Ako si Loredana gikan sa Italy

Ang tagsulat nagpuyo sa Utah, USA.

Ciao, amici!*

Ang siyudad ba nga imong gipuy-an dunay angga? Ang siyudad nga gipuy-an ni Loredana usahay tawagon nga Eternal City. Si Loredana nagpuyo sa Rome, Italy. Kining maanindot, makasaysayanong siyudad adunay daghang nindot nga mga dapit nga mabisita, sama sa Colosseum ug Trevi Fountain.

Kada buntag sa ting-eskwela, human magbasa sa mga kasulatan, si Loredana ug ang iyang pamilya mamahaw (kasagaran cereal ug gatas). Dayon moeskwela siya. Ganahan kaayo siya sa mga klase sa art ug computer. Kon makapauli na siya, ganahan siyang makigdula sa iyang manghud nga lalaki, nga si Francesco.

Ang akong mama mobasa sa Basahon ni Mormon ngari nako kada gabii bisan sa wala pa siya magpasakop sa Simbahan. Sa dihang ang akong mama nakahukom nga magpatudlo mi sa mga misyonaryo ug ako nakadungog nila nga mobasa sa Basahon ni Mormon, nakahibalo ko niini.

Ang akong mama nag-atiman sa tigulang nga babaye nga ginganlan og Angelina. Usahay sa mga Sabado basahan nako si Angelina og mga istorya ug kantahan og mga kanta sa Primary. Malingaw kong motabang sa akong amiga nga si Angelina.

Sa Pasko ug sa Pasko sa Pagkabanhaw, ganahan kong mohatag sa akong mga higala ug pamilya og mga gasa nga hinimo. Maghimo ko og akong kaugalingong mga kard ug mga kwadro sa litrato aron butangan og espesyal nga mga litrato.

Ang akong pamilya ganahan nga moadto sa baybayon, mobisita og makasaysayanong mga dapit sa Rome, o bisan magdula lang sa playground.

Motabang ko kanunay sa akong ama-ama paghimo og pasta Amatriciana alang sa panihapon.

Litrato sa Rome pinaagi ni Sergey Borisov/iStockphoto/Thinkstock. ANG UBANG MGA LITRATO PINAAGI SA MAAYONG KABUBUT-ON SA PAMILYA NI LOREDANA.