2014
Jiljimjuon Raan Ko M̧ae Iien Ijtō
Eprōļ 2014

Im̧ōko Im̧ōd, Baam̧le ko Ad

Jiljimjuon Raan Ko M̧ae Iien Ijtō

Kwe im baam̧le eo am̧ maron̄ katak kōn ta eo Jisōs eaar kōm̧m̧ane ke Eaar pād ioon laļin. Jino ilo Jabōt eo m̧okta jen Ijtō. Kajjojo raan, riiti jeje ko rekwojarjar, kōm̧m̧an ikkure, ak al al ko (ak bar juon al kōn unin kōnono eo). Innām mwijiti im kōddāpe ilo juon bo̧o̧k ejjeļo̧k kobban pija in Jisōs eo ej jejjet n̄an bwebwenato eo ilo jeje ko rekwojarjar. N̄e aolepān bo̧o̧k ko rej obrak, Ijtō enaaj pād ijin!

Raan 1

Jemedwōj Ilan̄ eaar jilkintok Nejin, Jisōs Kraist, n̄an ļotak ioon laļ in.

  • Luk 2:4–7

  • “He Sent His Son” (Children’s Songbook, 34).

Raan 2

Jisōs ear juon nin̄nin̄. Jemaron̄ erom āinwōt E jen em̧m̧an im juon.

  • Luk 2:40, 52

  • “Jesus Once Was a Little Child” (Children’s Songbook, 55).

Raan 3

Jisōs eaar kōjparok aolep kien ko an Jemed Ilan̄, ekoba kien eo n̄an peptaij.

  • Matu 3:13–17

  • “When Jesus Christ Was Baptized” (Children’s Songbook, 102).

Raan 4

Jisōs eaar kōm̧m̧an elōn̄ kabwilōn̄lōn̄ ko, āinwōt kemour armej ro raar nan̄inmej, jipan̄ armej epilo n̄an bar loļo̧kjeņ, im kabōjrak juon lan̄.

  • Mark 4:36–39

  • “Tell Me the Stories of Jesus” (Children’s Songbook, 57).

Raan 5

Ilo Kwojkwoj in Kijoone eo Āliktata, Jisōs eaar kajjitōk ippān rikaļoor ro An n̄an bōk m̧ōttan kwojkwoj eo āinwōt juon wāween n̄an kakeememej E. N̄e jej bōk kwojkwoj eo kajjojo wiik jej barāinwōt kakeememej Rilo̧mo̧o̧r eo.

  • Luk 22:19–20

  • Kōnono n̄an ro jinem̧ im jemōm̧ kōn juon men eo komaron̄ kōm̧m̧ane n̄an jipan̄ eok ļōmņak kōn Jisōs ilo kwojkwoj eo Jabōt in.

Raan 6

Kōnke Jemedwōj Ilan̄ im Jisōs rej iakwe kōj, Jisōs eaar itok n̄an laļ in n̄an en̄taan kōn jerawiwi ko ad bwe jen maron̄ bōk jeorļo̧k bōd im ro̧o̧l ļo̧k n̄an Jemedwōj Ilan̄.

  • Luk 22:41–44

  • Ta men eo komaron̄ in kōm̧m̧ane rainin n̄an kwaļo̧k n̄an Jisōs bwe kwoj kam̧oolol kōn en̄taan eo An?

Raan 7

Ālkin An kar pād ilo lōb ium̧win jilu raan ko, Jisōs eaar jerkakpeje. Kōnke Eaar jerkakpeje, jemaron̄ jerkakpeje barāinwōt.