sa pagnunot ug paghatag og kagawasan sa mga Israelite. Apan sa wala madugay mitig-a ang kasingkasing sa Paraon ug mipadala sa iyang kasundalohan aron sa pagkugod sa milaling mga Israelite. Ang Ginoo mipanalangin nako og gahum sa pagtunga sa Pulang Dagat, ug kami naglakaw sa uga nga yuta samtang ang dagat mitabon sa kasundalohan sa Paraon.⁶

Ang Ginoo migiya namo diha sa kamingawan pinaagi sa panganod ma-adlaw ug gilis sa kalayo ma-gabii. Iyang kaming gisangkapan og tubig, mana, ug buntog.⁷

Gikatkat nako ang Bukid sa Sinai, diin naa ko didto sulod sa 40 ka adlaw ug nadawat ang Napulo ka Sugo gikan sa Ginoo. Sa dihang nanaug nako gikan sa bukid, ang mga Israelite mibiya sa Dios ug naghimo og bulawang baka aron simbahon. Dili na sila angayan pa sa pagdawat sa balaod sa Dios nga gihatag nako, mao nga akong gibuak ang mga papan [tablets] nga gisulatan niini. Mibalik ko sa bukid, diin ang Ginoo mihatag kanako sa mas ubos nga balaod nga gitawag sunod sa akong ngalan—ang balaod ni Moises.⁸

Diha sa kamingawan ang Ginoo mipadayag nako sa mga desinyo sa pagtukod og tabernakulo, o mabalhin-balhin nga templo. Among dalhon ang tabernakulo sa among pagbiyahe aron makasimba niini. Sa tabernakulo, ang mga tawo makadawat og mga ordinansa ug makig-istorya sa Ginoo “nawong sa nawong, ingon sa usa ka tawo nga nakigsulti sa iyang higala.”⁹ Gipakita usab sa Ginoo nako unsaon sa paghimo sa arka sa pakigsaad, usa ka balaan nga handumanan nga ibutang sa labing sagrado nga bahin sa tabernakulo, ang Holy of Holies.¹⁰

Sa dihang mipadala ang Ginoo sa “mga bitin nga mapintas” sa pagpanton sa mga Israelite, gisugo ko sa paghimo og usa ka bitin nga tumbaga ug ibutang kini sa usa ka tukon aron ang tanan nga napaakan sa bitin motan-aw niini ug mamaayo. Apan tungod sa ilang garbo ug kayano sa buluhaton, daghan ang wala motan-aw ug namatay.¹¹

Ang Ginoo mihimo nga ang mga Israelite maglatagaw sa kamingawan sulod sa 40 ka tuig sa wala pa sila makasulod sa yuta sa saad.¹² Ako wala makasulod apan “gibayaw sa Espiritu” ngadto sa Ginoo.¹³