2014
Elder Chi Hong (Sam) Wong
Me 2014


Elder Chi Hong (Sam) Wong

Pŭpŭ matamua no te Hitu Ahuru

Hōho’a
Elder Chi Hong (Sam) Wong

Ei melo faafariu-apî-hia e ei piahi i te fare haapiiraa tuatoru no Brigham Young-Hawaii, ua noaa ia Elder Chi Hong (Sam) Wong hau atu i te hoê haapiiraa—ua noaa ia’na te hoê iteraa papû e te vai nei te hoê Atua o tei ite ‘i te mau mea ha‘iha‘i o to tatou oraraa ».

Fanauhia i te 25 no Me 1962 i Hong Kong, Taina, ia Ngan Kan e Fat Wong, Elder Wong o te hoê ïa o na tamarii e hitu tei paari i roto i te hoê piha na‘ina‘i.

Ua farerei oia i te vahi ohiparaa ia Carol Lu tei faaite atu i te evanelia ia’na. Ua bapetizohia teie taata faafariu-apî-hia i te 14 no fepuare 1982.

Hoê matahiti i muri mai, i te 9 no tiurai 1983, ua faaipoipo oia ia Carol. Ua reva’tu raua i Laie, Hawaii, HAM, ia nehenehe ia’na ia haere atu i te haapiiraa. No te mea hoi e parau faati‘a piahi ta’na, ua nehenehe ia Elder Wong ia rave i te ohipa e 20 hora noa i te hebedoma. No te faaamu i to’na utuafare ua parau oia, « Ua ti‘a ia maua ia faaohipa i to maua faaroo e ta maua mau pure ».

Ua haa puai oia ia noaa ia’na te hoê pute haapiiraa, e i muri iho ua rave rahi oia i te mau haapiiraa atoa ta te fare haapiiraa tuatoru i faati‘a ia’na ia rave. Ua haamana‘o oia, e « E ere i te mea ohie ». « Ia ite ana‘e tatou i te reira e ite ïa outou e nehenehe ta outou e ti‘aturi i ni‘a i te mana no te ra‘i mai i te mau taime atoa ».

Ua taatihia te mau Wong i roto i te Hiero no Laie Hawaii i te 9 no atete 1984, e ua fanauhia mai ta raua tamarii matamua ; ua amui mai e toru faahou â tamarii i te utuafare. Ua parau Elder Wong, « Ua riro taua mau matahiti ra ei mau matahiti taa ê e te mo‘a roa ».

Ua noaa ia Elder Wong te parau tu‘ite licence i roto i te ohipa numeraraa e te hoê parau tu‘ite e piti matahiti i roto i te haapiiraa roro uira ; i muri iho ua ite oia i te titauraa « ia ho‘i i Hong Kong no te tavini ».

Ua farii oia i muri mai i te parau tu‘ite MBA i te fare haapiiraa tuatoru no Hong Kong. I riro na Elder Wong ei taata haamata e e hoa ohipa no te hoê taiete haamaramarama ohipa e ua ohipa atoa oia i roto i te hoê taiete hi‘opo‘a e tamatamata i te mau materia e ua haamata oia i reira ei taata haapa‘o faufaa e ua faaru‘e oia i te taiete ei mono faatere no te taiete.

Hou to’na piiraahia i te 5 no eperera 2014 ei melo no te Pŭpŭ Matamua no te Hitu Ahuru, ua tavini oia ei episekopo, peresideni tĭtĭ, e ei Hitu Ahuru Area.