Faahororaa no te mau aamu o te amuiraa

Neil L. Andersen

(18) Te hoê tarona tei ti‘a no te paruru i te faaipoiporaa matauhia noa’tu te faaooraa e te mau i‘oa tei piihia ia’na.

M. Russell Ballard

(78) ua hi‘opo‘a o M. Russell Ballard « i te nuuraa o te ohipa » no ni‘a ia Barbara Bowen, o ta’na i farerei i te hoê pô oriraa na te fare haapiiraa tuatoru, ua haamata na roto i te haamatauraa, e i muri iho te faaipoiporaa. Ua ani manihini te hoê tamaiti e va‘u matahiti i to’na hoa e te utuafare o to’na hoa i te hoê opani iriti a te paroisa i Buenos Aires.

David A. Bednar

(87) Hoê pereoo pani tura‘i i roto i te hiona tei faatomohia i te mau vahie teiaha no te tahu i te auahi.

Linda K. Burton

(122) Ua haapa‘o noa te hoê feia apî tamahine no te fenua Philipino i ta’na mau fafauraa. Ua haapii te hoê tuahine Tapone tei haere i Korea i te mau misionare.

Quentin L. Cook

(44) Ua papa‘i o Vilate Kimball i to’na hoa faaipoipo no ni‘a i te « hanahana o te haapiiraa tumu » no te bapetizoraa no te feia i pohe, mai tei heheuhia e Iosepha Semita.

Henry B. Eyring

(22) To Heinrich Eyring haereraa i te fenua Marite, ua amui atu i te Ekalesia, ua tavini ma te haapa‘o e toru misioni, e ua vaiiho mai i to’na utuafare te hoê tuhaa ai‘a no te tia‘iraa.

(62) Ua taraihia o Henry B. Eyring e te mau aito o to’na tamariiraa : to’na papa, to’na faatere no te Autahu‘araa a Aarona, te hoê faehau ihitai no Marite, e te hoê taata hauti tairi popo o Joe DiMaggio.

(125) E maha ahuru matahiti i muri mai i te piiraahia e haapii ia Kathy Johnson (i muri mai ua riro ei hoa faaipoipo no Henry B. Eyring), ua faaite noa o Ruby Haight i te here e te tau‘a no Kathy.

Donald L. Hallstrom

(53) Noa’tu te mau oti‘a i te pae tino, ua tavini te hoê taata haapa‘o maitai no Initia i te hoê misioni e ua faaineine e to’na utuafare ia taatihia i roto i te hiero no Hong Kong, Taina.

Jeffrey R. Holland

(6) E piti tuahine misionare te haere noa ra ma te parau ore i te tahi parau i te hoê taata, o tei parau ino mai ia raua, tei taora i te maa i ni‘a ia raua e ua tamata i te tupa‘i i te hoê o raua.

Thomas S. Monson

(66) E pure te hoê faehau ihitai i te mau pô atoa, noa’tu te mau faaooraa a te tahi i roto i ta’na pŭpŭ faehau. Ua faaite papû te hoê feia apî tamaroa i roto i te pureraa oro‘a, ua itehia râ oia i muri iho i taua mahana ra i te pupuhiraa i te avaava.

(91) Ua riro mai e piti na vahine ei nau hoa maoro i muri a‘e i to te hoê tautururaa i te tahi no te haapii i ta’na ohipa ei taata nira ahu i roto i te hoê fare hamaniraa ahu. Aita te mau horopatete i roto i te hoê manureva i amuamu i te taime a faatipuuhia ai to ratou manureva no te tii i te hoê tamaiti iti no te afa‘i i te fare ma‘i. Ua oto roa te hoê vahine i te oreraa e faati‘a i te hoê taata tapiri io’na ia haere na te puromu poto na ni‘a i to’na tuhaa fenua.

Russell M. Nelson

(29) Ua faaite te tamahine a Russell M. Nelson o Emily i te itoito e te faaroo i te fatataraa oia e pohe i te ma‘i mariri‘ai taata.

Bonnie L. Oscarson

(119) Ua haapii mai te hoê tamahine apî i te oaoa no te taviniraa i te tahi a aupuru ai oia e to’na mama i te hoê vahine tei roohia i te hoê ma‘i rahi. E 81 matahiti to te hoê tuahine a piihia ai oia ia faaite i to’na paari, to’na mau iteraa, e to’na hi‘oraa maitai ei tuahine haapa‘o i te mau tarona i roto i ta’na paroisa.

Boyd K. Packer

(94) Ua farii o Boyd K. Packer i te hoê faaiteraa pae varua no te parau mau o te evanelia, a pure ai i roto i te hoê pâ i te tau no te Tama‘i Rahi II o te ao nei.

Ronald A. Rasband

(9) Te hoê tamahine i roto i te piha CM2, tei ta‘irihia e te puahiohio e ua paruruhia e te mau melahi.

Linda S. Reeves

(15) Ua haapii o Linda S. Reeves i ta’na tamahine e nahea ia farii i te tamarû i te aau na roto i te Taraehara a te Faaora, i muri a‘e i to te tamahine iteraa i te mau hoho‘a i ni‘a i te afata teata.

Randall L. Ridd

(56) Ua faaoti te hoê taure‘are‘a ia tavini i te hoê misioni eiaha ra ia faaipoipo, i muri a‘e i to’na iteraa o vai ra ona i roto i te ao hou te tahuti nei.

Richard G. Scott

(32) Ua tauturu te here e te hi‘oraa maitai o te mama ruau o Richard G. Scott e o to’na hoa faaipoipo i muri mai, ia’na i roto i to’na nuuraa i te pae varua.

Jean A. Stevens

(81) Ua faaurûhia o Jean A. Stevens ia horo‘a i te tauturu i te hoê tamaiti tei ore i roaa ia’na te pereoo mataeinaa no te ho‘i i te fare. Ua mau papû te mau melo o te utuafare o Gatrell i te evanelia i muri a‘e i te iteraahia mai te ma‘i mariri‘ai taata i roto i te taea‘e Gatrell.

Gary E. Stevenson

(84) Ua haru mai o Noelle Pikus-Pace e feia mo‘a i te mau mahana hopea nei i te feti‘a moni i te ha‘utiraa Olympic no te faahee « skeleton », i muri a‘e e rave rahi matahiti i te faaohiparaa e te faaineineraa. Ua faaite o Torah Bright e feia mo‘a i te mau mahana hopea nei i te here mai to te Mesia te huru i te ha‘utiraa Olympic, na roto i te tauahiraa i te hoê taata tata‘u faahee « half-pipe » tei tapitapi te mana‘o.

Michael John U. Teh

(106) Ua vai haapa‘o noa te hoê vahine Philipino e 73 matahiti i te evanelia i muri a‘e i te hoê aueueraa fenua e te hoê mata‘i puahiohio tei haapohe i to’na utuafare.

William R. Walker

(97) Ua amui mai o Robert e o Maria Harris i te Ekalesia e ua vai papû noa e te haapa‘o maitai i te evanelia noa’tu te mau fifi e te faataa-ê-raa.

Claudio D. Zivic

(39) Ua rave o Claudio D. Zivic i te hoê e‘a hape na roto i te peeraa i te tahi atu taata haere.

W. Craig Zwick

(41) Ua faaite o W. Craig Zwick e ta’na vahine i te here no te tahi e te tahi i muri a‘e i to ta’na vahine ou‘araa e ta raua aiû tamaroa i roto i te rima i rapae au na roto mai i te pereoo faauta tauihaa te auauahi ra.